Ngàleshyà 3:28 - Ŋwàʼlè ə̀ Fèzhə̀ Mkâyn Mə̂ Fèm

²⁸ Nyiəmə, sə nɨŋ fɨyn va sê wùə ə Njû yî vɛ ə è va wùə Njû. Sə nɨŋ e fɨyn va sê wùə vɛ ə è va akɔ̂s yî wùə vɛ ə è nyi akɔ̂s, va sê wùə endômə̀ yî wùzhɔyn kûmə̀ nə ghàyn əkɨ̂m nyi sə àfɨa àmɔ̀ʼ kûmə̀ nə ghanə tsɨ̀yntè ghâynghə̀ Klâys Njisə̀s.

Ngàleshyà 3:28 ပူးပေါင်းရင်းမြစ်များ

Njɔyn 10:16

Ndzè sə mɔ̀ʼɔse nyi ndô mə ə̀ kyi Mi mə se va fa mbàynə̀ sèndzè. M kyi se pə kəpì è səynse. Se nə zɨtə̂ kyə̀ zɨ̂mzè, ə se pəyn sə̂ nyi ə mbàyn èmɔ̀ʼ, kyi ke ngyəyn èmɔ̀ʼ.

Njɔyn 11:52

È tè paʼà kwu ke sê ghənə. È və tè kwu kepî atu ə ghɔ Fezhə̀ ghɛ ə ghe chyâsè kə ghənə kɛse zûŋtè pə̂yn ə̀ nyi ke sə afɨa àmɔ̀ʼ.

Njɔyn 17:11

M nə̀ fɨnə faŋə va ə mbi pîza ghənə pa nyi ə mbi, M pə se ghò zôyn. Pɨ̀a vɨ̂mve èŋwaʼa tɔ̀ʼne è ghənə è tyaʼ Kɛke zəke, ezə zɛ ə ò tè fo sê Mi, kə ghənə nyi sə eghɛ èmɔ̀ʼ kè kə ghâsè ghò nyì sə eghɛ èmɔ̀ʼ.

Ŋwàʼlè ə̀ Pɔ̂l sê ghɨə Lûmghè 1:16

M ghomə̂ va se ndàʼa tom èchùŋ kûmə̀ nə è nyi atyaʼ ə Fezhə̀ kɛ ə ke nyi mə kə pə̀yn èsɔzaze sê ghɨ ghɛ ə ghe pomə sê vəyn, se zhə̀tə pə̀yn se ghɨə Njûsə̀ se nduə fɨ sê ghɨ ghɛ ə̀ va əghɨ ə Njûsghè.

Ŋwàʼlè ə̀ Pɔ̂l sê ghɨə Lûmghè 3:22

Ndom ətəynve nyi nə naʼapi ndè vɛ ə è pomə Njisə̀s Klâys, ə̀ tə nə̂ ə nyi vəyn chichi ə Zhə̀fè əshi. Kə wùə nyi wùə Njûs, kə wùə va pî, sə nɨŋ va ətəyn.

Ŋwàʼlè ə̀ Pɔ̂l sê ghɨə Lûmghè 8:1

Zhə̀fè nə̀ va nə wùə pfɨ saʼ ezhoghɛ ə è nyì sə afɨa àmɔ̀ʼ yî ghə̀ Njisə̀s Klâys.

Ŋwàʼlè ə̀ Pɔ̂l sê ghɨə Lûmghè 9:24

Ghâsènì e nyi paʼsê anɔ̀yn əghɨ̀ kɛ ə è nyi mə È və tɔŋə fɨsê. Ə̀ vachi ke anɔ̀yn əghɨ̀ ə Isìlâykè ə È tɔŋə fɨse ghâsènì. È və tɔŋə fɨse ghâsènì yîghe əfètə̂ ə̀ghɨ̀ ghɛ ə̀ vachi ə̀ghɨ ə Njûsghè.

1 Kɔlìŋ 7:14

E nyi nyî kûmə̀ nə Zhə̀fè kàʼa Fe nəyn nə ndom vɛ ə è tàʼa pomə̂ nə è və nyi èŋwâʼzè ə Zhə̀fè əshi tɔynə̂ ə zhwìə vəyn, fɨnə nə̂ wùzhɔyn vɛ è tàʼa pomə̂ nə è və nyi èŋwâʼzè ə Zhə̀fè əshi tɔynə̂ ə ndomə̀ vəyn. Ə ze fə̂ va nyî, ə ghɔyn ə ghənə ghè ə va èzoze pîza kè kə ze chwîtə̀, ghənə nyi èŋwaʼze ə Zhə̀fè əshi.

1 Kɔlìŋ 7:19

E za nyi nə kə se namə wûəghè kɨ̀sə tàʼa se, kiva ghɛze se nə̀yn. Ghɛ e tɛze nyi ke sə̂ ndə̂mə̀ alàŋ ə Fezhə̀kè.

Ngàleshyà 3:14

Klâys tè nə̂ nyî kə pɔsêzè zɛ ə Zhə̀fè tè tsɨ̀ne sê Aplàghâm pɔŋ ndu sê ghɨ ghɛ ə ghe tè va ə ghɨ ə Njûsghè tɔynə̂ ə Klâys Njisə̀s. È tè nəyn nyi kə tɔynə̂ ə ghâsènì ekyî epomə̂zè, ə ghâsènì kyî Zuʼ sɛ ə Zhə̀fè tè tsɨ̀ne.

Ngàleshyà 3:26

Ghàyn əkɨ̂m nyi əghɔyn sê Zhə̀fè sə àfɨa àmɔ̀ʼ è Klâys Njisə̀s tɔynə̂ ə ghàyn ekyî epomə̂zè.

Ngàleshyà 4:14

Zaf zɨm nə zɛ ə tə fo fɨmsêzè sê ghàyn, pîza ghàyn ə tàʼa wəyn ə mi, ə tàʼa mâʼà mi. Pîza, ghàyn tè pɨl fi mi kə ghàyn fiə tsì, è kɨsè kəpiə m tè laynse nyi Klâys Njisə̀s.

Ngàleshyà 5:24

Ghɨ ghɛ ə̀ nyi əghɨ ə Klâys Njisə̀sə̀ nyi mə ghənə zhwi njà èwìyn è ghɛ ghɛ ə njà èwìyn kyiŋə nâʼà ètyaʼke.

Ngàleshyà 5:6

E nyi nyî kûmə̀ nə ə ghâsènì se nyi ghasènìghə̀ Klâys Njisə̀s, kɨ̀sə wùə se nam ə vəynghe kə è tàʼa se zemə kwiynə̂ va ghɛ zhîze. Ghɛ etɛ zɛ ə ze nyi, nyi se tyə̀yn ekyî epomə̂zè tɔynə̂ ekɔ̀ŋ.

Ɛfesùs 1:1

Ə̀ nyâʼ mi Pɔ̂l ŋwàʼlè zɨ̀yn sê ghàyn ghɨə Fezhə̀ ghɛ ə ghàyn tyəm ə ghàyn ekyî epomə̂zè sê Klâys Njisə̀s, ndamə ə Ɛfesùs. M nyi wùətom ə̀ Klâys Njisə̀s mə ə̀ chɔʼ Fezhə̀.

Ɛfesùs 4:4

Ghàyn nyi epɨ̂as ə əfètəyn ewìyn emɔ̀ʼ, Zuʼsə Fezhə̀ sɛ ə se fɨaʼà ewìyn nə vɛ e nyi ke səmɔʼ, kè eghɨ kə Zhə̀fè tè tɔŋɔ fɨse ghàyn ə mbi ə nə̀ ghàyn e ke ke èghɛ èmɔ̀ʼ nə, ghàyn tə sɔ̂ fɨə.

Filìpây 1:1

Ə̀ nyi mi Pɔ̂l è Timotì əghɨ fɨaʼa Fezhə̀ sê Njisə̀s Klâys ghɛ ə nyâʼà pə̂ ŋwàʼlè zɨ̀nə se ghàyn. Ghàs nyàʼà sê ghàyn ghɛ ə ghàyn fo ngɨŋ saynse sê Zhə̀fè ə Filìpây nâʼà ə̀kɨ̂m sè nyi ghâynghə̀ Klâys Njisə̀s. Ghàs nyàʼà kəpî sê ghàyn tuve è ghɨ ghɛ ə tsâmtə̀ se chiyntê efɨaʼ ə Fezhə̀zè nə ze ndu əshi.

Kòlosè 1:4

Ghàs fo àzɔ̀ŋnè se Zhə̀fè kûmə̀ nə, ghàs ə zɨ kyî epomə̂ zɛ ə ghàyn kyi ə Njisə̀s Klâys, è kɔ̂ŋ zɛ ə ghàyn kyi sê ghɨə Fezhə̀ghè əkɨ̂m.

Kòlosè 3:11

nə sə nɨŋ zhîzè ə va se ghɨə ghɛ ə̀ vachi ə̀ghɨ ə Njûsghè, è ghɨə Njûsə̀, sə nɨŋ e va sê ghɨ ghɛ ə nyi mə ə se nam ə ghənə̂ghè, è ghɛ ə nyi ndɔ̀ʼɔ se. Sə nɨŋ e va se wùə àtum è wùə mbvɨyn, kɨ̀sə ə̀ nyi akɔ̂s, kɨ̀sə ə̀ nyi vɛ ə è va sə akɔ̂s, pîza ə̀ nyi Klâys se ghɛ ətəynghe əkɨ̂m, nyi ə ghənə əfètəyn ə̀kɨ̂m.

1 Timotì 1:12

M fo àzɔ̀ŋnè sê Pɛ̂pɛ ə ghâsènì Klâys Njisə̀s kə È fo tyaʼa nə mə nə̂ èfɨ̂aʼ nə zɨ̂nə̀, ə fɨnə fe mi kə wùə vɛ ə è kwənə, ə chɔʼɔ mi nə m nəyn fɨ̂aʼ ə vəynze,

2 Timotì 1:1

Ə̀ nyaʼ mi Pɔ̂l, ŋwàʼlè zɨ̀yn sê ghò ə Timotì. M nyi wùətom ə̀ Klâys Njisə̀s mə ə̀ chɔʼ Fezhə̀ nə m tsayn tom èchùŋ kûmə̀ èndam zɛ ə ze tə mîə va kè kə È tè tsɨ̀ne. Ghâsènì nə kyîə èndam nə zɨ̂yn kè ezhoghɛ ə ghâsènì nyi kaʼke amɔ̀ʼ ghasènyìə ghə̀ Klâys Njisə̀s.