Ngàleshyà 3:27 - Ŋwàʼlè ə̀ Fèzhə̀ Mkâyn Mə̂ Fèm

²⁷ Nâʼà ghàyn əkɨ̂m ghɛ ə tè fi môm ə Klâys ezə, nyi kə ghɨ ghɛ ə ghe nyi mə ə màʼ Klâys Njisə̀s ə ghàyn ewìyn kə sendzɨs.

Ngàleshyà 3:27 ပူးပေါင်းရင်းမြစ်များ

Tom èchùŋ kè kə Lûk tè nyaʼ 15:22

Pɨ̀a vəyn ə piə kə sê ghɨfɨaʼa ə vəynghe nə ghàyn zaŋse pə̀yn è ndzɨs shise ə se tsɔ̂fə̀ kwənə ə lafsê vəyn ətəyn ə ndəm chaʼfe ə və agho ə tuŋ pfɨse ə və ghòl,

Ətefɨ̂aʼ 16:15

Ə pə̀ kə fo môm sê vəyn è ghɨə vəyn ghe sas ə ndɛghe, è və ke ndàmnè ə ghàs ə və ndɛ. È tè piə nə, “Ghàyn pəyn pɨəyn ə mìə ndɛ, ezhoghɛ ə ghàyn nyi mə ə chɔʼnê nə m nyi wùə èpomə ə̀ Pɛ̂pɛ səmɔʼ.” È və chyatə̂ tsɛsə̀ ghàs, ghàs ə ndùə.

Ətefɨ̂aʼ 2:38

Pità ə pə̀ynsə̀ sê ghənə nə, “Nâʼà ghàyn ə̀kɨ̂m kwiyne təm ghaynghe ə ghɛ ə pi, ə ghàyn fi môm se tyə̀yn nə ghàyn ə pomə sê Njisə̀s Klâys kə Zhə̀fè lɛse fo ə̀ghɛ ə pi ghaynghe, ə È fo ghàyn è fo ə Vəynze, mə za nyi se Zuʼse Ŋwaʼase.

Ətefɨ̂aʼ 8:16

Zuʼse Ŋwaʼase tè pa nyi ndɔ̀ʼɔ se nyiəm pəyn sê ghənə; ə̀ tè nyi mə ghənə fi kə m̀mo ə Pɛ̂pɛ Njisə̀s ezə.

Ətefɨ̂aʼ 9:18

Kè sə ashìŋə̀, fɨake ə fɨə kə ewû ambɔ̀vè ə Sɔ̂l əshi ə tàyntə̀ ə chi, è və zhə̀tə̀ se kɛsə fe teluʼ. È və ndwìə ə fiə m̀mo,

Ŋwàʼlè ə̀ Pɔ̂l sê ghɨə Lûmghè 13:14

Pîza ghàyn e pɨl kyi ètsɨsə̂ ə Pɛ̂pɛ Njisə̀s Klâyszè. Kə ghàyn ndəm tuke əghɛ ghɛ ə njà ewìyn kyiŋə, kə ghàyn tə nəyn kə wiyn vɛ ə ve chiyntə ghàyn nə ghàyn nəyn pi kyiŋə.

Ŋwàʼlè ə̀ Pɔ̂l sê ghɨə Lûmghè 3:22

Ndom ətəynve nyi nə naʼapi ndè vɛ ə è pomə Njisə̀s Klâys, ə̀ tə nə̂ ə nyi vəyn chichi ə Zhə̀fè əshi. Kə wùə nyi wùə Njûs, kə wùə va pî, sə nɨŋ va ətəyn.

1 Kɔlìŋ 10:2

Shîŋə̀ kɛ ə ghənə tè nyì fumə əfètə̂ sèmbàʼ è kɨsè ə enjwì ə fengwaŋve, ə tə fo môm se ghənə kə se chùmtè èpàm sə Mosîsè.

1 Kɔlìŋ 12:13

Kèpi famə endom, ghâsènì əkɨ̂m, kɨ̀sə əghɨ ə Njûsə̀, kɨ̀sə əghɨ ghɛ ə va əghɨ Njûsghè, kɨ̀sə ekɔ̂s, kɨ̀sə ghɛ ə va ekɔ̂s, Zuʼ sɨ̂nə̀ semɔ̀ʼ ə tə fo ghâsènì môm kə ghâsènì ə nyi èwiyn emɔ̀ʼ, Zhə̀fè ə ndə̀mə̀ Sèzuʼ nə sɨ̂nə̀ semɔ̀ʼ ə ghâsènì əkɨ̂m ətəm.

Ɛfesùs 4:24

Ə̀ tè zaʼle ghàyn nə ghàyn nji wiyn efe vɛ ə tè fɛte nə ve nə fusə̂ Fèzhə̀ sə ndamə kàyntè èndam ə chichi è vəyn fɨnə zo.

Kòlosè 3:10

Zôyn, ghàyn ə kàynè maʼ wiyn efeve. Zhə̀fè ə ndə̀m ndam efeze ə ghàyn fètəyn, ə nə̀ ze zɛ ə ze ndəmə kə ghàyn ə nyi kə vəyn, tɔʼ ke vəyn nâʼà àchûŋ, ə vəyn vɛ ə è pom ghàyn. Kə ghàyn kyi ndam efe zɨ̂nə̀, ze ə nə̀yn,

1 Pità 3:21

Mô nə mɨ̂yn tyəm kə mmo mɛ ə ghàyn fiə ndâyn, m̀ sɔzâ kəpî ghàyn; fiə mmò nə zɨ̂yn vachi se shuə tsɨ̀sè eliŋ ewìynze pîza ə̀ nyi etsɨ̂nè zɛ ə ghâsènì tsɨ̀nè sê Zhə̀fè mə təm ə ghasènìghe saʼa va ghâsènì. Fi mmò nə zɨ̂yn sɔ̀zâ ghàyn tɔynə̂ ezômə̀ ə Njisə̀s Klâyszè.