Ngàleshyà 3:24 - Ŋwàʼlè ə̀ Fèzhə̀ Mkâyn Mə̂ Fèm

²⁴ Nyiəmə, lâŋkè e tɔ̂ʼnə̀ kəndò è ghâsènì se zaʼâ kə Klâys pəyn se nə̀yn nə ghâsènì ə nyi chichi ə Zhə̀fè əshi kûmə̀ èkyî epomə̂zè.

Ngàleshyà 3:24 ပူးပေါင်းရင်းမြစ်များ

Ŋwàʼlè ə̀ Pɔ̂l sê ghɨə Lûmghè 10:4

Klâys ə nə̀yn fɨ̂aʼ zɛ ə lâŋkè tè kyi se nə̀yn, nyiəmə, nâʼàpî ndè vɛ ə è pomə sê Vəyn nyi chichi ə Zhə̀fè əshi.

Ŋwàʼlè ə̀ Pɔ̂l sê ghɨə Lûmghè 9:30

Ghâsènì kàʼa pi nə ghe zo ə? Ghɨ ghɛ ə ghənə tè vachi ə̀ghɨ Njûsghè pɨle nyi chichi ə Zhə̀fè əshi tɔynə̂ epomə̂ zɛ ə ghənə kyi sê Klâys pi kə ghənə tè so va ndyànə̀m sə nyi chichi ə Zhə̀fè əshi.

1 Kɔlìŋ 4:15

Ə nyì pî nə ghàyn kyi əghɨ ghe tsɨ̂ə nâʼà pi zàyn se chwìtè əghɛ kûmə̀ Klâys se ghàyn, ghàyn e ke tso nə ghàyn kyi ke pɨ̀a emɔ̀ʼ. Ə ghàyn endam kə əghɨ ə poməghe se Klâys Njisə̀s, m nyi pɨ̀a sê ghàyn tɔynə̂ ə tom èchùŋ zɛ ə m tè zaʼle ghàyn ətəyn.

Ngàleshyà 2:16

pîza ghàs ke ndô nə ə ndə̂mə̀ va nə wùə nyi chichi ə Zhə̀fè əshi kûmə̀ nə è ndə̀mə̀ Àlâŋ. Wùə nyi chichi ə Zhə̀fè əshi ke ashìŋə̀ kɛ è kyi kyî epomə̂zè sê Njisə̀s Klâys. Ghâsènì e sè nyi mə ə pɔŋ kyî kyì epomə̂zè sê Klâys Njisə̀s kə ghâsènì ə nyi chichi ə Zhə̀fè əshi tɔynə̂ ə ghâsènì epomə̂ sê Klâys, ə vachi tɔynə̂ e ndə̀m alàŋzè. Kûmə̀ nə wùə vayn kaʼa è və nyi chichi ə Zhə̀fè əshi mə è ndə̀mə àlâŋ ətəynke.

Ngàleshyà 2:19

Ə̀ nyi alâŋ kə ke tè zhwi mi, ə nə̀ mi nə kə mə fɨyn nyi ə kəynke etyə̂ àtyaʼ, ndam zɨmze nyi zôyn sə kɔʼsə̂ Fèzhə̀. Ə payntê mi awâmnè è Klâys,

Ngàleshyà 3:25

Zôyn kə kyî epoməzè nyi mə zə pə̀yn, Lâŋkè fɨnə tɔ̂ʼnə̀ va è ghâsènì.

Kòlosè 2:17

Nâʼà èlwɔ̂ŋ ətəynve ekɨ̂m nyì ke enyɨ̂ŋsè vɛ ə ve tyə̂nə̀ ghɛ ə chûŋ ghɛ ə Zhə̀fè tè kyi se tom, ə̀ nyi Klâys ə è lwiynse ghɛ ətəynghe.