Ngàleshyà 3:20 - Ŋwàʼlè ə̀ Fèzhə̀ Mkâyn Mə̂ Fèm

²⁰ Ə kaʼa ə ndəm ke wùə ə fètəyn ezhoghɛ ə ghɨə fə nyi əpɛ̀, pîza ə̀ nyì ke Fèzhə̀ ə fe fɨaʼà fâyn.

Ngàleshyà 3:20 ပူးပေါင်းရင်းမြစ်များ

Ətefɨ̂aʼ 12:20

Ɛlɔ̀t tè nyîə nyɔʼsə̀ ètɔŋ sê ghɨə endaʼ ə Tayà è Sindɔ̀n. Ə chɔʼtə̂ ə̀ghɨ ə tèndâʼà nə tɨ̂yn nə ghənə ndu fe Ɛlɔ̀t. Ghənə ə ndùə se fe Ɛlɔ̀t nə pɔ̂ynè ə nyi kûmə̀ nə fɨazhiə ə ghənəvè nâʼà èkɨ̂m tè fɨə kə endaʼ ə Ɛlɔ̀tzè. Wùə vɛ ə ghənə tè ndù fe sə shi se pɨaʼtê endam ə ghənə̂zè yîghə̀ Ɛlɔ̀t tè nyi Plastùs. Plastùs tè nyi atu se ghɨ əfɨaʼaghe ə fɔ̀yn Ɛlɔ̀t ə ndɛ.

Ngàleshyà 3:17

Ghɛ zɛ ə m mɔmsə̀ se pì nyi nə, Zhə̀fè ə tə zhi kàynə̀m yî Aplàghâm ə tsɨ̀nə̀ nə è nə̀ faŋə va se nə̀yn kə è tsɨ̀nè. Lâŋ kɛ ə tè fɛte epàm ə sèpìŋ ghɨte kyàʼ è pìŋsè m̀ghɨm mta vayn kàʼa ə ke kəʼse kàyn nə mɛ, vayn kàʼa ə ke zəs tsɨ̂sè ètsɨnè ə Fezhə̀zè.

1 Timotì 2:5

Kûmə̀ nə ə̀ nyì ke Fèzhə̀ fèmɔ̀ʼ, ə̀ fɨyn nyi ke wùə èmɔ̀ʼ vɛ è njìə pə̂ Zhə̀fè yî ghɨ kaʼke amɔ̀ʼ, wùə nə vɛ nyi Klâys Njisə̀s,

Ipilù 12:24

Ghàyn ə pə̀yn sê Njisə̀s vɛ ə è tè pɨaʼte kàyn mə èfɛ̂m. Ghàyn ə pə̀yn ə mndəm mə Njisə̀s mɛ ə tè wə mə ə m̀ tsɨ̀nə̀ fɨa echûŋve tsɨ̂ə tsɛ̂ àfɨa kɛ ə ndə̂m mə Apɛ̀lmè tè tsɨ̀ne.

Ipilù 8:6

Pîza zôyn, ə nyi mə ə fo fɨ̂aʼ ə wûə èkɔʼsə nə̂ eshyə̀zè sê Njisə̀s, ze ngaŋtə̂ tsɛ̂ zə ghənə̂zè, kè kə kàyn mɛ ə è tè fɛte sê Zhə̀fè è ghɨə Fezhə̀ghè tè tsɔ̀fə tsɛ̂ mə èmɨmè, kûmə̀ nə kàyn mə təynmè zaʼnə̂ etsɨ̀nè əghɛ ghɛ ə ghe tsɔ̂fə̀ tsɛ̂ kəpî.

Ipilù 9:15

Ə̀ za nyi eghɛ ze ə Klâys nyi wùə vɛ ə è pɨaʼte kâyn me fɛ̂m se nə̀yn nə ghɨ ghɛ ə Zhə̀fè tɔŋɔ kyi pɔsê endamə faŋə zɛ ə fe tsɨ̂nè. E nyi nyî kûmə̀ nə Klâys ə tə kwu se sɔza əghɨ ə sepi sɛ ə ghənə tè nə̂ ə shɨŋ zɛ ə kàyn mə èmɨmè tè pa kyi àtyaʼ.