Ngàleshyà 3:19 - Ŋwàʼlè ə̀ Fèzhə̀ Mkâyn Mə̂ Fèm

¹⁹ Lâŋà tè nyì se gha ghe? Ə tè kwəynse Alâŋ etûə m̀kàyn kə wùə pfɨ̀ə, è və kê nə zhi ə nə̀yn pi. Lâŋkè kyi sə̂ nyi ke ndò se zaʼâ kə ghâŋfə Aplàghâmfè pəyn, ə fɛ ə Zhə̀fè tè nəyn tsɨ̂nè nə zɛ se fəynfe. Ə tè tom setsì è lâŋa ətəynke sê Mosîs nə è tsɛ̀se sê ghɨ.

Ngàleshyà 3:19 ပူးပေါင်းရင်းမြစ်များ

Tom èchùŋ kè kə Lûk tè nyaʼ 16:31

Aplàghâm ə se pi sê vəyn nə, ‹Ə ghənə tàʼa zɨtê əghɛ ghɛ Mosîs yî fɨ̀aʼtè seghaʼâsè tè nyàʼ, ghənə vâyn tə zɨtê eghɛ, naʼapi ezhoghɛ wùə kɛse ndù sê ghənə mə è zômə̀ e kwu.›”

Njɔyn 1:17

Zhə̀fè tè fo alâŋ tɔynə̂ ə Mosîs, pîza fùʼkè è səmɔʼ ə pə̀ tɔynə̂ ə Njisə̀s Klâys.

Njɔyn 15:22

Ə M tè tàʼa pə̀yn se wàmnè sê ghənə kûmə̀ sèpi sə ghənə̂sè mə ze tyə̀nə̀ va nə ghənə ə nə̀yn pi kə ze tyə̂nə̀ zôyn. Ghənə fɨyn kyi va ghɛ zhîze zôyn se pì kûmə̀ sèpi sə ghənə̂sè.

Ətefɨ̂aʼ 7:38

Ə̀ nyì vəyn vɛ ə è tè nyì tsɨ̂yntè yî ghɔyn Isìlâyghè endaʼ ashəshəze. È tè nyi fu yî pɨ̀a ghâsènì ghəshiə ashìŋə̀ kɛ tsì zɛ ə Zhə̀fè tè tom tom ə pfɨ̀ynə̀ Sinày wàmnè sê ghənə. Tom nə zɨnə ə Mosîs tè fi sê tsì nyi zɛ ə ghâsènì pa chùmtə̀.

Ətefɨ̂aʼ 7:53

Ə̀ nyi ghàyn ghɛ ə tsìsè tè pə̀yn fo èlwɔ̂ŋ ə Fezhə̀vè, ghàyn ə fiə, pîza ə tàʼa ndə̀m elwɔ̂ŋ ətəynve.”

Ŋwàʼlè ə̀ Pɔ̂l sê ghɨə Lûmghè 2:13

Ə̀ vachi èzə zɛ ə wùə zɨ lâŋkè ə ze nə̂ nə wùə ə nyi chichi ə Zhə̀fè əshi, pîza sə nyi chichi ə Zhə̀fè əshi, wùə kyi sə nə̂ èghɛ zɛ ə lâŋkè kyiŋə.

Ŋwàʼlè ə̀ Pɔ̂l sê ghɨə Lûmghè 4:15

Ghɛ zɛ ə lâŋkè nə̀ pɨl nyi se pə̀yn ènyɔ̂ʼsè etɔŋ ə Fezhə̀zè sê ghɨghe. Pîza ə lâŋkè va, ə kəm alàŋzè ə va kepî.

Ngàleshyà 3:16

Ke nə Zhə̀fè tè fo etsɨ̂nè sê Aplàghâm yî ghâŋfə vəynfe mɔ̀ʼ. Ŋwàʼlè ə Fèzhə̀ pâʼà pì nə, ‘Ghàŋə̀m’ ze tyə̂ nə ghɨə se tsɨ̀, è pɨl pî nə, ‘Ghâŋfè’ ze tyə̂nə̀ nə ə̀ nyì ke wùə èmɔ̀ʼ mə tɔŋtə̂ nə Klâys.

Ipilù 2:2

Ghâsènì nyîə ke nə tom zɛ ə tsìsè tè pəyn è zə̂yn tè nyi səmɔʼ, Zhə̀fè nə̀ fo ètsôs vɛ ə ve kwuəynə nâʼàpî se ndè vɛ ə è tàʼa zɨə tom nə zɨ̂yn.

Ipilù 2:5

Zhə̀fè tè paʼà ndə̀m nə ə̀ tə pə̂ ə chisə̂ sètsì sə vəynse mbi è fe zɛ ə è nyì se pə̀yn, mə za nyi zɛ ə ghàs wàmnə̀ kûmə̀ zə̂yn.