Ngàleshyà 2:6 - Ŋwàʼlè ə̀ Fèzhə̀ Mkâyn Mə̂ Fèm

⁶ Ghɨ ghɛ ə tè njìə sə etu fumə tè paʼà fɨyn kyi ghɛze se kwəynsê etùə èghɛ zɛ m zaʼlə. Kə ghənə tè nyì pî ètu kɨ̀sə ghənə tè va, ze mə tyə̂nə̀ va ghɛ zhîze sê mi kûmə̀ nə Zhə̀fè kɔ̀ŋə̀ va wùə ə̀ mɔʼɔ, panə̀ vîvè.

Ngàleshyà 2:6 ပူးပေါင်းရင်းမြစ်များ

Matyò 22:16

Ghənə ə ke tomə se chùmtè èpàm sə ghənə̂sè è ghɨə anɔ̀yn ə Ɛlɔ̀tkè sê Njisə̀s. Kə ghənə ndû tâyn ə pìə se Vəyn nə, “Tyə̀ynsè, ghàs ke ndô nə ò wàmnə̀ kə səmɔʼ, zaʼlə̂ kə èghɛ zɛ ə ze nyi səmɔʼ kûmə̀ àlâŋ ə Fèzhə̀kè se ghɨə, fɨmsə̂ va ngɨŋ zɛ̂zè kûmə̀ ə̀ghɛ ghɛ ə ghɨ kwaʼtə̀, pî ə̀ghɨ ghɛ ə ghənə nyi ghənə kûmə̀ nə ghənə vayn kaʼa kwiyne zaʼlê zɛze.

Ŋwàʼlè ə̀ Mâk 12:14

Ghənə ə pə̀ sê Njisə̀s ə pìə nə, “Tyə̀ynsè, ghàs ke ndô nə ò nyîə wâmnə̀ səmɔʼ. Ò tɔ̀ʼɔ̀ va wùə vîvè. Ò fànə̀ va wùə vîvè, Ò wàmnə̀ kə chichi. Pîza Ò ndɨŋə zaʼlə̂ ə̀ghɨ èghɛze kûmə̀ Fèzhə̀. Tsàyn sê ghàs, ə̀ nyi alâŋ nə kə maʼà tâks sê Kaysà, fɔ̀yn èghaʼâ ə Lûm mə? Ə mâʼà mə, kə nə maʼa?”

Tom èchùŋ kè kə Lûk tè nyaʼ 20:21

Ghənə ə piə sê vəyn nə, “Tyə̀ynsè, ghàs nə̂ ke nə ò wàmnə̀ kə səmɔʼ, zaʼlə̂ kə əghɛ ghɛ ə ghe nyi səmɔʼ, tyə̂nə̀ va nə wùə tsɛ̂ ndò vîvè, lotə̂ sô zaʼlə̂ kə tèsaʼ tə Fezhə̀tè kə te nyi.

Ətefɨ̂aʼ 10:34

Pità ə pìə nə, “Ə̀ nyì zôyn kə kê səmɔʼ nə Zhə̀fè njìə ə̀ghɨ ə̀kɨ̂m eghɨ.

Ətefɨ̂aʼ 5:36

Ə tè nyi kepî tuʼ fîfe, Tìyondàs ə fɨə kɔʼɔ pîə nə ə̀ nyì ke nâʼà zhi nə vɛ̂, ghɨghe ə chumtə̀ vəyn zaʼâ wəte kyàʼ. Pîza ə mɨ̀se ə pa zhwiə vəyn. Pamə̂ tə vəynte ə chyàsə̀ kə fèmɔ̀ʼ femɔ̀ʼ.

Ŋwàʼlè ə̀ Pɔ̂l sê ghɨə Lûmghè 2:11

Zhə̀fè tə nə̂ zɨnə kûmə̀ nə Zhə̀fè saʼa nâʼàpî ndè kè eghɨ.

2 Kolìŋ 11:5

Ghɨətom nə̂ ghɨynə ə ghàyn njì nə ə nyi nâʼà ə̀ ghɨətom ə tɛ tsɛ̂ va mi nâʼà eghɛ zhîze.

2 Kolìŋ 12:11

M nə̂ kə ango pîza mə ə̀ nəyn ghàyn nə mə nə̂ zamə. Ə̀ tè nyi ghàyn se pomsə mi kûmə̀ nə m tətə̂ kwûŋsə̀ va endom vɛ ghɨ ghɨ̀yn ə lesə ngɨŋsə ghənə̂sè nə ə nyi əghɨtom ə ghaʼlə̂ pì, pî kə m va nâʼà àfɨa.

2 Kolìŋ 5:16

Se zhə̀tè zôyn, ghàs nə fɨnə njìə va wùə endom vɛ ə ghɨ mbi njìə ətəyn. E nyi ke nâʼà səmɔʼ nə, ə tè nyi ə shɨŋ zhîzè, ghàs e njiə Klâys zamə, pîza se zhə̀tè zôyn, ghàs fɨnə njîə va vəyn za.

Ngàleshyà 2:2

M tè kɔʼ fu kûmə̀ nə Zhə̀fè tè tyə̀yn paynsê sê mi nə m kyi se kɔʼ. Ə̀ tè nyi kə m nyi fu, mə nyaʼtə̂ wâmnə̀ kə epàm ghasè ghɨ ghɛ ə ghe tè nyi tuve, ə tsâ tom è chûŋ zɛ ə m tè tsâ sê ghɨ ghɛ ə ə̀ va əghɨ ə Njûsghè. M tè nə̂ zamə kə fɨ̂aʼ zɛ ə m nə̂ zôyn è zɛ ə m tè nə̂ tàʼa njìsè səndô.

Ngàleshyà 6:3

Ə̀ kwâʼtə̀ pîndè nə e nyi afɨa, pîza va kəynke, ə è və lesə̂ kə ngɨŋə̂ vəyn.

Ipilù 13:17

Ghàyn e zɨə se tu vaynve, kə ghàyn ə tɛ è tuke sê ghənə. Ghənə nyiə naynə̂ ghàyn kûmə̀ nə ghənə taŋə njo sê Zhə̀fè ə ghənə efɨ̀aʼ. Ə ghàyn zɨə sê ghənə, ə ghənə ə nə̂ èfɨ̂aʼ ətəyn è èsaŋnêzè, ə ghàyn sè tɛ è tuve, ə ghənə ə nə̂ èfɨaʼ ətəynze è təm ə tɨləghe, ə zɛ mə tàʼa tsàmtə ghàyn.

Ipilù 13:7

Ghàyn e kwâʼtə̀ ètu vayn vɛ ə ve tè ndàʼa ghɛ ə Fezhə̀zè sê ghàyn sə shi. Ghàyn e kwâʼtə̀ tèndam tɛ ə ghənə tè ndamə è ndom vɛ ə ghənə tè kwuə ətəyn. Ghàyn səyne kyî epomə̂ zɛ ə ghənə tè kyi.

1 Pità 1:17

Piə ghàyn piə ə tsə̂mə̀ sê Zhə̀fè, ghàyn e tɔŋtə̂ vəyn nə Pɛ̂, ə nyi vəyn vɛ ə è saʼa ghɨghe əkɨ̂m, saʼa zâ, saʼa nâʼàpî ndè kè eghɨ ə ghɛ ghɛ ə ghənə nə̂yn. E za tyə̀nə̀ nə ghàyn kyi sə̂ kɔʼse vəyn nâʼà sə ŋaŋ kə ghàyn pa ndamtə̂ kɔʼɔ fa əchi.