Ngàleshyà 2:21 - Ŋwàʼlè ə̀ Fèzhə̀ Mkâyn Mə̂ Fèm

²¹ M vayn kàʼa m kwiynse fùʼ ə Fezhə̀kè. Pîza ə wùə nyi chichi yî Zhə̀fè kûmə̀ kə nə è ndə̀mə̀ Àlâŋ, ə nyi nə Klâys tè kwu ke səndô.”

Ngàleshyà 2:21 ပူးပေါင်းရင်းမြစ်များ

Ŋwàʼlè ə̀ Mâk 7:9

Njisə̀s ə fɨnə pîə nə, “Ghàyn tə alâŋ ə Fezhə̀kè endom etɔfəve kə ghàyn ke se kyiə endam endaʼ zaynze.

Ŋwàʼlè ə̀ Pɔ̂l sê ghɨə Lûmghè 10:3

Ghənə ke va ndom vɛ ə Zhə̀fè njìə ghɨ sə ghɨə chichiə ətəyn. Ghənə pɨlə kyiŋə èndom sə nyi chichi ə Zhə̀fè əshi. Nyiəmə, ghənə njîə va ngɨŋ sə ghənə̂sè əchi se chùmtè endom vɛ ə Zhə̀fè nyi mə Fe ə fɛtê kə ghɨghe ə nyi chichi ətəyn ə Fəynfe əshi.

Ŋwàʼlè ə̀ Pɔ̂l sê ghɨə Lûmghè 11:6

Chitê ə vəyn nə zɨ̂yn nyi kûmə̀ àfùʼ ə Vəynke, ə̀ vachi kûmə̀ èghɛ zhîze kə ghənə nyi mə ə nə̀yn. Ə ze fə nyi nə Zhə̀fè chitə̂ ə̀ghɨ kûmə̀ eghɛ zhîze kə ghənə nyi mə ə nə̀yn, mə fùʼ ə Vəynke ə fɨyn kiva zhɨynze.

Ŋwàʼlè ə̀ Pɔ̂l sê ghɨə Lûmghè 4:25

Ə̀ nyi Njisə̀s ə Zhə̀fè tè fo nə È kwu kûmə̀ ə̀ghɛ ə piə ghasènìghe. Zhə̀fè tè zòmse vəyn kə ghâsènì kyi ndomve sə̂ nyi chichi ə Vəyn əshi.

Ŋwàʼlè ə̀ Pɔ̂l sê ghɨə Lûmghè 8:31

Ghâsènì nyiə kàʼa pi nə ghe kûmə̀ ə̀ghɛ nə ghɨnə̀ ə? Ə Zhə̀fè nyì ghasènyìə ghə̀ ghənə, ə̀ nyi ndè vɛ ə è kàʼa è və tɔʼə̀ va ghâsènì ə?

1 Kɔlìŋ 15:14

Mə ə̀ nyi nə ə tè pâʼà zòmsè Klâys, ə ghàs ə kiva ghɛze se ndàʼà, ghàyn e kyi kepî va ghɛze se pomə̂ se zəynze.

1 Kɔlìŋ 15:17

Mə ə̀ nyi nə ə tè paʼà zòmsè Klâys, ə pomə̂ zaynze ə nyi kə sə ndô, ghàyn e pa nyi ke mə ə njìsè ə ghàyn ə sepi.

1 Kɔlìŋ 15:2

Ə̀ nyi tom èchùŋ nə zɨ̂nə̀ m ndaʼà sê ghàyn. Ə̀ sɔ̀zâ tom èchùŋ nə zɨnə̀ ghàyn ezhoghɛ ə ghàyn fɛte tyəm kə təyn, ə puzâ ə zə nyi nə pomə̂ zaynze tè nyì ke sə ndô.

Ngàleshyà 2:16

pîza ghàs ke ndô nə ə ndə̂mə̀ va nə wùə nyi chichi ə Zhə̀fè əshi kûmə̀ nə è ndə̀mə̀ Àlâŋ. Wùə nyi chichi ə Zhə̀fè əshi ke ashìŋə̀ kɛ è kyi kyî epomə̂zè sê Njisə̀s Klâys. Ghâsènì e sè nyi mə ə pɔŋ kyî kyì epomə̂zè sê Klâys Njisə̀s kə ghâsènì ə nyi chichi ə Zhə̀fè əshi tɔynə̂ ə ghâsènì epomə̂ sê Klâys, ə vachi tɔynə̂ e ndə̀m alàŋzè. Kûmə̀ nə wùə vayn kaʼa è və nyi chichi ə Zhə̀fè əshi mə è ndə̀mə àlâŋ ətəynke.

Ngàleshyà 2:18

Ə m nyiə kɛse pomə ghɛ ghɛ m tè kwiynse, ə zə tyə̂nə̀ nə m nyi wùə èkəmə nə̂ àlâŋ.

Ngàleshyà 3:21

E za tyə̀nə̀ nə Lâŋà kwiynsə̂ ndò tsɨ̂nè tɛ ə Zhə̀fè tè tsɨ̀ne mə? E va za nâʼà səkɔs. Ə tè nyi nə ghɨə fi lâŋkè mə ke kaʼa ə ke fo ndamze, mə ghɨə tè kàʼa ə ghə nyi chichi ə Zhə̀fè əshi tɔynə̂ fumə alàŋ.

Ipilù 7:11

Zhə̀fè tè fo Alâŋ ə Mosîskè sê ghɨə Isìlâyghè tɔynə̂ əghɨ èkɔʼsə nə eshyə̀ ə ngwàʼ esas ə ndɛ ə Levìzè. Nyiəmə, ə̂ tè nyi nə fɨ̂aʼ əghɨ̀ èkɔʼsə nə eshyə̀ ə ngwàʼ esas ə ndɛ ə Levìzè tè nyi kə ze ə kwəynə̂ mɨ̂sə̀, mə ghɛ zhîze tè paʼà nə̀yn nə kyì ə wûə èkɔʼsə nə èshyə̀ ndò pəyn, ə wùə èkɔʼsə nə èshyə̀ esas ə ndɛ ə ghɨ̀ə èkɔʼsə nə eshyə̀ghè e tɔŋtə̂ nə Mèlkisendèk, ə̀ vachi esas ə ndɛ ə Ɛlɔ̀tzè.