Matyò 8:8 - Ŋwàʼlè ə̀ Fèzhə̀ Mkâyn Mə̂ Fèm

⁸ Tuə sesokə̀ʼ nə kɛ ə fɨnə pə̀ynsə̀ kə nə, “Pɛ̂pɛ, m kwəynə̂ va kə ò nji ə mìə ndɛ. Pîza piə kə ghɛze, ə̀ wùə èfɨ̀aʼa vɨ̂mè tɛ.

Matyò 8:8 ပူးပေါင်းရင်းမြစ်များ

Matyò 3:11

M fo m̀mo sê ghàyn è môm mə tsòm se tyə̀yn nə ghàyn ə kwiynê ə ghànə sepi. Pîza vɛ ə è pə̀ ə mì epàm nə̀ fo m̀mo sê ghàyn è Zuʼse Ŋwaʼase è wusve. È tsɛ̂ ndò mi. M kwənə pî va se pɨ̀aʼà sepfɨ sə vəynse.

Matyò 3:14

Pîza Njɔyn e mɔ̂msə̀ se nə̀yn nə Njisə̀s kwiyne kwâʼtè ə Vəynze pîə nə, “Ə̀ kyi ghò se fo m̀mo sê mi, ə pɨlə pə̀ ghò nə m fo môm sê ghò zayn zə?”

Matyò 8:3

Njisə̀s ə nɛ̀sə̀ àgho ə ndə̀mə̀ ə vəyn ewìyn ə pìə nə, “M kɔ̂ŋɔ̀ ndò, kɛse zo.” Kè sə ashìŋə̀, kwùs ətəynke ə mìə ə vəyn ewìyn.

Matyò 8:7

Njisə̀s ə pìə nə, “M nə̀ pə̂ tsuʼə vəyn.”

Matyò 8:9

Mi èngɨŋ zɨ̂mè nyi wùə pɔŋə fɨaʼà kəpî əghɨ ghe etyə̀, kyi kepî sèsokə̀ʼ ə mi etyə̀. M piə sê wùə èmɔ̀ʼ nə, ‘Ndùə,’ è və ndùə kə ndò, ə pîə se və mɔ̀ʼɔ nə, ‘Pə̂,’ e və pə̀ kə ndò. M pî sê wufɨ̀aʼa vɨ̂mè nə, ‘Nə̀yn nyi,’ è ve nə kə za mə.”

Tom èchùŋ kè kə Lûk tè nyaʼ 15:19

M fɨnə kwəynə va sə gho vayn. Njiə kə mi sə wufɨ̀aʼa vɛu.’

Tom èchùŋ kè kə Lûk tè nyaʼ 15:21

Vayn nə vɨ̂yn ə piə kə kə è fè kwàʼtə za nə, ‘Pɛ̂pɛ, mə nə̀yn pi sê Zhə̀fè, ə fɨnə nə̀ sê ghò. M fɨnə kwəynə va sə gho vayn.’

Tom èchùŋ kè kə Lûk tè nyaʼ 5:8

Ə̂ pə̀ kə Shimuyn Pità fe ghɛ zɛ ə ze kyàyn, è və tɨmə əngwuʼ ə Njisə̀s əshi ə piə sê vəyn nə, “Ndò ə mìə ngwùŋ ə Pɛ̂pɛ. M nyi wùə èpi!”