Matyò 8:5 - Ŋwàʼlè ə̀ Fèzhə̀ Mkâyn Mə̂ Fèm

⁵ Njisə̀s ə ndùə apàs endaʼa ə Kàpanùmkè. Kə È ndù fɨ fu, wùə èghaʼâ ə̀ sè sokə̀ʼ ə̀ Lûm tè nyì fu mə è chisə̂ sèsokə̀ʼ ewə̀. Tuə sesokə̀ʼ ə Lûmkè ə kwə̂ynə̂ yî vəyn ə chyatə̂ vəyn pîə nə,

Matyò 8:5 ပူးပေါင်းရင်းမြစ်များ

Matyò 11:23

Sê ghàyn kèpî ghɨə Kàpanùmə̀, ghàyn kwàʼtə̀ nə ghàyn ə kàynè zaʼâ ekwùtwəyn. Pîza ə tə maʼà tsosə̂ ghàyn əfètə̂ ewùs. Ə̂ tè nyi nə ə nəyn ghɛ ə kayntə ghɛ ə nə̀yn ə̂ ghàyn əfètəyn endaʼa Sondòm, mə ndaʼə təynze pa nyi kendò se tàyn ndàyn.

Matyò 27:54

Tuə sesokə̀ʼ kɛ ə ke tè tsɨ̀ŋnə Njisə̀s yî sokə̀ʼ sə mɔ̀ʼɔse ə fe zâ kə chike nəʼə̀ è ghɛ kayntə mɔ̀ʼɔ ghɛ ə ghe kyâyn, fâynzè ə ko ghənə, ghənə ə pìə nə, “Səmɔʼ, wùə vɨ̀nə tè nyì ke nâʼà Vâ Fèzhə̀!”

Matyò 4:13

È tè ndo apàs endaʼa Nazalɛ̀tkè ə ndùə se ndamə apàs endaʼ ə Kàpanùmkè. Eluʼ vɛ sas ə ndɛ Zepulùnkè tè nyi ətəyn è Naftalì.

Matyò 9:1

Njisə̀s ə njiə ə ngwùʼ èghaʼâ ə tyàŋà ènjwî ə kɛsə̂ ndùə ə tɔ̂ŋ zɛ ə È tè ndamə ətəyn.

Ŋwàʼlè ə̀ Mâk 15:39

Tuə sesokə̀ʼ kɛ ə ke tè tyəm fu ə fe èndom vɛ ə Njisə̀s kwu ətəyn ə pìə nə, “Səmɔʼ, wùə vɨ̀nə tè nyi ke nâʼà Vâ Fèzhə̀!”

Ŋwàʼlè ə̀ Mâk 2:1

Tuʼmə tsɛ̀ kə m̀shàʼ nyî, Njisə̀s ə kɛsə̂ kwɨlə̂ ndûə ə Kàpanùm, ghɨghe ə zɨə nə è və kwɨlə̂

Ətefɨ̂aʼ 22:25

Ə pə̀ kə ghənə kol vəyn kyiŋə se pus, è və pìə se tu ə se sokə̀ʼke nə, “Lâŋkè pomə̂ ndò nə ə pus wùə Lûm ndɔ̀ʼɔ ə saʼ vəyn se fe eghɛ zɛ ə è pofse ə̂?”

Ətefɨ̂aʼ 23:17

Pɔ̂l ə tɔŋɔ àtuə sesôkə̀ʼ kyîke ə pìə sê kəynke nə, “Njiə ndù è kwuŋ vɨ̂yn se tuə sesokə̀ʼke; è nyîə kyi èghɛ se tsàyn se vəyn.”

Ətefɨ̂aʼ 23:23

Tuə sesôkə̀ʼ e ghaʼa nə kɛ ə tɔŋnə̂ ètuə ə sesôkə̀ʼ ə vəynve e pɨ̀a ə pìə sê ghənə nə, “Ghàyn nji sokə̀ʼse ghɨ tepɛ̀, paʼsə̂ è sokə̀ʼ sə mɔ̀ʼɔ sɛ ə se nyiŋə etûə sènyàm zâ m̀ghɨm m̀sɛ̀mbɛ, è kɨ̂sè sɛ ə se nô è ghɔŋɔ zâ ghɨ tepɛ̀, ghâynghə̀ ghənə ə nyi è pɨaʼtêzè se ndù ə Kàisalyà ètuʼve ə sechwìə sè pɔləmɔ̀ʼ.

Ətefɨ̂aʼ 27:13

Foffə̀ fe pɔfe ə nyaʼâ se tsɛ̀ mə fe ndo kɔʼ pə̂yn apàs etyə̀ke. Ghɨ ətəynghe ə fe za ə njiə kə nə kwâʼtè ə ghənə̂zè kàʼa ə ze kwəyn. Ghənə ə shìnə̀ kɔʼsə̂ afɨa kɛ ə ke kyiə tyəmsə ngwùʼ luʼve mɔ̀ʼ, ə pàmtə̀ tsɛ etipì ə tso apàs endaʼ ə Klitkè.

Ətefɨ̂aʼ 27:31

Pɔ̂l ə fe èghɛ ətəyn ə pìə sê tuə sesôkə̀ʼke è sokə̀ʼ sə mɔ̀ʼɔse nə, “Ə ghɨ ghɨ̀nə̀ ə ghe shînə̀ ngwùʼ zɨnə̀ va fa ə fètə̂ ngwùʼ èghaʼâ kwəynə, kə ghàyn ə kwaʼtə̀ nə ghàyn nə̀ zhiə ndò fɨave.”

Ətefɨ̂aʼ 27:43

Pîza tuə sesôkə̀ʼke e kyiŋə se fiə zà ə Pɔ̂l nə kə zhwi, ə pìə nə kə sokə̀ʼ sətəynse mom ghɛ ətəynze. Ə pɨlə pîə nə nâʼàpî ndè vɛ ə è kàʼa ə è samə tayn fɨ sə shi, è və samə̀ ndûə etipì ə tsô.

Ətefɨ̂aʼ 9:38

Ə̀ tè tyàfə va se ndò ə Njopà se ndù ə Lindà. Ə pə̀ kə ghɨ poməghe zɨ nə Pità nyi ə Lindà, ghənə ə tomə ə̀ghɨ ə̀pɛ̀ sê vəyn è chatêzè nə “È zaŋse pəyn sê ghənə.”