Matyò 8:4 - Ŋwàʼlè ə̀ Fèzhə̀ Mkâyn Mə̂ Fèm

⁴ Njisə̀s ə ke pi sê vəyn nə, “Zɨte kə! kə ò nə tsayn èghɛ zɛ e kyàyn sê wùə vîvè, Pîza nduə chwìte wiyn vɛ ve sê wùə èkɔʼsə nə̂ èshyə̀ kə è fɛte kyaʼtè ghò. Ə fo kə pî èfo kè kə lâŋə Mosîskè kyiŋə se chwìtè sê ghɨ nə o zo.”

Matyò 8:4 ပူးပေါင်းရင်းမြစ်များ

Matyò 10:18

Ə tə kyîə ndûə è ghàyn ə ghɨ ghaʼâ ghə əshi, è fɔ̂yntè nə ə saʼ kè kûmə̀ mi, ghənə tə nə̂ zɨnə mə kə ghàyn ndaʼa tom èchùŋ zɨ̂mè sê ghənə è kɨsè se ghɨ atumə.

Matyò 16:20

Njisə̀s ə fo fɨ̀as sê chùmtè èpàm sə vəynse nə kə ghənə tsayn sê wùə nə zhi nyi vɛ ə chɔʼ ndə̂m.

Matyò 17:9

Kə ghənə tè kɛsə tso pə̂ fumə ə pfɨyn, Njisə̀s ə fo fɨ̀as sê ghənə nə, “Kə ghàyn tsayn ghɛ zɛ ə ghàyn fe sê wùə se zaʼâ kə Zhə̀fè zomse Vâ wùə.”

Matyò 3:15

Pîza, Njisə̀s ə pə̀ynsə̀ sê vəyn nə, “Za ə zə nyi ke zamə kè fa ashìŋə̀. Famə endom, ə ghâsènì nə nəyn ə̀ghɛ ə̀kɨ̂m ghɛ ə Zhə̀fè kyiŋə.” Njɔyn ə se pomə̂ se fo Vəyn è môm.

Matyò 5:17

Kə ghàyn ə kwaʼtə nə m pə̂ mbi se kəʼsê Alâŋ ə Mosîskè è zaʼlê ə se fɨ̀aʼtè. M pâʼà pə̀yn se kəʼsə̂ təynte, pîza se pɨlə nə̀yn nə zaʼlê ə ghənə̂zè pəyn səmɔʼ.

Matyò 6:1

Ghàyn e tɔ̂ʼnə̀! Sə̂ nə̂ va ghɛ Fezhə̀ ghaynghe chûŋə̀ kè nə ghɨ fe. Ə ghàyn nə̀ ghɛ nə ghɨ ghə fe, ə ghàyn tə tàʼa kyiə emâʼte sê Pɨ̀a vâynvè ekwùtwəyn.

Matyò 9:30

Shiə ghənə̂ ghə kɛsə̂ fe tèluʼ. Njisə̀s ə ke fo fɨ̀as sê ghənə pîə se ghənə nə, “Kə ghàyn tsayn sê wùə ghɛ zɛ ze kyâyn.”

Ŋwàʼlè ə̀ Mâk 13:9

Ghàyn e tɔ̂ʼnə̀. Ə tə kyiə ghàyn ə ndu ə ndɛ̂ èsaʼ. Ə tə pusə ghàyn ə sendɛ sə atsɨ̀yntese, ə ghàyn fɨyn tyə̂m əghɨ tesaʼ ghə əshi, è fɔ̂yntè kè kûmə̀ mi. Zɨnə tə kyânə̀ kə ghàyn ndaʼa tom èchùŋ sê ghənə.

Ŋwàʼlè ə̀ Mâk 3:12

Njisə̀s ə fo fɨ̀as nə kə ghənə fɨyn tsayn se ghɨghe wùə vɛ zhi nyi vəyn.

Ŋwàʼlè ə̀ Mâk 5:43

Njisə̀s ə fo fɨ̀as sê ghənə nə kə wùə nə zɨ èghɛ zɛ ə ze kyâyn, ə ke fɨnə pì nə, ghənə fo fɨake, ə va ətəyn zhi.

Ŋwàʼlè ə̀ Mâk 6:11

Ghànə ndùə ə tɔ̂ŋ, ə tə nə ə fiə ndzɨsə̂ va ghàyn, ə tə nə ə zɨtə̂ va ghɛ zɛ ə ghàyn pìə, ghànə ndò fumə. Ghàyn pìə ə ndô ndò, ghànə puʼə sètsɨm saynse sê ghənə, se nə̀yn nə ke nə pîə ghənə ə faŋ sê ghənə.”

Ŋwàʼlè ə̀ Mâk 7:36

Njisə̀s ə pìə sê ghɨ nə kə ghənə nə tsayn èghɛ ətəyn sê wùə. Pîza nâʼàpî zɨ̂yn ə è pì nə kə tsayn ghɛze, ghənə e pɨlə tɔ̀ʼɔ̀ tsâ ndùə kə ndò.

Ŋwàʼlè ə̀ Mâk 8:30

Njisə̀s ə kàynə̀ nə kə ghənə nə̂ tsayn èkyì ə wûə vɛ Zhi nyi və̂yn.

Ŋwàʼlè ə̀ Mâk 9:9

Ghənə ə pìə kɛsə̂ tso pə̂ ndò fumə ə pfɨyn, Njisə̀s ə kànə̀ se ghənə pîə nə “Kə ghàyn nə tsayn èghɛ zɛ ə fe sê wùə se zaʼâ kə Va Wùə tə zômə̀.”

Tom èchùŋ kè kə Lûk tè nyaʼ 17:14

Njisə̀s ə fe ghənə ə piə nə, “Ghàyn ndù, ə ghɨ kɔʼsə nə eshyə̀ ndɛ Fèzhə̀ nayne ghàyn.” Ghənə fɨə tânə̀ endom ə tsɨ̀nə̀ kə mə ghənə ə tɛ.

Tom èchùŋ kè kə Lûk tè nyaʼ 21:13

Ə̀ za etuʼ vɛ ə ghàyn tə tsâ tom èchùŋ zɨm sê ghənə ətəyn.

Tom èchùŋ kè kə Lûk tè nyaʼ 4:41

Pamə̂ tə satàyntè e fɨə ə tsɨ̀tsɨ̂ ewìyn, pɨa piə nə, “Ò nyi Vâ Fèzhə̀!” Pîza è və kàyntə̀ nə kə̂ ghənə fɨyn pi eghɛ kûmə̀ nə ghənə tè ke ndo nə è nyi wùə vɛ ə Zhə̀fè chɔʼ ndə̂m.

Tom èchùŋ kè kə Lûk tè nyaʼ 5:14

Njisə̀s ə fo fɨ̀as sê vəyn nə, “Kə ò nə mɔmse se tsàyn sê wùə,” pîza ə piə nə, “Ndùə tyə̀yn ngɨŋ zɛ sê wùə èkɔʼsə nə̂ èshyə̀ ə fo efo zɛ ə Saʼ ə Mosîsè tè piə nə wùə tɛ è kwùsà kə ghò, è və fo kə ghɨ ke nə è və tɛ.

Tom èchùŋ kè kə Lûk tè nyaʼ 8:56

Choze ə zomə pɨ̀a vayn nə vɛ yî nyiə vəyn, pîza Njisə̀s ə fo fɨ̀as nə kə ghənə nə̂ tsayn ghɛ zɛ ə ze kyàyn sê wùə.

Tom èchùŋ kè kə Lûk tè nyaʼ 9:21

Njisə̀s ə ke kàyn nə kə ghənə nə̂ tsàyn ghɛ nə zɨnə sê wùə,

Njɔyn 5:41

M kyiŋə va nə wùə m̀sɔ̀ŋ ə tsîtə̀ Mi.

Njɔyn 7:18

Ghɨ ghɛ ə mômsə̀ sə̂ wâmnə̀ ə ghənə atyaʼ nyîə mômsə̀ se kyî epomsê se ngɨŋ sə ghənə̂sè. Pîza vɛ ə è kyiŋə pomsêzè se vɛ ə è tom vəyn nyîə nyi səmɔʼ, mə ghɛ zhîze va ə nyi akaŋ kûmə̀ vəyn.

Njɔyn 8:50

M kyiŋə va nə ə kɔʼsə̂ Mi. Pîza wùə e nyi kə è kyiŋə nə ə kɔʼsə̂ Mi, mə ə̀ nyi Vəyn vɛ ə È tsɛ̀sə̀ saʼze səmɔʼ.