Matyò 7:7 - Ŋwàʼlè ə̀ Fèzhə̀ Mkâyn Mə̂ Fèm

⁷ Pfɨf sê Zhə̀fè, ə È nə̂ fo sê gho, kyɨŋ ə Zhə̀fè nə̂ nəyn ə ò fe, ngɔʼte, ə Zhə̀fè nə̂ chwie chondɛo sê ghò.

Matyò 7:7 ပူးပေါင်းရင်းမြစ်များ

Matyò 18:19

M pîə kwəynsə̂ sê ghàyn səmɔʼ nə, ə ghàyn ə pɛ̀ pomə nâʼàpî èghɛ èkè ə pfɨfə etsə̀m, ə pɨ̀a vɨ̂mvè ekwùtwəyn fo sê ghàyn.

Matyò 21:22

Ə ghàyn kyi pomə̂zè, ə ghàyn kyi nâʼàpî àkè kɛ ə ghàyn pfɨf e tsə̀m.”

Matyò 6:33

Pîza, ghàyn nayne chi ə̀ghɛ efɔ̂yn ə Fezhə̀e sə shi ə ghàyn nəyn ghɛ ghɛ ə Zhə̀fè kyiŋə nə ghàyn nəyn. Ə ghàyn nə̀yn nyiə mə, ə Zhə̀fè nə fo fɨa mɔ̀ʼɔve nâʼà ekɨ̂m se ghàyn.

Matyò 7:11

Mə ghàyn pofə nyî, ke se fo efɨa echûŋvè sê ghɔyn ghanə, ə zə nyi tayn zàyn sê pɨ̀a vâyn vè ekwùtwəyn se fo efɨa echûŋvè sê ghɨ ghɛ ghe pfɨf sê Vəyn ə!

Matyò 7:8

Kûmə̀ nə ə̀ pfɨfə pîndè sê Zhə̀fè ə è nə̂ kyi, ə kyiŋə pîndè ə è nə̂ fe. Nâʼà pîndè vɛ ə è ngɔʼte chondɛve, ə Zhə̀fè nə̂ chwie sè vəyn.

Ŋwàʼlè ə̀ Mâk 11:24

M pîə sê ghàyn nə, ə ghàyn tsə̂mə̀, pfɨfə nâʼà pîghè sê Zhə̀fè, pomə̂ nə ghàyn nə̀ kyîə, ə ghàyn nə̂ kyî.

Tom èchùŋ kè kə Lûk tè nyaʼ 13:25

Shîŋə̀kè tə kwənə, ə pɛ̀ ndɛ ndwi ə è fa cho ə ndɛve, ə ghàyn tyəm faŋ əpɨəyn ə ngɔʼtə̂, piə nə, ‘Pɛ̂pɛ, chɔʼ cho ndɛu sê ghàs,’ ə è pəynse ke sê ghàyn nə, ‘M ke va nə ghàyn ndò ghayn zə.’

Tom èchùŋ kè kə Lûk tè nyaʼ 18:1

Njisə̀s ə fɨnə mɛ̂ kəpî ngàyn zhizè sê chùmtè epàm sə vəynse se zaʼlê ə ghənə nə ghənə kyi sə̂ tsə̂mə̀ kə shîŋə̀ tekɨ̂m, pɔ va.

Njɔyn 15:16

Ghàyn tè pâʼà chɔʼ Mi, ə̀ tè chɔʼ Mi ghàyn ə tomə ghàyn nə ghàyn nəyn ghɛ ghɛ ə ghe muə twɔm echûŋvè. Kyì tə ghɛ nə tɨnə mə ə ndam faŋ ke ndò. Ə ghàyn nə̀yn zamə, ə Pɨ̀a vɨm fo nâʼàpî ghè vɛ ə ghàyn pfɨfə sê vəyn tɔynə̂ ə mì ezə.

Njɔyn 15:7

Ə ghàyn faŋ ke ə mi ewìyn, ə zaʼlê zɨmze ə pɔŋ nyi sê ghàyn, ghàyn ə pfɨfə pî ghè, ə ghàyn kyi.

Njɔyn 4:10

Njisə̀s ə pə̀ynsə̀ sê vəyn nə, “Ə ò fè ke fɨa vɛ Zhə̀fè fo sê ghɨə fɨyn ke wùə vɛ è ndɔnə mô nə mɨ̂yn sê ghò, ə ò ndɔyn sê Vəyn, ə È fo ghô è môm mɛ m̀ fo ndamze.”

Ŋwàʼlè ə̀ Pɔ̂l sê ghɨə Lûmghè 2:7

Ghɨə mɔ̀ʼɔ ghə kol təmə ə faŋə nə̂ ndûə kə əghɛ əchûŋghè, kyiŋə epomsê, è kɔʼsêzè. Ghənə tə kyîə èndam zɛ ə ze tə mìə va. Zhə̀fè tə fo èndam zɛ ə ze tə mîə va se kyì əghɨ̀ nə ghɨ̂yn.

Ŋwàʼlè ə̀ Pɔ̂l sê ghɨə Lûmghè 3:11

Wùə vîvè va ə è fɛte ke səmɔʼ kûmə̀ Fèzhə̀, wùə vîvè e va vɛ ə è sò mndyàyn se ke Fezhə̀.

Ipilù 11:6

Wùə vîvè vayn kaʼa è nəyn nə Zhə̀fè ə saŋnə̂ mə è kyi va kyî epomə̂zè. Ə̂ kyiŋə pîndè sə̂ kɔʼsə̂ Fèzhə̀, ə è və kyi se pomə̂ nə Zhə̀fè nyîə ndamə fɨnə maʼtə̀ ə̀ghɨ ghɛ ə ngɨmnə vəyn.

Njə̂m 5:15

Ə ghənə piə ə tsə̂mə̀ ndò ə kyîə èkyî pomə̂zè nə Pɛ̂pɛ nə̀ tsuʼə wùə ə̀təyn, ə Pɛ̂pɛ tsuʼ vəyn ə e ndwise vəyn ekwì ezafəve, ə̀ nyi pî mə è tè nəyn pi, ə lɛse fo vəyn.

1 Njɔyn 3:22

Mə ghâsènì pfɨfə pi ghè sê vəyn ə è fo kûmə̀ nə ghâsènì nyîə ndə̂mə̀ èlwɔ̂ŋ ə Vəynve, fɨnə nə̂ ə̀ghɛ ghɛ ə è kɔ̂ŋɔ̀.