Matyò 7:6 - Ŋwàʼlè ə̀ Fèzhə̀ Mkâyn Mə̂ Fèm

⁶ Kə ghàyn nji fɨa ə Fezhə̀vè ə fo sê puse; se nə̀ kə̂mnə̀ ə se kɛse ndômnè ke ghàyn. Kə ghàyn tə mâʼà tèfɨa taynte tɨməte sê kwùnduŋve; ve nə̀ tsə̂lə̀ kə ndò təynte ègholə.

Matyò 7:6 ပူးပေါင်းရင်းမြစ်များ

Matyò 15:26

Njisə̀s ə pə̀ynsə̀ nə, “E tsɔ̂fə̀ va nə ə nji fɨazhiə m mɨ̂ətə̀vè ə maʼa sê puse.”

Matyò 24:10

Ghɨ tsɨə tə pfɨ̂ə ə ghənə epomə̂ fumə ashìŋə̀, ghɨə tə pəʼlə̂ ə̀ghɔ nyìə ə kɛsə̂ pânə̀ sèngɨŋ.

Matyò 7:5

Ghɨ ekaŋkaŋə nə ghɨ̂yn! Fɨse chì kôm ə fekàʼ kɛ ə ghò eshi, ə o nyi kàʼa ò fɛte fe se njiə fɨsê esaʼ ə fe kàʼ zə ànɛ̂ eshi.

2 Kolìŋ 11:26

Kwuŋ kə ndɛtê se njìə mi nâʼà shîŋə̀tè setsɨ̀ kə m ndùə kwîzè, mə fɨnə shwîtə̀ èkwu əghɨ chɔŋəghə gho. Mə shwìe kwuze əghɨ ghasghe ndaʼ ghə gho, ə shwìe əghɨghe əgho ghɛ ə̀ va əghɨ ə Njûsghè. Mə shwìe kwuze ə tendaʼ te ghaʼâtè, ə shwìe ətelùʼ tə ashəshəte. Mə shwìe kwuze ə enjwì ə fengwaŋ eghaʼâvè, ə shwìe əgho ə ghɨ̀ə kə kaŋa nə̂ nə ə pomə.

Filìpây 3:2

Ghàyn e tɔ̂ʼnə̀ è ghɨ pi ghɨnə̀ ə ghe nyi nyiə kə sepu pîə nə ə kyi se se ənam ə wûəghè.

Ipilù 10:29

Ə ze tè nyi zamə, ə ze tə pə̂ ə zə nyi nâʼà zàyn sê ghɨ ghɛ ə ghe nyaŋə màʼà Va Fèzhə̀ ə? Ze tə pə̂ ə ze ə nyi nâʼà zàyn sê wùə nə vɨ̂yn ə è tàʼa njiə mndəm mɛ ə Zhə̀fè zhi kâynmè ətəyn mə m̀ shùə tsɨsə̀ pi sə ghənə̂sè sə eghɛ ə? E za tə pə̂ ə ze ə nyi nâʼà zàyn sê wùə nə vɨ̂yn ə è sòylə̀ Zuʼsə ə Fezhə̀sè, ə nyi səynse ə se tyə̂nə̀ təm əchûŋ ə Fèzhə̀ghè ə? Lote kwàʼte tso kə pɔynsê zɛ ə ghənə kyi sə̂ kyi tə pə̂ ə ze ə tsɨ̂ə tâ.

Ipilù 6:6

mə ə ghənə kɛse mâʼà kyî epomə̂ ə ghənə̂zè, ə ze ə pɔynə̂ va se nə̀yn nə ghənə kɛse kwiynê, kûmə̀ nə ghənə fɨyn payntê Va Fèzhə̀ awâmnè ə ghomsə̂ vəyn ə ghɨghə shi sə fe.

2 Pità 2:22

Ghɛ zɛ ə ze tè kyàyn sê tyə̀ynsè sə akaŋ nə sɨ̂nə̀ ə tyə̀ynə̀ nə ndiŋə̂ mə èghɛ mɨ̂nə̀ m̀pɛ̀ nyì səmɔʼ nə, “Pu nyîə kɛsə̂ ndûə njîə zhiə àfɨa kɛ ə è fe fɨse” è kɨsè nə, “Kwùnduŋ kɛ ə nyi mə shù kəynke kɛsə̂ ndûə pɨŋnə̂ ndò achaʼ.”

Etyə̂yn ə paynsêzè 22:15

Pîza ghɨ ghɛ ə ghe nyi əpɨəyn ə tɔ̂ŋ èghaʼâ nyi ghɛ ə nyi mə ə nə̀yn ghɛ ə kwəmnəghe kə; ghɛ ə nə̂ ghɛ ə pfɨyntəghe, è ghɛ ə nə̂ ghɛ ə nyələghe, è ghɛ ə ghe zhwiə ghɨghe, ghɛ ə ghe ngɨmnə fɨ̂aʼsèvè, è ghɛ ə wamə kwaŋve, nə̂ ə̀ghɛ akaŋghe.