Matyò 7:13 - Ŋwàʼlè ə̀ Fèzhə̀ Mkâyn Mə̂ Fèm

¹³ Njisə̀s ə pìə kwəynsə̂ nə, Nji elùʼ efɔ̀yn ə Fezhə̀e echo ndɛ etətə̂ kûmə̀ nə ndom ewùsve ghaʼa kə nyî mə ndom vɛ ə ve ndûə ətəyn ghaʼa kə nyî, ghɨ ghe tsɨ̂ə kə nyi kə ndûə ətəyn.

Matyò 7:13 ပူးပေါင်းရင်းမြစ်များ

Njɔyn 14:6

Njisə̀s ə pìə sê vəyn nə, “Ə̀ nyi mi ndom vɛ ə ve ndûə sê Pɨ̀a vɨ̂m, səmɔʼ ndô pə̂ sê Mi, ə̀ nyi Mi vɛ M fo ndame. Wùə vayn kàʼa è ndu sê Pɨ̀a vɨ̂m, ə va nə è tɔyne ə mi.

Njɔyn 10:9

M nyi echo mbàyn, ghɨ ghɛ ə njiə tɔynə̂ ə Mi tə nə̂ ə nyi mə sɔ̀ fɨ, ghənə tə nə̂ ə njiə fɨnə tsɛ̂ fɨə, fɨyn kyi nâʼàpî ghè vɛ ə ghənə kyiŋə.

Ngàleshyà 5:24

Ghɨ ghɛ ə̀ nyi əghɨ ə Klâys Njisə̀sə̀ nyi mə ghənə zhwi njà èwìyn è ghɛ ghɛ ə njà èwìyn kyiŋə nâʼà ètyaʼke.

Matyò 3:2

“Ghàyn kəmne ə ghànə sepi, kûmə̀ nə fɔ̂nə Fezhə̀ və paʼsê.”

Matyò 3:8

Ghàyn nəyn ghɛ ghɛ ə ghe nə̀ chwîtə̀ nə ghàyn ə kə̀mnè ə ghànə sepi.

2 Kolìŋ 6:17

Ə̀ za nyi eghɛ zɛ ə Pɛ̂pɛ tè pi nə: “Ghàyn fɨ pəyn əfètəyn ə̀ghɨ̀ ə piə ə tyəm sə nɨŋ. Kə ghàyn kom fɨa kɛ ə ke zo va ə Zhə̀fè əshi, kə M fi ghàyn,

Matyò 23:13

Njisə̀s ə pìə sê tyə̀ynsè sə alàŋsè è ghɨə Falàsîə nə, “Ghàyn ghɨnə ə ghàyn kaŋkaŋa nə̂ nyî, ngəʼ èghaʼâ nyi sê ghàyn! Ghàyn fìnə̀ èchondɛ elùʼ efɔ̀yn ekwùtwəynve nə kə ghɨə nji. Mə ghàyn è ngɨŋ saynse vayn kaʼa nji, za va nə ghɨ mɔ̀ʼɔ ghɛ ə kyiŋə se nji nə nji.

Etyə̂yn ə paynsêzè 20:15

Nâʼàpî ndè vɛ ə zə vəynze tè va əfètə̂ ŋwàʼlè ə̀ghɨ̀ endamə nə ghɛ, ə màʼà tsosə̂ vəyn elùʼ vɛ ə wusve tè pɛ ətəyn.

Filìpây 3:19

Kyì ə ghɨ̀ nə ghɨ̂yn tə mɨ̂sə̀ elùʼ ewùs, kûmə̀ nə ghənə kɔʼsə̂ kə èfɨa vɛ ə njàse wìynse kɔ̂ŋə̀. Ghənə kɔ̂ŋə̀ sə nə̂ ə̀ghɛ ghɛ ə ghənə fe pɨl kyi sə ghomə̂ kûmə̀ ghəynghe, kwaʼtə̀ kə se ghɛ ghɛ ə ghe nyi fa mbi.

2 Kolìŋ 4:4

Ghənə pomə va pɔ̀m nə kwaʼtè tə ghənə̂tè nyi mə Zhə̀fè epi fə mbi fɨnə fe ə ndə̀m ə alɨm. Fe nyi mə fə ndə̀tè nə kə ghənə ə fe èpayn zɛ ə ze nyi ə ghənə ewìyn, mə nyi epayn zɛ ə ze ndô pə̂ ə Tom Èchùŋ zɛ ə è tsà kûmə̀ èpomsê ə Klâyszè, mə È lote nyi kə Fezhə̀.

Ətefɨ̂aʼ 3:19

M pîə sê ghàyn nə, ghàyn kwiyne təm ghanə ə ghàyn əghɛ ə pighe, ə ghàyn kɛse pəyn sê Zhə̀fè, kə Fe shu tsɨ̂sè ə̀ghɛ pi ghaynghe.

Etyə̂yn ə paynsêzè 20:3

Tsì ə̀təyn ə màʼà tsosə̂ ndlangɔ̀yn ə̀təyn fu epə ə fɛtə̂ fâ ə ndə̀mə̀ chwìə fumə se nə̀yn nə ghɨ ke nə wùə kyi va se chɔʼ, ə zà nə è faŋ fu ə è zə fɨyn kyi va ndom se kɛsə lesê əghɨ ə tendaʼàghè se zaʼâ kə pìŋ nə sɨ̂nə̀ kam mi. Epàm ətəyn, tsì ə̀təyn kyi se chɔʼɔ za zə̂ynzè sə fendiŋə̀ fə ashìŋə̀fè.

1 Njɔyn 5:19

Ghâsènì nyiə ke nə ghâsènì nyi əghɔ Fezhə̀, ke kepî nə wùə èpi nyi wùə vɛ ə è kyi ghɨ ghɛ ə ghe ke va Zhə̀fè.

Matyò 25:46

Ghɨnə mə, ə fɔ̀yn ke tom elùʼ etsəfsə vɛ ə wusve pɛ ndɨmə̂ va, pîza əghɨ chichighe ndu elùʼ vɛ ə ghənə tə ndamə faŋə.”

Matyò 25:41

Ə è ke pì se ghɛ ə vəyn ekɔyn ekôvè nə, ‘Ghàyn tə ə mì əshi, ghàyn ghɨnə Zhə̀fè ti ndi sê ghàyn nyî. Ghàyn ndu ewùs vɛ ə ve pɛ ndɨmə̂ va mə Zhə̀fè pɨaʼtê ndə̂m sê ndə̂plè è tsì sə vəynse.

Etyə̂yn ə paynsêzè 13:8

Nâʼà ə̀ghɨ ə̀ kɨ̂m ə chi tə ngɨmnə̂ zə̂ynzè, ə̀ tsɛ̂ kə va ghɨ ghɛ ə tè nyi mə ə nyàʼ zɨə ghənə̂zè tsɔ̀fə kə pom mbi əfètə̂ ŋwàʼlè ə̀ghɨ ndaməghe mə ə̀ ghənə kyi Vâ Ndzè vɛ ə tè zhwi.

Ŋwàʼlè ə̀ Pɔ̂l sê ghɨə Lûmghè 9:22

E nyi kepî eghɨ səmɔʼ kə Zhə̀fè nə̀yn. Fe tè kɔ̀ŋ se tyə̀yn nə Fe nyɔʼsə̀ etɔŋ ə fɨnə kɔ̂ŋɔ̀ se nə̀yn nə ghɨ fe tyaʼa Vəynke. Ə̀ za nyi eghɛ zɛ ə Fe tè ngəse kol ə̀təm è ghɨ vəyn ghɛ ə ghe tè nəyn nə è və nyɔʼsə̀ ètɔŋ. Ghɨ nə ghɨnə mə tè kyi ndô sə kyi èpɔynsê.

Tom èchùŋ kè kə Lûk tè nyaʼ 14:33

E za nyi kepî eghɨ kə naʼapi ndè ə ghàyn əfètəyn tàʼa za naʼapi ghè vɛ ə è kyi, è vâyn kàʼa ə è və nyi chùmtè zɨ̂m.”

Etyə̂yn ə paynsêzè 12:9

Ə màʼà fɨsə̂ nyàm èghaʼâ zɛ ə tè tɔŋtə nə ndlangɔ̀yn ə chi. Ə̀ tè nyi mbam ètuʼ əshi zɛ ə tè tɔŋtə nə ndə̂plè, fɨnə tɔŋtə̂ kəpî Satàyn. Ə̀ tè nyi zə̂yn zɛ ə è tè lɛsə ghɨ mbiə əkɨ̂m. Ə màʼa tsosə̂ zə̂ynzè ə chi yî tsì sə zə̂ynsè kè sekɨ̂m.

Tom èchùŋ kè kə Lûk tè nyaʼ 9:33

Ghɨ ətəynghe ə pə̀ kə ndô, Pità ə se pi sê Njisə̀s nə, “Ze ə tsɔ̀f ə Pɛ̀ apɨəyn kə ghàs nyi fâyn. Ghàs nə̀ pɛ m̀pfɨ̀ə m̀ta, ə ò kyi fèmɔ̀ʼ, Mosîs e kyi fèmɔ̀ʼ, Èlanjà e kyi fə mɔ̀ʼɔfe.” È tè wàmnə̀ za, ke pi va ghɛ zɛ ə è piə.

Matyò 7:14

Pîza, cho ə mbàyn zɛ ə ze njiə endam zɛ ə ze tə mìə va tətə̂ kə nyi. Ndom vɛ ə ve ndùə fumə, e tɛ kə nyi se tsɛ̀ ətəyn. Ə̀ nyi ke m̀fɨatə̀ mə ghɨ̀m kə m̀ tsɛ fu.