Matyò 7:11 - Ŋwàʼlè ə̀ Fèzhə̀ Mkâyn Mə̂ Fèm

¹¹ Mə ghàyn pofə nyî, ke se fo efɨa echûŋvè sê ghɔyn ghanə, ə zə nyi tayn zàyn sê pɨ̀a vâyn vè ekwùtwəyn se fo efɨa echûŋvè sê ghɨ ghɛ ghe pfɨf sê Vəyn ə!

Matyò 7:11 ပူးပေါင်းရင်းမြစ်များ

Matyò 23:9

Mə ghàyn kyi kepî va se tɔŋtə̂ wùə fa əchi nə, ‘Pɛ̂,’ kûmə̀ nə ghàyn kyi ke Pɨa emɔ̀ʼ, ə pɨ̀a vâyn mə È nyi ekwùtwəyn.

Matyò 7:10

Mə ə̀ nyi nde ə ghâ fètəyn ə vayn kàʼa è pfɨf mbwɔ̀kè, ə è fo mbam sê vəyn ə?

Njɔyn 3:16

kə Zhə̀fè tè kɔ̀ŋə tsɛsə̀ mbi, ə fo Vâ ə̀ Vəyn mə è tè nyì ke èmɔ̀ʼ kə nâʼàpî ndè vɛ ə è pomə sê Vəyn tə tàʼa kwu pîza ə è kyi ndam zɛ ə ze tə mîə va.

Ŋwàʼlè ə̀ Pɔ̂l sê ghɨə Lûmghè 3:19

Zôyn ghàs ə fe nə ghɛ ghɛ ə nyi mə ə nyàʼ ə ŋwàʼlè àlâŋ naynə̂ ə̀ghɨ ə̀kɨ̂m ghɛ ə tè fo lwɔ̂ŋ ətəyn sê ghənə. E za tyə̀ nə wùə vîvè vayn kaʼa è ŋaʼse cho ə vəynze se pì nə è və zhi saʼ, kɔ̀ŋə nyi wùə Njûs, kɔ̀ŋə nyi wùə vɛ ə̀ va wùə Njûs. Nâʼàpî ndè tə tyəmə̂ ə Zhə̀fè əshi.

Ŋwàʼlè ə̀ Pɔ̂l sê ghɨə Lûmghè 3:9

Ghâsènì nə sè piə nə ghe? Ghàyn kwàʼtə̀ nə ghàs ghɨə Njûsə̀ tsɛ̀ ndò ghɨ ghɛ ə̀ va əghɨ Njûsghè mə? E vachi zamə nâʼà səkɔs. Mə kâynè tyəyn nə ghɨə Njûsghè è ghɨ ghɛ ə̀ va əghɨ ə Njûsghè nyi ke èghɨ etyə̂ atyaʼ əghɛ pike.

Ŋwàʼlè ə̀ Pɔ̂l sê ghɨə Lûmghè 8:32

Ə̀ vayn kàʼa ndəʼ nyi Fèzhə̀, ə fɛ ə fe tè tàʼa ghə̀ʼtè se fo Vâ vəyn se ghâsènì əkɨ̂m. È tè nji vəyn ə fo nə È kwu ə ghâsènì ətu ə̀kɨ̂m, nyiəmə, È tə fo va zayn fɨave ekɨ̂m vɛ ə ghâsènì pfɨfə sê vəyn ə?

Ngàleshyà 3:22

Pîza Ŋwàʼlè ə Fèzhə̀ pìə nə nâʼà èkwaʼtè ə ghɨ̀zè əkɨ̂m fa ə mbi nyi ke se nə̂ pi. E kyayn nyiə kə Zhə̀fè fo fɨa kɛ ə fe tè tsɨ̂nè sê ghɨ pomə, tɔynə̂ ekyî epomə̂ zɛ ə ghənə tè kyi.

Njə̂m 1:17

Nâʼàpî èfo echûŋ èkè, è nâʼàpî èghɛ èkè zɛ ə ze kyi va ləʼke ndò pə̂ ekwùtwəyn sê Zhə̀fè, ə fɛ ə fe tè fɛte payn tekɨ̂m tɛ ə te nyi awulə. È kwiynə̂ tsɛ̂ va kə anyɨ̂ŋsè kɛ ə ke kɨŋtə tsɛ̂ kəndò.

1 Njɔyn 3:1

Ghàyn fe kə Zhə̀fè kɔ̀ŋə̀ zaʼâ ghâsènì ə. Fe ə nə̀yn e tɔŋtə̂ ghâsènì nə ghɔ Fezhə̀ghè, mə ə̀ ndɨŋ nyi afɨa kɛ ə ghâsènì nyi kəynke. Pîza ghɨ ghɛ ə̀ nyi əghɨ ə mbighe fe kê va ghâsènì kə ghɔ Fezhə̀ghè kûmə̀ nə ghənə ke kepî va Zhə̀fè.

1 Njɔyn 4:10

Ndom vɛ ə ghâsènì kàʼa kê kûmə̀ èkɔ̂ŋ nyi nə, Ə̀ vachi nə ghâsènì tè kɔ̀ŋə ndô Zhə̀fè, pîza nə è tè kɔ̀ŋə ndô ghâsènì ə tomə Va Vəyn nə è pəyn kwu ə ghâsènì ə tu kûmə̀ sèpi sə ghasènìse.