Matyò 6:9 - Ŋwàʼlè ə̀ Fèzhə̀ Mkâyn Mə̂ Fèm

⁹ Ə̀ vɨnə nyi endom vɛ kə ghàyn ə tsə̂mə̀ ətəyn: Zhə̀fè, Pɨ̀a vâs vɛ ə è nyi ekwùtwəyn: Ə kɔʼsêzè ə nyi èzə zɛze,

Matyò 6:9 ပူးပေါင်းရင်းမြစ်များ

Matyò 10:29

Piə ə pəʼlə̂ m̀nɨŋtə̂ m̀pɛ̀ kè sə fekɛtə̀ nyi, pîza femɔ̀ʼ e va ə fe kàʼa fe tayn ə chi, ə tsɛ̂ kə va nə pɨa vâyn Zhə̀fè kɔ̀ŋ ndô nə ze kyayn.

Matyò 23:9

Mə ghàyn kyi kepî va se tɔŋtə̂ wùə fa əchi nə, ‘Pɛ̂,’ kûmə̀ nə ghàyn kyi ke Pɨa emɔ̀ʼ, ə pɨ̀a vâyn mə È nyi ekwùtwəyn.

Matyò 26:29

M pîə sê ghàyn səmɔʼ m tə fɨnə mɨə va lɨ̀m nə mɨ̂yn se zaʼâ etuʼ vɛ kə m kɛse mɨ sə fe ghâsènì elùʼ efɔ̀yn ə Pɨ̀a vɨ̂mvè.”

Matyò 26:42

È və kɛse ndò ə ndùə sè tsə̂mə̀ pîə nə, “Pɨ̀a vɨ̂m, ə ò va se fiə tsɨ̀sè akɛ̀ ə ngəʼ kɨ̂nə̀ ə mì ətu, mə m paʼà pɨ̀aʼà kəynke, o nə̀ èghɛ zɛ ə ò kàʼa ò nəyn.”

Matyò 5:16

Kèpî endom nə vɨ̂nə̀ mə, payn zaynze kyi sə̂ panə ə ghɨə ghə shi, kə ghənə fe ə̀ghɛ echûŋ ghɛ ə ghàyn nə̀, tsîtə̀ Pɨ̀a vâyn vɛ ə è nyi ekwùtwəyn.

Matyò 5:48

Ghàyn kyi sə̂ nyi chichi kè kə pɨ̀a vâyn ve ekwùtwəyn nyi chichi.

Matyò 6:14

Ə ghàyn lɛ̂sə̀ fo ghɛ ə pi ghɛ ə ghɨ nə̂yn sê ghàyn, Zhə̀fè, ə Pɨ̀a vâyn vɛ è nyi ekwùtwəyn pɔŋ lɛ̂sè fo sèpi saynse.

Matyò 6:6

Ə ò nyì se tsə̀m, ndù ə ndɛ fètəyn, kyɨ̀ŋ pâʼà ndɛke, ə tsə̂mə̀ sê pɨ̀a ve vɛ ə fe va vəyn. Ə pɨ̀a ve vɛ È zɨə ghɛ ghɛ ò tsə̀mə̀ andə̀te, tə mâʼtè gho.

Matyò 7:11

Mə ghàyn pofə nyî, ke se fo efɨa echûŋvè sê ghɔyn ghanə, ə zə nyi tayn zàyn sê pɨ̀a vâyn vè ekwùtwəyn se fo efɨa echûŋvè sê ghɨ ghɛ ghe pfɨf sê Vəyn ə!

Tom èchùŋ kè kə Lûk tè nyaʼ 15:18

E tsɔ̂fə̀ nə m ndwi ə m kɛse kwɨlə ndù fe pɨ̀a vɨm ə m pi sê vəyn nə, Pɛ̂pɛ, mə nə̀yn pi sê Zhə̀fè, ə fɨnə nə̀ sê gho.

Tom èchùŋ kè kə Lûk tè nyaʼ 15:21

Vayn nə vɨ̂yn ə piə kə kə è fè kwàʼtə za nə, ‘Pɛ̂pɛ, mə nə̀yn pi sê Zhə̀fè, ə fɨnə nə̀ sê ghò. M fɨnə kwəynə va sə gho vayn.’

Tom èchùŋ kè kə Lûk tè nyaʼ 2:14

“Pomsêzè sê Zhə̀fè elùʼ engaŋtəve ekwùtwəyn, pɔ̂ynè e nyi ə chi sê ghɨ ghɛ ə È kɔ̀ŋɔ̀!”

Njɔyn 20:17

Njisə̀s ə pìə sê vəyn nə, “Kə ò kom mi kûmə̀ nə m pâʼà nyìəm ndu sê Pɨ̀a Vɨ̂mvè. Pɨl ndù sê chùmtè èpàm sɨmse, ə ghɔnyì ghɨmə ə tsà se ghənə nə M kɛsə̂ ndùə sê Pɨ̀a Vɨ̂m vɛ ə̀ nyì kepî Pɨ̀a vâynvè. È nyi Fèzhə̀ fɨmfe, ə̀ nyi kepî Fèzhə̀ faynfe.”

Ŋwàʼlè ə̀ Pɔ̂l sê ghɨə Lûmghè 1:7

M nyâʼà ŋwàʼlè zɨ̀yn sê ghàyn əkɨ̂m endaʼ ə Lûmzè, ə ghàyn ghɛ ə Zhə̀fè kɔ̀ŋɔ̀, nyi mə Fe ə tɔŋɔ nə ghàyn ə nyi ə̀ ghɨə Vəynghe. Ə Zhə̀fè, Pɨ̀a sê ghâsènì yî Pɛ̂pɛ Njisə̀s Klâys, fo ghàyn fùʼkè è pɔ̂ynè.

Ŋwàʼlè ə̀ Pɔ̂l sê ghɨə Lûmghè 8:15

Kûmə̀ nə zuʼ sɛ ə Zhə̀fè nyi mə fə fo se ghàyn nə̀ chîəva nə ghàyn ə nyi èkɔ̂s, pi se nə̀yn nə ghàyn ə fânə̀. Se pɨlə nə̂ nə ghàyn ə nyi ə̀ghɔ Fezhə̀ghè, famə atyaʼ ə sezuʼke, ghâsènì chìə fɨsə̂ ndûə se Zhə̀fè nə, “Pɨ̀a! Pɨ̀a Vɨ̂mvè”

Ngàleshyà 1:1

Ə̀ nyâʼ mi Pɔ̂l ŋwàʼlè zɨ̀yn. M nyi wùətom mə paʼà ndə̀m chi ghɨghe mi, fɨaʼà chîəva kə wùə m̀sɔ̀ŋ. Ə̀ chɔʼ Njisə̀s Klâys mi yî Zhə̀fè pɨ̀a sə wùətom, ə pɨ̀a vɛ ə è tè zòmse vəyn ekwu.

Ngàleshyà 4:6

Kə ghàyn se nyi ə̀ghɔyn sê Zhə̀fè, fə fo Zuʼsə Va vəynse ə ghâsènì ətəm, Zuʼsə təynse e pɨa wâmnə̀ è kyə̂ ètɛ tɔŋtə̂ Fèzhə̀ nə, “Pàpa, Pàpa vɨm.”

1 Timotì 6:16

Ə̀ nyì ke Vəyn vɛ ə è tə kwuə va, È ndamə epayn zɛ ə wùə vîvè vayn kàʼa è kɨŋte etipìə təyn. Wùə vîvè paʼà tyəmə̂ fe Vəyn. E saʼa mbi zɨ̀yn nâʼà è tyaʼa sə teshìŋə̀ tekɨ̂m! Ə zə nyi ke zamə.

1 Pità 1:17

Piə ghàyn piə ə tsə̂mə̀ sê Zhə̀fè, ghàyn e tɔŋtə̂ vəyn nə Pɛ̂, ə nyi vəyn vɛ ə è saʼa ghɨghe əkɨ̂m, saʼa zâ, saʼa nâʼàpî ndè kè eghɨ ə ghɛ ghɛ ə ghənə nə̂yn. E za tyə̀nə̀ nə ghàyn kyi sə̂ kɔʼse vəyn nâʼà sə ŋaŋ kə ghàyn pa ndamtə̂ kɔʼɔ fa əchi.

Etyə̂yn ə paynsêzè 4:11

“Pɛ̂pɛ vâsvè, è Zhə̀ Fasfe, ò nyiə kwəynə̂ se kyi epomsê, è kɔʼsêzè è tyaʼke, kûmə̀ nə ə̀ pom ghô fɨave ekɨ̂m, mə tɔynə̂ ə ghò ekɔ̀ŋ, ə pomə vəynve ə nə̀ nə və ndamə.”

Etyə̂yn ə paynsêzè 5:12

Ghənə tè zhəmə njàŋ nâʼà è kyə̀ e tɛ, pìə nə: “Va Ndzè vɛ ə tè zhwi nyiə kwəynə̂ se fi atyaʼ, è ghaʼze, è tɔf eghaʼâze, è tyaʼ ewìynke, è kɔʼsêzè, è pomsêzè, è tsîtèzè!”