Matyò 6:2 - Ŋwàʼlè ə̀ Fèzhə̀ Mkâyn Mə̂ Fèm

² “E za nyi nə ə ò fo fɨake sê wùə vɛ ə è kyiŋə, kə ò ghaŋsə̂ èwiyn, kèpî kə ghɨ e kaŋkaŋə nəghe ə sendɛ sə Fezhə̀sè è cho tefàfghè nə̀ nə ghɨ ghə fe ghənə. M tsâ sê ghàyn səmɔʼ nə ghɨ nə ghɨ̂yn ə kyi mɨ̂sè mâʼte ə ghənəè.

Matyò 6:2 ပူးပေါင်းရင်းမြစ်များ

Matyò 15:7

Ghàyn ghɨ ekaŋkaŋa nə ghɨ̂yn! Fɨ̀aʼtè Èsayà tè nyi achûŋ kə è tè pì ghɛ zɛ ə Zhə̀fè tè tom vəyn nə,

Matyò 16:3

Tuʼve ə pɨsə̂ zo nâʼà è pɨ̂sə̀pɨ̂sə̀, gha pìə nə, ‘Ghole nə̀ tso, kûmə̀ nə wuləke pâŋə̀ ndò fɨnə fɨ̂mə̀.’ Ghàyn kàʼa ə ghàyn sɨŋ kə tuʼe nə̀ nə̂ ə və nyi mə ghàyn naynə̂ àwulə, pîza ghàyn vayn kaʼa ghàyn fe kê ə̀ghɛ ghɛ ə ghe kyânə̀ ndâyn.

Matyò 22:18

Njisə̀s ə kê èghɛ epi zɛ ə ghənə tè pɨaʼtə ə ke pì sê ghənə nə, “Ghàyn ghe kaŋkaŋə nə ghɨ̂yn! Kûmə̀ ghè ə ghàyn mɔ̀msə̀ se mɔ̀m ə mi ə?

Matyò 23:5

Ghənə nə̂ ə̀ghɛ kè se tyə̀yn ewiyn. Ghənə kolə̂ m̀puʼlə̂ mə m̀ ghaʼa ndò ə ghənə echo àtu è kɨsè ə ghənə tekɔyn mə nyàʼ ndiŋə̀ mə̂ ŋwàʼlə̀ Fèzhə̀m ətəyn. Ghənə nə̂ kəpî èpɨ̂aŋ ə sendzɨs vɛ ə kə̂ etuə sèsàŋ nə və tyaflə̀ tsɛsə̀

Matyò 23:6

Ghənə kɔ̂ŋə̀ sə tsɨsə̂ ə telùʼ te ngaŋtəte elùʼ azhi è kɨsè sə tsɨs mkyə̀ mê ghaʼlə̂m ə sendɛ sə atsɨ̀yntese.

Matyò 24:51

Ə pɛ̀ èfɨ̀aʼ ə̀təyn tsɨfse vəyn nâʼà sə ŋaŋ. Ə è tsɨfse vəyn eghɨ kèpî kə è tsɨfsè ghɨə ə kaŋkaŋə nə. Fumə ə è və chîə kwɨlə ə̀sɔŋ.”

Matyò 5:18

M tsâ sê ghàyn səmɔʼ, kə kwutwəyn è chike tə ndamə zaʼâ pî zàyn, wùə tə kəʼsə̂ va nâʼàpî fèghɛlə̀ fɛ ə fe tətə kwûŋsə̀ əfètə̂ Àlâŋ nə kɛ, ə̀ tsɛ̂ kə va mə ghɛ ə̀kɨ̂m ə kyayn.

Matyò 6:16

“Ə̂ ghàyn pamə choze, kə ghàyn ə kosə̂ kyâʼà kə ghɨə kaŋkaŋə nə̂. Ghənə piə pamə ècho, e kosə̂ kyâʼà kə ghɨ fe nə ghənə pamə ècho. M pîə se ghàyn səmɔʼ nə ghənə kàynè kyî mâʼtè ə ghənə̂zè.

Matyò 6:3

Ə ò fo fɨake sê wùə vɛ è kyiŋə, kə ò nəyn nə wùə vɛ ə è nyì paʼsê pî əghò etipì fe.

Matyò 6:5

Ə ghàyn piə tsə̂mə̀, kə ghàyn ə tsə̂mə̀ kə ghɨ ghɛ ə kaŋkaŋə nə̂. Ghənə kɔ̂ŋə̀ sə̂ ndwìə tsə̀mə̀ ə sendɛ sə atsɨ̀yntese tsəməse è kɨsè echo fàfə̀, kə nâʼà pîndè fe ghənə. M tsâ sê ghàyn səmɔʼ nə kyì əghɨ̀ ghɨ̂yn ə kàynè kyî maʼte ə ghənə̂zè ekɨ̂m.

Matyò 7:5

Ghɨ ekaŋkaŋə nə ghɨ̂yn! Fɨse chì kôm ə fekàʼ kɛ ə ghò eshi, ə o nyi kàʼa ò fɛte fe se njiə fɨsê esaʼ ə fe kàʼ zə ànɛ̂ eshi.

Ŋwàʼlè ə̀ Mâk 12:39

kɔ̂ŋə̀ se tsɨsə̂ ə teluʼ te ngaŋtə tɛ te kɔʼnə ə sendɛ sə atsɨ̀yntese, è kɨ̀sə telùʼ tə azhite.

Ŋwàʼlè ə̀ Mâk 7:6

Njisə̀s ə pə̀ynsə̀ ghənə nə, “Ghɨ ghɨ̂yn ə kaŋkaŋa nə̂ nyi. Fɨ̀aʼtè Èsayà tè tsàyn ke nâʼà tomə̀ Fezhə̀ kûmə̀ ghàyn kè kə nyâʼ nə: ‘Ghɨ ghɨynə kɔʼsə̂ kə mi èchoze, pîza njiə va mi kə afɨa.

Tom èchùŋ kè kə Lûk tè nyaʼ 11:41

Ghàyn pɨlə fo fɨsə efɨa vayn vɛ ə ghàyn kyi sê ghɨafɨfə è təm e chûŋə̀, kə naʼapi ghè ə nyi è zoe sê ghàyn.

Tom èchùŋ kè kə Lûk tè nyaʼ 11:43

Ngəʼ èghaʼâ nyi sê ghàyn, ghɨə Falàsîə, kûmə̀ nə ghàyn kɔ̀ŋɔ̀ sə̂ ndùə ə sendɛ sə atsɨ̀yntese, kɔʼɔ tsɨsə̂ kə əshi, fɨnə fɨə ndùə afàf, kɔ̂ŋɔ̀ nə ghɨghe ə nyɨŋə pə̀ tɔŋtə̂ ghàyn.

Tom èchùŋ kè kə Lûk tè nyaʼ 12:33

Ghàyn pəʼle fɨa vaynve ə ghàyn fo kɛ ətəyn sê ghɨ afɨfə. Ghàyn fɛte shəyn saynse kə sə vayn kàʼa ə se pof kə ndəm ghaʼ zɛ ə wùə vâyn kàʼa è zhi mɨ̂sè ətəyn, ə ndəm ekwùtwəyn sê ghàyn, elùʼ vɛ ə wùchɔŋɔ vâyn kàʼa è tayn ətəyn se nji, mə shɔshɔʼve vâyn kàʼa ə ve tayn fu se kwɨlə pofse.

Tom èchùŋ kè kə Lûk tè nyaʼ 12:56

Ghàyn ghɨ ghɨ̀nə̀ ə ghàyn kaŋkaŋa nə̂ ghɛ nyi! Ghàyn ke sə̂ fɨə tyəmə naynə̂ kə àpɨəyn, ghà tsà eghɛ zɛ ə ze nyi se kyàyn, ze ə kyànə̀ kə zâ. Kûmə̀ ghè ə ghàyn fe kê va ghɛ ghɛ ə Zhə̀fè nə̀ zo ə?

Tom èchùŋ kè kə Lûk tè nyaʼ 13:15

Pɛ̂pɛ ə pə̀ynsə̀ nə, “Yey, ghɨə kaŋkaŋa nə̂ ghɨ̂yn! Nâʼà wùə vɛ ə è nyiə ghàyn əfètəyn ə è ndwìə kɔʼɔ etuʼ endaʼ, è və za nyàm ə vəyn se zhə̀yn ə mbàyn se ndùə è zə̂yn elùʼ nə è mɨ môm ə?

Tom èchùŋ kè kə Lûk tè nyaʼ 20:46

“Ghàyn e tɔ̂ʼnə̀ ghâynghə̀ tyə̀ynsè sə alàŋ sɨ̂nə̀. Ghənə nə̂ kɔ̂ŋɔ̀ sə̂ kwîə tsɛ̂ è tàlase, se ghaʼlə̂ kə nyi, ə̂ fɨ ndùə afàf ghɨghe nyɨŋə pə̀ tɔŋtə̂ ghənə, ə̂ ndùə ə sendɛ sə atsɨ̀yntese, ghə kɔʼɔ tsɨsə̂ kə əshi, ə̂ ndùə elùʼ azhi, ghə tè kɔ̂ŋɔ̀ kə se kɔʼɔ tsɨsə̂ elùʼ ə engaŋtəu.

Tom èchùŋ kè kə Lûk tè nyaʼ 6:24

Pîza ngəʼ èghaʼâ nyi sê ghàyn ghɨ èghaʼâ kûmə̀ nə chùŋ zâyn se nyi ke ə ghàyn əgho.

Tom èchùŋ kè kə Lûk tè nyaʼ 6:42

Ò kàʼa ò pi zayn sê ànɛ̂ nə, ‘tyəʼ m fɨse saʼlə̀ fə fe kâʼfè ə ghò eshi,’ mə ò kyi akûm ə gho e shi ə? Ghɨ ekaŋkaŋə nə ghɨ̂yn! Fɨse chì kôm ə fekàʼ kɛ ə ghò eshi, ə o nyi kàʼa ò fɛte fe se njiə fɨsê esaʼ ə fe kàʼ zə ànɛ̂ eshi.”

Njɔyn 13:29

Kə ə̀ tè se ndə̂mə̀ Njondàs èkɛve, chùmtè epàm sə Njisə̀s shîse e sè kwâʼtə̀ kə nə è pìə nə Njondàs zhɔyn fɨa vɛ kə tuʼve zo, ə zhi etuʼ azhi ezaʼa tsɛve ətəyn, ə̀ va zâ ə è və pîə nə è fo kɛve sê ghɨ afɨfghe.

Njɔyn 5:41

M kyiŋə va nə wùə m̀sɔ̀ŋ ə tsîtə̀ Mi.

Njɔyn 5:44

Ghàyn kɔ̂ŋɔ̀ sə̂ fiə ètsîtè sê ngɨŋ saynse, pîza kɔŋə̀ va se fiə etsîtè sê Vɛ È nyì və̂yn mɔ̀ʼ, nyi Fèzhə̀, ə ghàyn ə nyi kàʼa pomə zayn sê Mi ə?

Njɔyn 7:18

Ghɨ ghɛ ə mômsə̀ sə̂ wâmnə̀ ə ghənə atyaʼ nyîə mômsə̀ se kyî epomsê se ngɨŋ sə ghənə̂sè. Pîza vɛ ə è kyiŋə pomsêzè se vɛ ə è tom vəyn nyîə nyi səmɔʼ, mə ghɛ zhîze va ə nyi akaŋ kûmə̀ vəyn.

Ətefɨ̂aʼ 10:2

Kɔ̀nilùs tè nyi wùə chumtə̀ ə̀ghɛ ə Fezhə̀ghè epàm. Vəyn è sas ə ndɛ vəynze ekɨ̂m tè nyîə nə̂ èfɨaʼa Fezhə̀zè. Kɔ̀nilùs tè fo ètsâmtè sê ghɨ afɨfə Njûsghè, fɨnə tsə̂mə̀ sê Zhə̀fè shîŋə̀ tekɨ̂m.

Ətefɨ̂aʼ 10:31

ə pìə sê mi nə, ‘Kɔ̀nilùs, Zhə̀fè ə zɨ tsə̂m zɛze ə fɨnə fe ètsâmtè zɛ ə ò fo sê ghɨ afɨfə.

Ətefɨ̂aʼ 10:4

È və naynə̂ ndûə tsì ə̀təyn kè efàyn efàyn, ə pìə nə, “Pɛ̂pɛ ə̀ nyi ghe?” Tsì nə zɛ ə pə̀ynsə̀ nə, “Zhə̀fè ə zɨ tsə̂m zɛze ə fɨnə fe ètsâmtè zɛ ə ò fo sê ghɨ afɨfə, sè nyi èpɨaʼtêzè se pomə̂ ə etsə̂m zɛze.

Ətefɨ̂aʼ 11:29

Chùmtè èpàm shîse ə se tè nyi fu ə ke ndə̀m nə nâʼà pîndè nyîə kyi se tiynsə̂ etsâmtè sê ghɨpomə ghɛ ə ghe tè nyi apàs endaʼ ə Njòndyâkè kè kə nâʼà pîndè tè kaʼa ə è kyi tayn.

Ətefɨ̂aʼ 24:17

Ə tè nyi kə m tsɛsè pìŋsè setsɨ̀ mə m va ə Njèlusalɛ̀m, mə ndùə fumə kə tom nə m pəyn fo èkɛ sê ghɨ ghɨmə, ə m fɨyn fo èfo se Zhə̀fè.

Ətefɨ̂aʼ 9:36

Ə̀ tè nyi ə Njopà, wùzhɔyn e pomə vîvè e nyi fu, zə vəynze e nyi Tàpità. (Tàpità ewàmnè ə Nglêkzè nyi nə Ndokàs mə ze za tyə̀nə̀ nə fechwi) È tè ndamə nə̂ kə ə̀ghɛ əchûŋə̀ shîŋə̀ tekɨ̂m fɨnə fo ètsâmtè sê ghɨ afɨfə.

Ŋwàʼlè ə̀ Pɔ̂l sê ghɨə Lûmghè 12:8

Wùə vɛ ə fo ə̀ Fèzhə̀ se vəyn nyi nə è və fo ə̀təm sê ghɨghe, e ve nə̂ kə zamə. Nâʼàpî ndè vɛ ə fo ə̀ Fèzhə̀ se vəyn nyi nə fɨake ə ndô ə və gho ndûə sê ghɨ mɔ̀ʼɔghe, è ve fo è təm ə vəynghe əkɨ̂m. Wùə vɛ ə fo ə̀ Fèzhə̀ se vəyn nyi nə è və nyi àtu se ghɨghe, è ve nyi àtu se ghɨə təynghe achûŋ. Wùə vɛ ə fo ə̀ Fezhə̀ se vəyn nyi sə̂ kyi èkosê esəyn sê ghɨghe, ə è və nə̂ zamə è saŋnêzè.

1 Kɔlìŋ 13:3

Ə m kaʼa m fo fɨsə nâʼàpî àkè kɛ m kyi, se fɨnə fo nâʼà ewiyn vɨmve nə ə nyɔʼ, pîza mə m kiva kɔ̂ŋzè, ə zɨnə mə ə nə̂ va chùŋ zhîzè sê mi.

Ngàleshyà 2:10

Ghɛ zɛ ə ghənə tè pi nə ghàs ə nə̂ tè nyi nə ghàs ə kwaʼtə̀ ə̀ghɨ afɨfə ə ghàs ə fètəyn, ə̀ nyi èghɛ zɛ ə m kɔ̂ŋɔ̀ nâʼà sə ŋaŋ sə̂ nə̂.

Ɛfesùs 4:28

Ə nyi mə ə̀ chɔŋɔ pîndè, kə è fɨyn chɔŋ. È pɨl kyi sə̂ fɨ̂aʼà èghɛ è gho vəynghe, kyi àfɨa sə̂ tsâmtə̀ əghɨ mɔʼɔ ghɛ ə ghe kyi va.

1 Tèsàlonikà 2:6

Ghàs tè nə̂ va ghɛ nə ghɨghe ə tsîtə̀ ghàs, ə vachi ghàyn, pî ə̀ghɨ ə mɔ̀ʼɔghe sə̂ pɔmsə̂ ghàs.

1 Timotì 6:18

Pì nə ghənə ə nə̂ ə̀ghɛ chûŋə̀ fɨyn nyi ə̀ghɨ ghaʼâghè tɔynə̂ əghɛ ghɛ ə ghənə nə̂, mɔ̂msə̀ sə fo fɨsə̂, fɨnə chyâtə̀ èfɨa vɛ ə ghənə kyi yî ghɨ mɔ̀ʼɔghe.

Filemùyn 1:7

Ànyì vɨ̂m, kɔ̂ŋ zɛ ə ò kyi sê ghɨə Fezhə̀ è ndom vɛ ə ò nə̂ ghənə e saŋnə̂ ə fo mi ètəmə, ə nə̀ nə mə sɨŋnə̂! O nə̀yn ghɨə Fezhə̀ghè əkɨ̂m e ko kə nâʼà àchûŋ.

Ipilù 13:16

Kə wùə nə lɛ̂sè sə̂ nə̂ eghɛ echuŋzè sê wùə kɨ̀sə sə̂ chyàtə̀ àfɨa kɛ ə è kyi se fo wùə ə̀ mɔʼɔ. Ghɛ nə ghɨnə nyi sê Zhə̀fè kə efo, ghe nə̂ nə fe ə saŋnə̂.

1 Pità 4:11

Ə wùə ndàʼà ghɛ ə Fezhə̀zè, è ve ndàʼà kə nâʼà èghɛ zɛ ə ze ndò pə̂yn sê Zhə̀fè. Ə wùə nyi wufɨ̀aʼa, è ve fɨ̂aʼà è tyaʼ kɛ ə Zhə̀fè fo sê vəyn. Ghàyn e nə̂ kə nyi kə ghɨghe ə tsîtə̀ Fèzhə̀ tɔynə̂ ə Njisə̀s Klâys vɛ ə è kyi pomsêzè è tyaʼke sə teshìŋə̀ tèkɨ̂m. Ə zə nyi ke zamə.