Matyò 5:7 - Ŋwàʼlè ə̀ Fèzhə̀ Mkâyn Mə̂ Fèm

⁷ Pɔsê nyì sê ghɨ ghɛ ə ghe kosə səyn sê ghɨə mɔ̀ʼɔ̂, Zhə̀fè tə kosə̂ èsəyn sê ghənə.

Matyò 5:7 ပူးပေါင်းရင်းမြစ်များ

Ŋwàʼlè ə̀ Mâk 11:25

Ə ò tyəm nâʼà pî ashìŋə̀ àkè se tsə̀m, kyi eghɛ ghâyn wùə, gho lɛ̀sə̀ fo vəyn kə Pɨa vɛo vɛ ə è nyi ekwùtwəyn pɔŋ lɛ̂sè fo sèpi sɛse.

Tom èchùŋ kè kə Lûk tè nyaʼ 6:35

Pîza m piə sê ghàyn nə, ghàyn kɔ̂ŋɔ̀ sèpàyn saynse, nə̂ chùŋ sê ghənə, samsə̂ èfɨa sê ghənə naʼapi ezhoghɛ ə ke va nə ghənə tə kɛsə̂ fo. Ə ghàyn nə̀ zâ, ə mâʼte vaynve tə nə̂ ə və ghaʼa kə nyi, ə ze ə fɨnə tyə̂nə̀ nə ghàyn nyi ke nâʼà əghɔə Fezhə̀ fɛ fe ngaŋte kwəyn kûmə̀ nə fe tɔ̂ʼnə̀ è ghɨ piə è ghɛ ə ghe ndamə fe kê va chùŋ.

Ŋwàʼlè ə̀ Pɔ̂l sê ghɨə Lûmghè 11:30

Sê ghàyn ghɨ ghɛ ə̀ vachi ə̀ghɨ ə Njûsghè, ghàyn tè zɨə tsɛ̂ va Zhə̀fè, pîza zôyn e nyi mə Fə kose səyn sê ghàyn kûmə̀ nə ghɨ Njûsə̀ ə tè tə se zɨ sê Vəyn.

1 Kɔlìŋ 7:25

M pîə èghɛ zôyn se pə̀ynsè eghɛ zɛ ə ghàyn tè pfɨf kûmə̀ ə̀ghɨ ghɛ ə ghe pa tsɨs ndɔ̀ʼɔ malə. M kyi va lâŋkè mə ə̀ tsɛ̀se Pɛ̂pɛ, m pîə kə èghɛ zɛ m̀ kwâʼtə̀ kə wùə ə Pɛ̂pɛ kose səyn sê vəyn ə nə̀ ghɨghe ə samsə̂ vəyn.

2 Kolìŋ 4:1

Zhə̀fè ə Vəyn ekosê esəynze ə fo fɨ̂aʼ zɨ̀yn nə ghâsènì nəyn, kûmə̀ zɨnə mə, ghâsènì kyi ndô təm ə təynghe se nə̀yn efɨaʼ ətəynze.

Ɛfesùs 4:32

Ghàyn e tɔ̂ʼnə̀ fɨnə kosə̂ èsəyn sê ghɨ mɔ̀ʼɔ, lɛ̂sə̀ fo ə̀ghɨ mɔʼɔ kè kə Zhə̀fè tè lɛ̀se fo ghàyn tɔynə̂ ə Klâys.

Kòlosè 3:12

Ghàyn nyi əghɨ ə Fezhə̀ghè, È və tə kɔ̀ŋ ghàyn ə chɔʼɔ ghàyn sə Vəyn əghɨ̀. Ghàyn kyi sə̂ tyə̂nə̀ èsəyn ekoze, tɔ̂ʼnə̀ è ghɨghe, njiə sèngɨŋ saynse ə chi, pɔynə̂, fɨyn kyi ə̀təm.

1 Timotì 1:13

pi kə m tè nyi mə mə wàmnè ghɛ epighe sə mɨ kûmə̀ Vəyn, ə tsə̀fsə̀ Vəyn, ə fɨnə sôylə̀ Vəyn. Pîza Zhə̀fè tè nyîə kyi èkosê esəyn sê mi kûmə̀ nə m tè nyìəm kyi va kyî epomə̂zè, nyiəmə, nə̂ èghɛ nə zɨnə mə kepî va ghɛ zɛ m nə̂.

1 Timotì 1:16

Pîza Zhə̀fè tè tyəyn esəyn ekoze sê mi nâʼà sə ŋaŋ endom kə Klâys Njisə̀s tyəyn mɨ̂sè èwəynsê ewìyn ə Vəynze, endom vɛ ə è lɛ̀sè fo mi, vɛ m nyi fɔ̀yn ə̀ghɛ ə pighe. Zɨnə mə tè nyi se tyə̀yn ə chwìə sê ghɨ ghɛ ə ghe tə̂ pə̂ pomə se Klâys epàm, kə ghɨ nə ghɨnə̀ ə nyi kàʼa kyi ndam zɛ ə ze tə mîə va.

Ipilù 4:16

Ə̀ za nyi eghɛ zɛ ə ze tsɔ̂fə̀ nə ghâsènì maʼa fâynzè ə pəyn paʼsê etipì ə fekyə̂ fə elùʼ efɔ̀yn ə Fezhə̀vè elùʼ vɛ ə fûʼkè nyi. Ə nyì fumə ə ghâsènì nə̀ kyiə kosê esəynze, è fùʼkè, se tsàmtə ghâsènì ashìŋə̀ etsòskè.

Ipilù 6:10

Zhə̀fè nə̀ va m̀nàŋ endom vɛ ə è saʼa ətəyn. Fe vayn kàʼa fe lɛse kɔ̂ŋ zɛ ə ghàyn tyə̀yn sê ghɨ vəynghe è fɨ̂aʼ zɛ ə ghàyn nə̀ se tsàmtè ə ghənə. Ə̀ nyi nâʼà pî zôyn, ghàyn pa fɨ̂aʼà kə za.

Njə̂m 2:13

Kûmə̀ nə shîŋə̀ kɛ ə Zhə̀fè tə piə fe saʼa nâʼàpî ndè vɛ ə è kosə va səyn sê wùə, ə fe tàʼa kosə esəyn sê vəyn; Pîza wùə vɛ ə è kosə səyn sê ghɨə mɔ̀ʼɔ, shîŋə̀ kɛ ə Zhə̀fè tə piə fe saʼa vəyn, ə fe saʼ vəyn èkosê esəynze.

Njə̂m 3:17

Pîza, ghɛ əshi zɛ ə ze nyi kûmə̀ ètɔf eghaʼâ zɛ ə ze ndô pə̂ ekwùtwəyn nyi nə ze nyîə zo, kɔ̂ŋə̀ pɔ̂ynè, pɔynə̂, ndə̂mə̀ ngɨŋə̂ vəyn əchi, kyi ekosê esəyn zɛ ə ze muə twɔm echûŋvè, nə̂ ə̀ghɛ kè eghɨ sê ghɨghe, kaŋkaŋə̂ nə̂ va ghɛghe.

1 Pità 2:10

Ghàyn tè va əghɨə Fezhə̀ sə shi, pîza sè nyi zôyn. Zhə̀fè tè kosə̂ va sə̂yn sê ghàyn pîza sè kosə̂ zôyn nâʼà sə ŋaŋ.