Matyò 5:18 - Ŋwàʼlè ə̀ Fèzhə̀ Mkâyn Mə̂ Fèm

¹⁸ M tsâ sê ghàyn səmɔʼ, kə kwutwəyn è chike tə ndamə zaʼâ pî zàyn, wùə tə kəʼsə̂ va nâʼàpî fèghɛlə̀ fɛ ə fe tətə kwûŋsə̀ əfètə̂ Àlâŋ nə kɛ, ə̀ tsɛ̂ kə va mə ghɛ ə̀kɨ̂m ə kyayn.

Matyò 5:18 ပူးပေါင်းရင်းမြစ်များ

Tom èchùŋ kè kə Lûk tè nyaʼ 16:17

Pîza e tyə̂nə̀ va nə Lâŋ ə Mosîskè ə mi E pɔynə̂ kə wuləke è chia tsɛ, tsɛ̂ kə tyaʼ alàŋ kɛ ə ke tətə kwûŋsə̀ mi.

1 Pità 1:25

pîza ghɛ ə Pɛ̂pɛze tə ndamə faŋə.” Ghɛ ə Fezhə̀ nə zɨnə mə nyi tom èchùŋ zɛ ə tè ndàʼa sê ghàyn.

Ŋwàʼlè ə̀ Mâk 13:30

M pîə sê ghàyn səmɔʼ nə ghâŋ fɨnə zôyn vayn tə kwutə mɨ̂sè ndɔ̀ʼɔ ghɛ nə ghɨnə kyayn nâʼà əkɨ̂m.

Etyə̂yn ə paynsêzè 20:11

Mə ke fe fekyə̀ fə efɔ̀yn fe eghâʼafè, fe fɨfə ndò è wùə vɛ ə è tsɨs ətəyn. Kwutwəyn e chike ə saŋə ə və shi, wùə vîvè ə tàʼa kɛsə tyəmə fe ghənə.

Njɔyn 5:19

Njisə̀s ə ke pə̀ynsə̀ ghənə nə, “M pîə sê ghàyn səmɔʼ nə Vâ Fèzhə̀ vayn kàʼa è nəyn ghɛze sə və ngɨŋ, È nə̀ kə èghɛ zɛ È fe Pɨ̀a e nə̂. Ghɛ zɛ ə Pɨ̀a nə̀, ə̀ nyì kepî zəynze ə Vayn nə̂.

Matyò 17:20

Njisə̀s ə pə̀ynsə̀ nə, “Ə̀ nyi kûmə̀ nə pomə zayn nyiə ndɛnə. M piə sê ghàyn səmɔʼ nə ə ghàyn kyi pomə̂zè, ze ndɛnə pi kə eshi ə ngwàʼ ə mostàzè, ghàyn kàʼa ghàyn pi sê pfɨ̀yn zɨ̂yn nə è ndò fa elùʼ ə è ndu ndom fɛ̂, ə è nəyn ke za. Ə ghɛ zhîze ə tɛ ghaʼa va ghàyn.

Matyò 16:28

M pîə sê ghàyn səmɔʼ nə, ghɨ yiə nyi fâyn mə tə kwu va, ə̀ tsɛ̂ kə va mə ghənə ə fe Vâ wùə è pə̂ è fɔ̂yn ə vəynze ə chi.”

Matyò 13:17

M piə sê ghàyn səmɔʼ nə fɨ̀aʼtè se ghaʼa se tsɨəse è ghɨə Fezhə̀ etsɨə tè nyîə kɔ̂ŋɔ̀ nâʼà sə ŋaŋ se fe əghɛ ghɛ ə ghàyn fe, pîza ə tàʼa fe è kɨsè se zɨ əghɛ ghɛ ə ghàyn zɨə, pîza ə tàʼa zɨ.”

Matyò 10:23

Ə tsɨ̂fsə̂ ghàyn ə tɔ̂ŋ èmɔ̀ʼ, gha tə ndûə ə tə zə mɔ̀ʼɔze. M piə sê ghàyn səmɔʼ nə ghàyn tə nə̂ mɨ̂sə̀ va fɨ̂aʼ zaynze ə setɔ̂ŋ sə Isìlâytè tekɨ̂m ndɔ̀ʼɔ Va Wùə kɛse pəyn.

Matyò 6:2

“E za nyi nə ə ò fo fɨake sê wùə vɛ ə è kyiŋə, kə ò ghaŋsə̂ èwiyn, kèpî kə ghɨ e kaŋkaŋə nəghe ə sendɛ sə Fezhə̀sè è cho tefàfghè nə̀ nə ghɨ ghə fe ghənə. M tsâ sê ghàyn səmɔʼ nə ghɨ nə ghɨ̂yn ə kyi mɨ̂sè mâʼte ə ghənəè.

Matyò 5:26

M pîə sê gho nə, ə e kyàyn zâ, ə ò faŋ ke fu ə ndɛ̂ chaʼ se zaʼâ kə ò ndaʼ mɨ̂sè èkɛ vɛo nâʼà èkɨ̂m.

Njɔyn 21:18

M piə sê ghò səmɔʼ nə, ə̀ tè nyi kə ò pa nyi vayn pɔ, o lafə, ndùə nâʼàpî ghayn kə ò kɔ̀ŋɔ̀. Pîza, ò tə twinə̀, ə ò nə̂ o nɛ̀sə̀ akɔyn kɛke, wùə ə lafsə̂ ghò, ə njiə ndùə è ghò elùʼ, mə ò kɔ̂ŋɔ̀ va.”

Njɔyn 16:23

Shîŋə̀ kɛ ə tuʼfə təynfe tə pə̂, ə ghàyn tàʼa pfɨf afɨa kyîke sê Mi. M tsâ se ghàyn nâʼà səmɔʼ nə, Pɨ̀a Vɨ̂m tə fo nâʼàpî ghè vɛ ə ghàyn pfɨf sê Vəyn ə Mì ezə.

Njɔyn 16:20

M pîə sê ghàyn kè nâʼà səmɔʼ nə, ghàyn nə̀ nə̂ ə chîə nâʼà sə ŋaŋ, mbi e saŋnə̂ kə ndò. Ghàyn nə nə̂ ə nyi è kosê esəyn, pîza ə kosê esəyn zaynze tə kɛse sə esaŋnê.

Njɔyn 14:12

M pîə sê ghàyn səmɔʼ nə, ghɨ ghɛ ə pomə sê Mi nə̀ nə̂ ə̀ghɛ ghɛ M nə̂. Ə nə̂ piə ə̀ghɛ ghe tsɨ̂ə tsɛ ghɛ m nə̂ kûmə̀ nə M ndûə se pɨ̀a

Njɔyn 13:38

Njisə̀s ə pfɨfə nə, “Ò kàʼa ò lote kwu kûmə̀ mi ə? M pîə sê ghò səmɔʼ nə ndom ə̀ mbvɨ nə̀ pîə è tɔŋɔ ndò, mə ò mɛ mi shîŋə̀ teta.”

Njɔyn 13:16

M pîə sê ghàyn səmɔʼ nə wùə èfɨ̀aʼa pâʼà tyəmə̂ tsɛ̂ pɛ̀ èfɨ̀aʼ ə vəyn, ndùətom e tsɛ̀ va wùə vɛ ə è tom vəyn.

Njɔyn 12:24

M pîə sê ghàyn səmɔʼ nə, ə tàʼa zho eshi ə ngwàʼ ə̀ sɔ̀f zə chi nə ze kwu, ə ze faŋ ke sə ngwàʼ. Pîza, mə ə zho, ə ze kwu tsɔ̀fə kə e mu shiə sɔ̀f ə tsɨəghe.

Njɔyn 10:7

Njisə̀s ə pìə kwəynsə̂ nə, “M piə sê ghàyn səmɔʼ nə, Ə̀ nyi Mi cho mbàyn ə se ndzè sə təynse.

Njɔyn 10:1

Njisə̀s ə mɛ̀ ngàyn zhîzè ə pìə nə, “M pîə sê ghàyn kè nâʼà səmɔʼ nə, ə wùə pə̀yn ə zà ècho mbàyn se nji ətəyn ə ndùə kɔʼɔ njiə ndomve elùʼ ə ndôvè, ə è və nyi ke nâʼà wùə èchɔŋɔ.

Njɔyn 8:58

Njisə̀s ə pə̀ynsə̀ sê ghənə nə, “M piə sê ghàyn səmɔʼ nə, ə tè piə piə Aplàghâm mə ‹M nyîə nyi!›”

Njɔyn 8:51

M pîə sê ghàyn səmɔʼ nə, nâʼàpî ndè vɛ ə è nə̀ ghɛ zɛ M zaʼlə, kwuə va.”

Njɔyn 8:34

Njisə̀s ə pìə sê ghənə nə, “M tsâ se ghàyn səmɔʼ nə, nâʼàpî ndè vɛ è nə̀ pi nyi àkɔ̂s sê pi.

Njɔyn 6:53

Njisə̀s ə pìə sê ghənə nə, “M pîə sê ghàyn səmɔʼ nə, ə ghàyn tàʼa zhi ewiyn ə Va Wùəvè, se fɨnə mɨə mndəm mə Və̂ynmè, ə ghàyn sə ghànə ngɨŋ ə kyi va ndam zɛ ə ze tə mîə va.

Njɔyn 6:47

M tsâ se ghàyn səmɔʼ nə, vəyn vɛ è pomə kyi endam mə ze tə mîə va.

Njɔyn 6:32

Njisə̀s ə pìə sê ghənə nə, “M pîə sê ghàyn səmɔʼ nə, ə̀ vachi Mosîs ə è tè fo payn ə kwaŋ kɛ ə ke ndô pə̂yn ekwùtwəyn se ghàyn, ə̀ nyi Pɨ̀a Vɨ̂mvè ə è fo kàyntè àpayn ekwùtwəyn.

Njɔyn 6:26

Njisə̀s ə pə̀ynsə̀ ghənə nə, “M pîə sê ghàyn səmɔʼ nə, ghàyn kyiŋə pə̂ Mi kûmə̀ nə ghàyn tè zhi apayn ə kwaŋke, nâʼàpî ndè ə zhiə kolə, ə̀ vachi kûmə̀ ə̀ghɛ ə kayntə ghɛ M tè nəyn nə ghàyn ə kyiŋə Mi.

Njɔyn 3:11

M pîə sê ghàyn səmɔʼ nə, ghàs wàmnə̀ èghɛ zɛ ə ghàs ke, kɛsə̂ tsâ zɛ ə fe, pîza wùə vîvè ə ghàyn ə fèteyn e kɔ̂ŋə̀ va se pomə̂ tom zâszè.

Njɔyn 3:5

Njisə̀s ə pə̀ynsə̀ nə, “M tsâ sê ghò səmɔʼ nə wùə vayn kàʼa è nji elùʼ efɔ̂yn ə Fezhə̀vè, ə̀ tsɛ̂ kə va mə ə pîə vəyn mmò è kɨsè Zuʼse.

Njɔyn 3:3

Njisə̀s ə pə̀ynsə̀ sê vəyn nə, “M pîə sê ghò səmɔʼ nə, wùə vayn kàʼa è nji elùʼ efɔ̂yn ə Fezhə̀vè ə̀ tsɛ̂ kə va mə ə kɛsê pîə vəyn.”

Njɔyn 1:51

È və pìə sê ghənə nə, “M pîə sê ghàyn ke nâʼà səmɔʼ nə, ghàyn tə fe kə kwùtwəyn chwî, ə tsì sə Fezhə̀sè ə tsɛ̂nə̀ kə nyî kɔʼɔ, tso, tso pə̂ ə Vâ wùə ətu.”

Tom èchùŋ kè kə Lûk tè nyaʼ 23:43

Njisə̀s ə pìə sè vəyn nə, “M pìə se ghò səmɔʼ nə, ghasè ghò nə̀ nə̂ ə nyi ke nâʼà endaʼ echûŋə ə Fèzhə̀ ze ndàyn əmɔʼ.”

Tom èchùŋ kè kə Lûk tè nyaʼ 18:29

Njisə̀s ə pə̀ynsə̀ sê ghənə nə, “M piə sê ghàyn səmɔʼ nə, ə wùə tsɨ̀yn mə è və zà pɨəyn ə vəynke kɨ̀sə ə nyi pî zhwîə vəyn, kɨ̀sə ə nyì pì ə̀ ghɔnyìə, kɨ̀sə ə nyi pi pɨ̀a vəyn è nyiə vəyn, kɨ̀sə ə nyi pi əghɔ vəynghe kûmə̀ eghɛ efɔ̀yn ə Fezhə̀e,

Tom èchùŋ kè kə Lûk tè nyaʼ 18:17

M piə sê ghàyn səmɔʼ nə, ə̀ faŋ pi ndè se pomə efɔ̀yn ə Fezhə̀e kə vayn pɔ, è vâyn tə nji elùʼ efɔ̀yn nə ghâyn.”

Tom èchùŋ kè kə Lûk tè nyaʼ 13:35

Zô nyi, Zhə̀fè ə kyinê tə̀ʼ zâyn. M piə sê ghàyn nə ghàyn tə fɨnə fe va mi ə tsɛ̂ kəva nə ə̀ tə pə̀ etuʼ vɛ kə ghàyn ə pìə ətəyn nə, ‹Pɔsêzè nyì se vɛ ə è pə̀yn ə Pɛ̂pɛ ezə.›”

Tom èchùŋ kè kə Lûk tè nyaʼ 12:37

Ə pɛ̀ èfɨ̀aʼ kɛsə̂ kwɨlə̂ ə fe əghɨ fɨaʼa vəyn nə ghɨyn ghe kyâʼà, ə saŋnêzè ə nyi sê ghənə. M piə sê ghàyn səmɔʼ nə, kè nâʼà vəyn sə və ngɨŋ nəyn, ə ghənə tsɨsə elùʼ e zhiəe, ə è pɨaʼte ngɨŋ ə vəyn ə è tsɛ̂se fɨazhiəe sê ghənə.

Tom èchùŋ kè kə Lûk tè nyaʼ 11:51

se zhə̀tə̀ kə è Apɛ̀l se kɔʼɔ tàyn ə Sàkàlyâ kə ə tè zhwi ə sefɨayle sə alaŋ efo ə ndɛ̂ Fèzhə̀kè. M piə sê ghàyn nə ngwàʼ nə zɨnə mə tə tsâ echo əghənəe sê Zhə̀fè.

Ŋwàʼlè ə̀ Mâk 14:30

Njisə̀s ə pə̀ynsə̀ sê Pità nə, “M pîə sê ghò səmɔʼ nə, ndomə̀mbvɨ nə̀ piə è tɔŋɔ shîŋə̀ tepɛ̀ ètuʼve ndâyn mə o mɛnê Mi shîŋə̀ teta.”

Ŋwàʼlè ə̀ Mâk 14:25

M pîə sê ghàyn səmɔʼ nə m tə fɨnə mɨə va lɨ̀m mèyn se zaʼâ etuʼ vɛ kə m mɨ me fêm elùʼ efɔ̀yn ə Fezhə̀vè.”

Ŋwàʼlè ə̀ Mâk 14:18

Kə ghənə tè tsɨs etûə àlaŋ zhiə, Njisə̀s ə pìə sê ghənə nə, “M pìə sê ghàyn səmɔʼ nə wùə èmɔ̀ʼ ə ghàyn əfètəyn, nə̀ pəʼlə̂ mi, vɛ ghasè vəyn zhiə əmɔʼ.”

Ŋwàʼlè ə̀ Mâk 14:9

M pîə sê ghàyn səmɔʼ nə nâʼàpî ghayn ə ndâʼà tom èchùŋ zɨ̀yn ə mbi, ə tsâ èghɛ zɛ wùzhɔyn vɨnə nə̀yn sə̂ kwâʼtə̀ vəyn.”

Ŋwàʼlè ə̀ Mâk 12:43

Njisə̀s ə tɔŋɔ sèchùmtè èpàm sə vəynse ə pîə sê ghənə nə, “M pîə sê ghàyn səmɔʼ nə, zhwîə kwu àfɨf vɨ̀yn ə fo kɛve, ve tsɨ̂ə tsɛ̂ nâʼà tə ghɨ̀ mkɛ tekɨ̂m.

Ŋwàʼlè ə̀ Mâk 11:23

M pîə sê ghàyn səmɔʼ nə, ə pì pîndè sê pfɨ̀yn èghaʼâ zɨ̀yn nə, ‘Mùʼə ə ndùə tânə̀ ə enjwì ə fengwaŋve,’ pîə za kwaʼtə̀ va ndô, pomə̂ nə ghɛ zɛ ə è pì nə kyânə̀, ə ze kyayn ke kə è pì.

Ŋwàʼlè ə̀ Mâk 10:29

Njisə̀s ə pìə sê ghənə nə, “M pîə sê ghàyn səmɔʼ nə, wùə va ə è zà pɨəyn ə vəynke, kɨ̀sə è zà pî ə̀ghɔ nyìə kɨ̀sə sètsâmtè, kɨ̀sə nyì, kɨ̀sə pɨ̀a, kɨ̀sə əghɔyn, kɨ̀sə mfûʼ kûmə̀ mi è tom èchùŋ,

Ŋwàʼlè ə̀ Mâk 10:15

M pîə sê ghàyn səmɔʼ nə, ə faŋ pîndè se pomə efɔ̂yn ə Fezhə̀vè kə̂ vayn èpɔ, ə è tə tàʼa nji elùʼ efɔ̀yn nə vɨ̂yn.”

Ŋwàʼlè ə̀ Mâk 9:41

M pîə sê ghàyn səmɔʼ nə, nâʼàpî ndè vɛ ə è fo wà mmò nə ghàyn mɨte kûmə̀ nə ghàyn chùmtə̀ mi vayn kàʼa è faŋ se kyî emâʼte ə vəynve.”

Ŋwàʼlè ə̀ Mâk 9:1

Njisə̀s ə fɨnə pîə se ghɨ nə ghɛ nə, “M pîə sê ghàyn səmɔʼ nə, ghɨ yiə tyəm ke nâʼà fayn zôyn, va se tə kwu ndɔ̀ʼɔ fe kə fɔ̂yn ə Fezhə̀vè pə̀yn ètyaʼa.”

Ŋwàʼlè ə̀ Mâk 8:12

Njisə̀s ə tɨ̀mnə̀ nyi ə sɔmə, ə pfɨfə nə, “Kûmə̀ ghè ə ngwàʼ zɨnə kyiŋə se fe chwìə? M pîə sê ghàyn səmɔʼ nə, ghâŋ fɨ̂nə̀ nə fe va chwìə.”

Ŋwàʼlè ə̀ Mâk 6:11

Ghànə ndùə ə tɔ̂ŋ, ə tə nə ə fiə ndzɨsə̂ va ghàyn, ə tə nə ə zɨtə̂ va ghɛ zɛ ə ghàyn pìə, ghànə ndò fumə. Ghàyn pìə ə ndô ndò, ghànə puʼə sètsɨm saynse sê ghənə, se nə̀yn nə ke nə pîə ghənə ə faŋ sê ghənə.”

Ŋwàʼlè ə̀ Mâk 3:28

M pîə sê ghàyn səmɔʼ nə, ə nyi pî pi èkè kə ghɨ nə̂, ə Zhə̀fè lɛ̀se fo ghənə, fɨnə lɛ̀sè fo nâʼàpî èsôylè èkè zɛ ə ze fɨə pə̂ ə ghənə echo.

Matyò 25:45

Ə fɔ̀yn pəynse nə, ‘M pîə sê ghàyn səmɔʼ nə, nâʼàpi zɨ̂yn ə ghàyn tè tə se tsàmtə wùə èmɔ̀ʼ vɛ è chùmtə̀ mi mə è kɔʼnə̂ va, ghàyn tè tə se tsàmtə Mi.’

Matyò 25:40

Ə fɔ̀yn pəynse nə, ‹M pîə sê ghàyn səmɔʼ nə, nâʼàpî ghè vɛ ə ghàyn tè nə̀yn sê wùə èmɔ̀ʼ vɛ è chùmtə̀ mi mə è kɔʼnə̂ va, ghàyn tè nə̀yn sê Mi.›

Matyò 25:12

Ndom ə̀ wùzhɔyn vɛ ə pə̀ynsə̀ kə nə, ‹Ngaŋngaŋ, m keva ghàyn.›”

Matyò 24:47

M pîə sê ghàyn səmɔʼ nə, ə ze kyâyn nyi, ə pɛ̀ efɨaʼ nə vɛ ndəm vəyn nə è və tɔ̂ʼnə̀ è fɨa ə vəyn nâʼà èkɨ̂m.

Matyò 24:2

È və pìə sê ghənə nə, “Kə ghàyn fe ghɛ ghɨ̀yn ə̀kɨ̂m nyi, m pîə sê ghàyn səmɔʼ nə chi zhîze tə faŋə va etûə zə mɔ̀ʼɔze, ə tə pɨytə̀ maʼà tsosə̂ nâʼà ghəynghe əkɨ̂m.”

Matyò 23:36

M pîə sê ghàyn səmɔʼ nə ə̀ nyi feghâŋ fɨnə zôyn ə tsôs vɨnə tə tso ə ghənə ə tu kûmə̀ èzhwi zɨ̀yn nâʼà èkɨ̂m.”

Matyò 21:31

Njisə̀s ə pfɨfə sê wùə èshyə̀ èngaŋtə nə, Ə̀ nyi nde ə ghɔyn ghɨ̂yn əfètəyn ə̀pɛ̀ ə è nə̀yn ghɛ zɛ pɨ̀a tè kyiŋə ə? Ghənə pə̀ynsə̀ nə, “Ə nə̀yn və shi.” Njisə̀s ə ke pì sê ghənə nə, “M pîə sê ghàyn səmɔʼ nə, ghɨ ghɛ ə ghe tənə tâksè è kwàlàvè tə njiə elùʼ efɔ̂yn ə Fezhə̀vè sə ghàyn sə shi.

Matyò 21:21

Njisə̀s ə pə̀ynsə̀ sê ghənə nə, “M piə sê ghàyn səmɔʼ nə, ə ghàyn kyi pomə̂zè mɛnə̂ chîəva ndô, ə ghàyn ə nyi se kàʼa ghàyn nəyn ghɛ zɛ ə m nə̂yn sê kâʼ fə sèfîk fɨ̂nə̀ ə fɨyn pi nâʼà sê pfɨ̀yn èngaŋtə zɨ̂nə̀ nə, ‘Mùʼə ə ndùə tânə̀ ə enjwì ə fengwaŋve,’ ə è nəyn ke kə ghàyn pì.

Matyò 19:28

Njisə̀s ə pìə sê ghənə nə, “M pîə sê ghàyn səmɔʼ nə, nyì se tə pə̀yn, kə Va Wùə tə nə̂ ə è və tsɨs əfekyə̀ fə efɔ̀ynfè ə Vəyn mkɔʼnè, ə ghàyn njòse pɛ̀ ghɛ ə ghàyn chûmtə̀ mi pɔŋ tsɨsə ə mkyə̀ mə̂ efɔ̀ynə̀m ə saʼa tètâŋ tə Isìlây tɨ̂nə̀ njòse pɛ̀.

Matyò 19:23

Njisə̀s ə ke pì sê chùmtè èpàm sə vəynse nə, “M pîə sê ghàyn səmɔʼ nə, e tə nə̂ ə zə tɛ nâʼà sə ŋaŋ sê wùə èghaʼâ se nji elùʼ efɔ̂yn ə Fezhə̀vè.

Matyò 18:18

M pîə sê ghàyn səmɔʼ nə, nâʼàpî ghè vɛ ə ghàyn pomə ə chi, ə pomə̂ ekwùtwəyn, ə fo àtyaʼ nâʼàpî sê ghè ə chi, ə fo kepî zamə ekwùtwəyn.

Matyò 18:3

ə pìə nə, “M pîə sê ghàyn səmɔʼ nə, ə̀ tsɛ̂ kə va mə wùə ə kwiynê ndam ə vəyn sə̂ nyi ke kə vayn vɨ̂nə̀, è vayn kaʼa è tə nji elùʼ efɔ̀yn ekwùtwəynve.

Matyò 11:11

M piə sê ghàyn səmɔʼ nə wùə paʼà tyə̂m pə̂ nyi fâ chi tsɛ̂ Njɔyn Fo M̀mò, pîza naʼapi vɛ è tətə kwûŋsə̀ elùʼ efɔ̀yn ə Fezhə̀vè nə̂ tsɛ̂ vəyn.

Matyò 10:42

Ghàyn ke səmɔʼ nə ə̂ fo pîndè wà m̀mò èsanə sê wùə èmɔ̀ʼ əfètə̂ ə̀ghɨ̀ ghɨ̀yn kûmə̀ nə è nyi chùmtè èpàm zɨ̂mè, pî vɛ ə va wùə èghaʼâ, è kyi se kyî emaʼtè ə Fezhə̀vè.”

Matyò 10:15

M pîə sê ghàyn səmɔʼ nə ə̀ tə nə̂ ə nyi etuʼ ə saʼe, ə Zhə̀fè chwite kosê esəyn ghaʼâzè sê tɔ̂ŋ ə̀ Sondòm è ghɨə Ngòmolà tsɛ̂ kə Fe chwîtə̀ sê ghɨə tɔ̂ŋ nə ghɨ̂nə̀.”

Matyò 8:10

Kə Njisə̀s tè zɨ ghɛ zɛ ə è pì, choze ə zomə vəyn. È və pìə sê ghɨ ghɛ ə ghe tè kwiə ə vəyn epàm nə, “M piə sê ghàyn səmɔʼ nə, m pâʼà nyìəm fe wùə ə Isìlây, è kyi èkyî epomə̂ zɨ̂yn.

Matyò 6:16

“Ə̂ ghàyn pamə choze, kə ghàyn ə kosə̂ kyâʼà kə ghɨə kaŋkaŋə nə̂. Ghənə piə pamə ècho, e kosə̂ kyâʼà kə ghɨ fe nə ghənə pamə ècho. M pîə se ghàyn səmɔʼ nə ghənə kàynè kyî mâʼtè ə ghənə̂zè.

Tom èchùŋ kè kə Lûk tè nyaʼ 4:24

È və pìə nə, M piə sê ghàyn səmɔʼ nə, ə ndamə fiə va fɨ̀aʼtè ə Fèzhə̀ elùʼ vɛ ə è fɨ ətəyn.