Matyò 5:16 - Ŋwàʼlè ə̀ Fèzhə̀ Mkâyn Mə̂ Fèm

¹⁶ Kèpî endom nə vɨ̂nə̀ mə, payn zaynze kyi sə̂ panə ə ghɨə ghə shi, kə ghənə fe ə̀ghɛ echûŋ ghɛ ə ghàyn nə̀, tsîtə̀ Pɨ̀a vâyn vɛ ə è nyi ekwùtwəyn.

Matyò 5:16 ပူးပေါင်းရင်းမြစ်များ

Matyò 23:5

Ghənə nə̂ ə̀ghɛ kè se tyə̀yn ewiyn. Ghənə kolə̂ m̀puʼlə̂ mə m̀ ghaʼa ndò ə ghənə echo àtu è kɨsè ə ghənə tekɔyn mə nyàʼ ndiŋə̀ mə̂ ŋwàʼlə̀ Fèzhə̀m ətəyn. Ghənə nə̂ kəpî èpɨ̂aŋ ə sendzɨs vɛ ə kə̂ etuə sèsàŋ nə və tyaflə̀ tsɛsə̀

Matyò 23:9

Mə ghàyn kyi kepî va se tɔŋtə̂ wùə fa əchi nə, ‘Pɛ̂,’ kûmə̀ nə ghàyn kyi ke Pɨa emɔ̀ʼ, ə pɨ̀a vâyn mə È nyi ekwùtwəyn.

Matyò 5:45

Ə ghàyn nə̀yn zamə, ə ghàyn ə nyi ə̀ ghɔ pɨ̀a vâynvè ekwùtwəyn. Kûmə̀ nə È nə̀ nə chwìə Vəyn ə panə sê ghɨ piə è ghɨ echûŋə̀ kè eghɨ, fo èghol sê ghɨ ghɛ ə nə̂ chùŋ è ghɛ ə nə̂ pi kè eghɨ.

Matyò 6:16

“Ə̂ ghàyn pamə choze, kə ghàyn ə kosə̂ kyâʼà kə ghɨə kaŋkaŋə nə̂. Ghənə piə pamə ècho, e kosə̂ kyâʼà kə ghɨ fe nə ghənə pamə ècho. M pîə se ghàyn səmɔʼ nə ghənə kàynè kyî mâʼtè ə ghənə̂zè.

Matyò 6:9

Ə̀ vɨnə nyi endom vɛ kə ghàyn ə tsə̂mə̀ ətəyn: Zhə̀fè, Pɨ̀a vâs vɛ ə è nyi ekwùtwəyn: Ə kɔʼsêzè ə nyi èzə zɛze,

Matyò 9:8

Ghɨghe ə fe za fâynzè ə ko ghənə. Ghənə ə zhə̀tə̀ se tsìtə Fèzhə̀ Fɛ ə Fe fo tyaʼa sê ghɨə nə ə nə̂ ə̀ ghɛ ghɨ̀yn.

Tom èchùŋ kè kə Lûk tè nyaʼ 11:2

Njisə̀s ə pìə se ghənə nə, ghàyn piə tsə̂mə̀ ndò ghàyn piə nə: Pɛ̂, nə ə ghɨ ghe ə kɔʼsə̂ è zə zɛ nə ə fe fɔ̂yn vɛ ve

Njɔyn 15:8

Ə nə̀ fe èpomsê ə Pɨ̀a vɨ̂mzè ə ghàyn mu twɔmve setsɨ̀. Ə zɨnə mə nəyn ə ghà ə nyi sèchùmtè èpàm sɨmse.

Ətefɨ̂aʼ 9:36

Ə̀ tè nyi ə Njopà, wùzhɔyn e pomə vîvè e nyi fu, zə vəynze e nyi Tàpità. (Tàpità ewàmnè ə Nglêkzè nyi nə Ndokàs mə ze za tyə̀nə̀ nə fechwi) È tè ndamə nə̂ kə ə̀ghɛ əchûŋə̀ shîŋə̀ tekɨ̂m fɨnə fo ètsâmtè sê ghɨ afɨfə.

1 Kɔlìŋ 14:25

kûmə̀ nə tom ə Fezhə̀ ə nə̀yn ghɨghe ə kê ə̀ghɛ ghɛ ə ghənə tè nyi mə ə ndə̀tè ə ghənə ə fèteyn ə̀təm. Nyiəmə, ghənə tə tɨmə ə̀ ndzɨs ə ngɨmnə̂ Fèzhə̀ pîə nə, “Zhə̀fè nyîə ndɨŋ nyi ə ghàyn ə fètəyn.”

2 Kolìŋ 9:13

Fɨ̂aʼ nə zɨ̂nə̀ ə ghàyn nə̂ nyî tyə̂nə̀ ə̀təm əchûŋ ghɛ ə ghàyn kyi sê ghɨ, fɨnə nə̂ nə ghɨə tsɨəghe ə fo epomsê se Zhə̀fè kûmə̀ nə ghàyn ə ndə̀m təm ghaynghe ə tom èchùŋ ə̀ Klâys zɛ ə ghàyn ndàʼà, è kɨsè nə ghàyn nyîə chyâtə̀ èfɨa, fo ghənə, fɨnə fo ə̀ghɨ əmɔ̀ʼɔghe.

Ngàleshyà 1:24

Zɨnə ə nə̀ ghənə e tsîtə̀ Fezhə̀ kûmə̀ mi.

Ɛfesùs 2:10

Ghâsènì nyi efɨaʼ ə Fezhə̀ zə ghoze. Fe fɛtə̂ ghâsènì tɔynə̂ ə Klâys Njisə̀s nə ghâsènì nə ndamə èndam echûŋ zɛ ə è tè se nyi mə è və tè pɨaʼtê ndəm nə ghâsènì ə ndamə.

Ɛfesùs 5:8

Ghàyn nyi nyî mə ghàyn tè nyì kepî əfètə̂ àpɨəyn efɨma nyi kə ghɨ nə ghɨyn, pîza sè nyi zôyn mə ghàyn ə nji əfètəyn èpayn ə Pɛ̂pɛ. Ghàyn e ndamə kə əghɔyn epanə.

1 Tèsàlonikà 2:12

fo ghàyn təm ə tɛghe, pɔsə̂ ə̀təm ghaynghe, pîə kwəynsə̂ kə ndò nə ghàyn ə ndamə endom vɛ ə Zhə̀fè kyiŋə, ə Fèzhə̀ fɛ ə fe tɔŋə ghàyn nə ghàyn ə nyi ə̀ghɨ ə vəyn elùʼ efɔ̀yn, è kɨsè ə vəyn epomsê.

1 Timotì 2:10

Ə ghənə pɨlə fɛtə̂ sengɨŋ sə ghənə̂sè è ghɛ ə chûŋ ghɛ ə ghənə nə̂, kûmə̀ nə ə̀ nyi eghɛ echûŋzè se zəyn ghɛ ə nyi mə ə pomə Zhə̀fè sə̂ nə̂.

1 Timotì 5:10

ghɨghe ke nə è kyi ndô ndam echûŋzè, mə è və tɔ̀ʼnè kɔʼ pəyn è ghɔ vəynghe, fɨnə fiə ə̀ghɨ ə motə pə kè nâʼà àchûŋ. Ə̀ kyi sə̂ nyi wùə mə è nyiə tsâmtə̀ ə̀ghɨ ə poməghe ə mndômnə̀ mndômnə̀ se tyə̀yn engɨmnê, fɨnə tsâmtə̀ əghɨ ghɛ ə ghe kyi tsôstè. Ə̀ kyi sə̂ nyi wùə mə è və fo ngɨŋə̂ vəyn sə̂ nə̂ chùŋ.

1 Timotì 5:25

E za nyi kepî èghɨ kə ghɨ nə̂ chùŋ, è zâŋsə̀ panə ə ndayn, mə è tàʼa payn nâʼàpî ashìŋə̀ nə kɛ, ə ze ə tɛ kə ə ndəte chùŋ ə̀təyn.

1 Timotì 6:18

Pì nə ghənə ə nə̂ ə̀ghɛ chûŋə̀ fɨyn nyi ə̀ghɨ ghaʼâghè tɔynə̂ əghɛ ghɛ ə ghənə nə̂, mɔ̂msə̀ sə fo fɨsə̂, fɨnə chyâtə̀ èfɨa vɛ ə ghənə kyi yî ghɨ mɔ̀ʼɔghe.

Taytùs 2:14

È və tə fo ngɨŋ ə vəyn se sɔ̀sè ghâsènì ə sepi sekɨ̂m, se fɨnə nə̀yn nə ghâsènì zo kwəyne sə̂ nyi ə̀ghɨ vəyn ghə ngɨŋghe, mə ə fo ngɨŋ sə ghənə̂sè sə̂ nə̂ èfɨaʼ echûŋzè.

Taytùs 2:7

Nâʼàpî eghɛ èkè zɛ ə ò nə̀, ò kyi sə̂ nə̂ endom echûŋvè kə ghɨ əmɔ̀ʼɔghe kaʼa ə ghe səyne sê ghò. Ə nâʼàpî èghɛ èkè zɛ ə ò nə̀, ə ze ə tyə̂nə̀ nə ghɛ zɛ ə ò zaʼlə nyîə kyi èkɔʼnê, ə̀ nyi èghɛ mə ə̀ vachi èshî.

Taytùs 3:14

Ghɨ ə ghasènìghe kyi se zaʼlê sə̂ nə̂ ə̀ghɛ əchûŋə̀, mə ghənə tsâmtə̀ ə̀ghɨ fo èfɨa vɛ ə ghənə ndɨŋə lâʼà. Ə ghənə nə̂ nyî, ə ghənə kyi ndam zɛ ə ze muə twɔmve.

Taytùs 3:4

Pîza, shîŋə̀ kɛ ə Zhə̀fè mə ə̀ za nyi Sɔ̀zà tè tyəyn tɔʼnè ə vəynze, è kɔ̂ŋ ə Vəynze,

Ipilù 10:24

Ə ghâsènì ə tsâmtə̀ sèngɨŋ sə ghasènìse se tyə̀n ekɔ̂ŋ, nə̂ chùŋ.

1 Pità 2:12

Ghàyn e ndamə tèndam techûŋtè kə ghɨ ghɛ ə ghàyn ndamə ə ghənə fètəyn, ghənə e ke va Zhə̀fè nə kaŋa ghâmə̀ pî ghàyn, ə ghənə tə fe kê ə̀ghɛ ghayn ghe chûŋghè ə fetuʼ fɛ ə Zhə̀fè tə kɛsə pə̂ se saʼ, ə ghənə ə tsîtə̀ Fèzhə̀.

1 Pità 2:9

Pîza, sê ghàyn, ghàyn nyi əghɨ kə Zhə̀fè chɔʼ ndəm. Ghàyn nyi əghɨ ə kɔʼsə nə eshyə̀ghè ə ndɛ̂ Fèzhə̀, fɨ̂aʼà sê Zhə̀fè mə è nyi fɔ̀yn. Ghàyn nyi endaʼ əghɨ̀ eŋwaʼaze. Ghàyn nyi kàyntè əghɨ̀ ə Fezhə̀ ghɛ ə è chɔʼ nə ghàyn ə ndâʼà ə̀ghɛ kayntə ə Fezhə̀ fɛ ə Fe tè tɔŋɔ fɨsê ghàyn ə fètəyn àlɨm ə njìə ndzɨsə̂ ghàyn ə fètəyn èpayn ekayntə ə vəynze.

1 Pità 3:1

Zənə ghàyn pɔŋ tsosê sèngɨŋ saynse əchi sə̂ zɨə sê ndom ghaynghe. Ə ghàyn nə̀ nyi, ə ndam techûŋ taynte kaʼa ə te nəyn ə ndom ghayn ghɛ ə ghe tàʼa nyìəmə pomə, kwiyne təm ə ghənə̂, ə pomə sê Zhə̀fè ndɔ̀ʼɔ ghàyn fɨyn pi pî èghɛ sê ghənə,

1 Pità 3:16

Ə ghàyn piə nə̂ nyi, ghàyn e nə̂ è təm əzo, kə nâʼàpî ghə ndè ghɛ ə ghənə wâmnə̀ wâmnè te pite kûmə̀ èndam èchùŋ zayn zɛ ə ghàyn kyi kə ghɨ ghɛ ə ghe chùmtə̀ Klâys, nə ghomə̂ ə ghɛ ghɛ ə ghənə pîə.

1 Pità 4:11

Ə wùə ndàʼà ghɛ ə Fezhə̀zè, è ve ndàʼà kə nâʼà èghɛ zɛ ə ze ndò pə̂yn sê Zhə̀fè. Ə wùə nyi wufɨ̀aʼa, è ve fɨ̂aʼà è tyaʼ kɛ ə Zhə̀fè fo sê vəyn. Ghàyn e nə̂ kə nyi kə ghɨghe ə tsîtə̀ Fèzhə̀ tɔynə̂ ə Njisə̀s Klâys vɛ ə è kyi pomsêzè è tyaʼke sə teshìŋə̀ tèkɨ̂m. Ə zə nyi ke zamə.

1 Pità 4:14

Ə ghɨ sôylə̀ ghàyn kûmə̀ nə ghàyn nyi sechùmtè sə Klaysè, ghàyn e saŋnə kə ndò kûmə̀ nə zɨ̂nə mə tyə̂nə̀ nə Zuʼsə Fezhə̀ sɛ ə se kyi tyaʼke nyîə nyi è ghàyn.