Matyò 5:1 - Ŋwàʼlè ə̀ Fèzhə̀ Mkâyn Mə̂ Fèm

¹ Kə Njisə̀s tè fe nɔ̂yn ə ghɨ̀ vɛ, ə kɔʼɔ ə pfɨ̀yn ə tsɨsə̂ fumə. Chùmtè epàm sə vəynse ə zùŋtə̀ ə və ngwùŋ.

Matyò 5:1 ပူးပေါင်းရင်းမြစ်များ

Matyò 13:2

Ghɨ ghɛ ghe tè pə̀yn fu tè tsɨ̀ə tsɛ̂sə̀ ndò. Zɨnə mə ə nə̀ Vəyn è və njiə ə ngwùʼ èghaʼâ ə tsɨsə̂ ətəyn, nɔ̂ynkè ə tyəmtə̂ etipì zɨtə̂ sê Vəyn.

Matyò 15:29

Njisə̀s ə ndò fumə ə ndùə èndomve etipîə ènjwì ə Ngalìlîvè. Ə kɔʼɔ ètwɔ̂ŋ ə tsɨsə̂ əchi.

Matyò 4:25

Zɨnə tè nə̂yn nɔ̂yn e tsɨəve ə fɨə ə Ngalìlî, ə fɨə epɨ̀as ə Setɔ̂ŋvè eghɨm, ə fɨə ə Njèlusalɛ̀m, ə fɨə ə Njòndyâ è pâs endaʼ kɛ ə ke tè nyi engyinə̂ tsô Njondàyn ə chùmtə̀ Vəyn.

Matyò 5:2

È və zhə̀tə̀ sè zaʼlə̂ ghənə pîə nə:

Ŋwàʼlè ə̀ Mâk 3:13

Fumə ashìŋə̀ Njisə̀s ə kɔʼɔ ndûə èndomve etûə pfɨ̀yn, ə tɔŋɔ ə̀ghɨ ghɛ ə è kyiŋə, ghə pə̀ sê vəyn.

Ŋwàʼlè ə̀ Mâk 3:20

Njisə̀s ə nə̀ kwɨlə̂, ghɨghe ə fɨnə pə̀ ə zûŋtə̀ ə vəyn ə ngwùŋ tsɨ̂ə kə nyî, shîŋə̀ ke sè va kə yî chùmtè èpàm sə vəynse zhi fɨake.

Ŋwàʼlè ə̀ Mâk 4:1

Njisə̀s ə nə̀ fɨnə zhə̀tə̀ se zaʼlê əghɨ etipì enjwì ə Ngalìlîvè, nɔ̂yn ə ghɨ̀kè ə pə̀, ə kyìŋə̀ ka vəyn, è və fe zâ ə njiə tsɨsə̂ ə ngwùʼ èghaʼâ əfètə̂ tsò, ghɨghe ə tyəmə̂ ka ə etipìə tsô.

Tom èchùŋ kè kə Lûk tè nyaʼ 6:12

Njisə̀s ə kwɨlə̂ ə kɔʼɔ ə pfɨ̀yn tuʼfîfe ə pɨənə tsə̂mə̀ kə sê Zhə̀fè nyiə, tuʼve ə zo.

Tom èchùŋ kè kə Lûk tè nyaʼ 6:17

Njisə̀s ə kɛsə̂ tso ə pfɨ̀yn nə zɛ yî ghənə ə tyəmə elùʼ epa paʼsə̂ è nɔ̂yn ə sechùmtè epàm sə vəyn shise, se tsɨə kə nyi. Nɔ̂yn ə ghɨ̀kè e nyi kepî fu ghaʼa kə nyi mə ghe fɨ pə̀yn ke tâŋ tekɨ̂m ə Njòndyâ, è Njèlusalɛ̀m, ghɨə mɔ̀ʼɔ̂ ghe e nyi kepî fu mə ghe fɨ pə̀yn ə Tayà è Sindɔ̀n ətelùʼ mə te nyi paʼse ə etipì ə tso èghaʼâ.

Tom èchùŋ kè kə Lûk tè nyaʼ 6:20

È və naynə̂ ndùə sèchùmtè èpàm sə vəynse ə piə sê ghənə nə: “chùŋ nyì sê ghàyn ghɛ ə pɔylə kûmə̀ nə chùŋ ə̀ èfɔ̂yn ə Fezhə̀e kyi ghàyn.

Tom èchùŋ kè kə Lûk tè nyaʼ 9:28

Ə̀ tè se kɔʼɔ ndùə m̀tuʼ mfamə kə Njisə̀s wàmnè ghɛ nə ghɨ̂nə̀, è və njiə Pità, è Njɔyn, è Njə̂m, yî ghə̀ ghənə ə kɔʼɔ ə pfɨ̀yn se tsə̀m.

Njɔyn 6:15

Njisə̀s tè nyîə ke nə ghənə tè nyì ke epɨaʼtêzè se kyiə Vəyn se nə̀yn nə è və nyi fɔ̀yn sə atyaʼ, È və fɨnə ndô kɔʼɔ ə pfɨyn kè və̂yn nɨŋ.