Matyò 3:2 - Ŋwàʼlè ə̀ Fèzhə̀ Mkâyn Mə̂ Fèm

² “Ghàyn kəmne ə ghànə sepi, kûmə̀ nə fɔ̂nə Fezhə̀ və paʼsê.”

Matyò 3:2 ပူးပေါင်းရင်းမြစ်များ

Matyò 10:7

Ghàyn ndu, ke kə ghàyn ndùə, ghàyn è ndaʼà nə, ‘Fɔ̂yn ə Fezhə̀vè ə paʼsê’

Matyò 11:20

Ghɨ ə setɔ̂ŋ sɛ ə Njisə̀s tè nə̂ ghɛ kayntə tsɨəghe ətəyn tè pâʼà kə̀mnè ə ghənə sepi. Njisə̀s e sè zɔ̂ sê ghənə,

Matyò 12:41

Ə̀ tə nə̂ ə nyi etuʼ ə saʼe, ə ghɨ Ninevìə ndwite ə te shyə̀ paʼsə̂ kə è ghâŋ fə mbi fɨ̂nə̀. Ghənə tə tyəmə̂ sètsɛ̀ sə saʼ sɛ ə setə nə̂ nə ghâŋ fə ghɨ̀ fɨ̂nə̀ pfɨ saʼ kûmə̀ nə kə Njonà tè ndàʼa tom ə̀ Fèzhə̀ sê ghɨ Nenevìə, ghənə ə pə̀ynsə̀ ə̀təm ə ghənə̂ ghe piə. Pîza, wùə nə̂ nyi fayn zôyn mə è nyiə tsɨ̂ə tsɛ Njonà pîza ghàyn zɨtə̂ va sê vəyn.

Matyò 13:11

Njisə̀s ə pìə sê ghənə nə, “Zhə̀fè fo ghàyn ètyaʼa nə ghànə ke ə̀ghɛ e ndətə efɔ̀yn ekwùtwəynə, pîza ə tàʼa fo atyaʼ nə kɨ̂yn se ghɨ mɔ̀ʼɔ.

Matyò 13:24

Njisə̀s ə mɛ̀ ngàyn ə̀mɔ̀ʼɔ̂ nə, “Fɔ̂yn ə Fezhə̀e nyì kepî kə wùə vɛ ə è zho ngwàʼ èchùŋ ə və afùʼ,

Matyò 13:31

Njisə̀s ə mɛ̀ kwəynsə̂ ngàyn ə̀mɔ̀ʼɔ̂ sê nɔ̂yn kɛ nə, “Fɔ̂yn ə Fezhə̀e nyi kepî kə feshîlə̀ fə ngwàʼ ə̀ fèkàʼ fîfe ə tɔŋtə nə mostà kə wùə njìə è və zho ə və afùʼ.

Matyò 13:33

Njisə̀s ə fɨnə mɛ̀ ngàyn zhîzè sê ghənə ə pìə nə, “Fɔ̂yn ə Fezhə̀e nyi kepî kə fèsə̀ʼ ə wùzhɔyn njî, è və fɨ̀aʼsə̀ m̀pfɨ̂ŋ mə kwaŋə̀m kàŋə̀mè m̀ta è və fiyəsə ətəyn m̀ mə kɔʼɔ tsɨ̂ə kə nyî.”

Matyò 13:47

Njisə̀s ə mɛ̀ kwəynsə̂ ngàyn ə̀mɔ̀ʼɔ̂ nə, “Fɔ̂yn ekwùtwəyn fɨyn nyi kepî kə fèlàm ezhoghɛ wùə màʼ ə tsô ə ko tèkyì tə embwɔ̀tè ətəyn kè tekɨ̂m.

Matyò 13:52

È və pìə sê ghənə nə, “E tyə̀nə̀ nə nâʼà pî tyə̀ynsè àlâŋ èkè vɛ ə è pə̀yn sə chùmtè èpàm efɔ̀yn ekwùtwəynve nyi kə pɛ̀ ndɛ vɛ è njìə fɨsə fɨa efe è ve mɨve elùʼ vɛ ə è ndə̀mə̀ vəynve.”

Matyò 18:23

Ə̀ nyi zama kə ze nyi efɔ̀yn ekwùtwəyn. Zhə̀fè saʼa kə fɔ̀yn vɛ ə È tɔŋɔ ghɨ vəynghe fɨaʼa se naynə andàŋ kɛ ə ghənə kyi sê vəyn pɛ̀ èfɨa.

Matyò 20:1

Njisə̀s ə mɛ̀ ngàyn nə, “Fɔ̂yn ə Fezhə̀vè nyì kepî kə pɛ̀ àfùʼ vîvè ə è tè pɨs fɨ se ndùə kyiŋə əghɨ nə ghe səʼ fɨaʼ ə və afùʼ etwɔmke.

Matyò 22:2

“Ə kaʼa ə səyne fɔ̂yn ə ekwùtwəyn è fèmɛngâyn fə fɔ̀yn vîvè ə è tè pɨaʼte zhi ə malə̂zè sê va vəyn ve ndômə̀.

Matyò 23:13

Njisə̀s ə pìə sê tyə̀ynsè sə alàŋsè è ghɨə Falàsîə nə, “Ghàyn ghɨnə ə ghàyn kaŋkaŋa nə̂ nyî, ngəʼ èghaʼâ nyi sê ghàyn! Ghàyn fìnə̀ èchondɛ elùʼ efɔ̀yn ekwùtwəynve nə kə ghɨə nji. Mə ghàyn è ngɨŋ saynse vayn kaʼa nji, za va nə ghɨ mɔ̀ʼɔ ghɛ ə kyiŋə se nji nə nji.

Matyò 25:1

Njisə̀s ə fɨnə mɛ̀ ngàyn zhîzè nə, “Shîŋə̀ kɛ ə Vâ wùə tə pə̂, fɔ̂yn ə ekwùtwəyn tə nə̂ ə və nyi kə sengɔ̀yn sèghɨm ə se tè nji lâmsə ghənə̂sè ə fɨə ndûə zâ ndomə̀ wùzhɔyn.

Matyò 25:14

Njisə̀s ə fɨnə mɛ̀ ngàyn zhizè ə pìə nə, “Fumə ashìŋə̀ fɔ̂yn ekwùtwəyn tə nə̂ ə və nyi kepî kə wùə vîvè ə è tè kyiŋə se ndù ekwî ə tɔŋɔ̂ ə̀ghɨ fɨaʼa ə vəynghe ə ndə̀mə̀ nə ghənə naynə̂ èfɨa vəynve.

Matyò 4:17

Se zhə̀tè ashìŋə̀ kɛ ə Njisə̀s tè ndùə Ngalìlî, ə zhə̀tə̀ se ndàʼà tom ə̀ Fèzhə̀ pîə nə: “Ghàyn kəmne ə ghànə sepi, kûmə̀ nə fɔ̂yn ə Fezhə̀ və paʼsə̂.”

Matyò 4:23

Njisə̀s ə ndò kwîə ka tè ndaʼà tèkɨ̂m endaʼa Ngalìlîzè zaʼlə̂ èghɛ ə Fezhə̀zè ə se ndɛ sə atsɨ̀yntese, kɛsə̂ ndâʼà tom èchùŋ kûmə̀ èfɔ̂yn nə Fezhə̀vè. È tè tsuʼə əghɨ ezafə əkɨ̂m è kɨsè kyì tə tezaf tɛ ə te tè nyi ə ghənə fètəyn.

Matyò 5:10

Pɔsê nyì sê ghɨ ghɛ ə chɔʼɔ gholə ghənə̂ghè kûmə̀ nə ghənə nə̂ èghɛ zɛ ə Zhə̀fè kyiŋə, Fɔ̂ynə̂ Fezhə̀zè nyì sê ghənə.

Matyò 5:3

Pɔsê nyì sê ghɨ ghɛ ə fɨfə ə sezuʼ, kûmə̀ nə fɔ̂yn ekwùtwəynve nyi sê ghənə.

Matyò 6:10

ə tyaʼ kɛke fɔ̀ynkè pəyn nji eluʼ, ə ghɨ ghɛ ə ghe nyi ə chi ə nə̂ ə̀ghɛ ghɛ ə Ò kɔ̀ŋə̀ kè eghɨ kə nə̂ ekwùtwəyn.

Matyò 6:33

Pîza, ghàyn nayne chi ə̀ghɛ efɔ̂yn ə Fezhə̀e sə shi ə ghàyn nəyn ghɛ ghɛ ə Zhə̀fè kyiŋə nə ghàyn nəyn. Ə ghàyn nə̀yn nyiə mə, ə Zhə̀fè nə fo fɨa mɔ̀ʼɔve nâʼà ekɨ̂m se ghàyn.

Ŋwàʼlè ə̀ Mâk 1:15

pîə nə, “Shîŋə̀ kə kwəyn fɔ̂yn ə Fezhə̀ və paʼsê. Ghàyn kwiyne təm ghaynghe piə ə pomə̂ tom èchùŋ zɨ̀yn.”

Ŋwàʼlè ə̀ Mâk 1:4

Njɔyn tè fɨ endaʼ ashishize fo m̀mo sê ghɨ ndàʼà tom ə̀ Fèzhə̀ pîə nə “ghàyn kwiyne təm ghaynghe ə fi môm kə Zhə̀fè lɛse fo sèpi saynse.

Ŋwàʼlè ə̀ Mâk 6:12

Ghənə ə fɨə, zaʼlə̂ nə ghɨə kwiyne ə ghənə ə sepi.

Tom èchùŋ kè kə Lûk tè nyaʼ 1:16

È tə nə̂, ə ghɔ Isìlây ghe kɛse pəyn sê Pɛ̂pɛ Zhə̀ fə ghənə̂fè.

Tom èchùŋ kè kə Lûk tè nyaʼ 11:20

Ə̀ fo Fèzhə̀ è tyaʼa nə mə chûmə̀ fɨsə̂ tèpamə̂ tə satàyn nə tɨ̂yn. E za tyə̀nə̀ nə fɔ̂yn ə Fezhə̀vè ə pə̀yn sê ghàyn.

Tom èchùŋ kè kə Lûk tè nyaʼ 13:3

E va chi za nâʼà səkɔs, pîza m piə sê ghàyn nə, ə ghàyn tàʼa pə̀ynsè ə təm ghaynghe ghɛ ə pi ghaynghe, ə ghà əkɨ̂m tə njìsè kepî zâ.

Tom èchùŋ kè kə Lûk tè nyaʼ 13:5

e va chi zâ nâʼà səkɔs, pîza m piə sê ghàyn nə, ə ghàyn tàʼa pə̀ynsè ə təm ghaynghe ə ghɛ ə pi ghaynghe, ə ghàyn əkɨ̂m tə njìsè kèpi zâ.”

Tom èchùŋ kè kə Lûk tè nyaʼ 15:10

M piə sê ghàyn nə, ə wùə èpi emɔ̀ʼ pə̂ynsè təm ə vəynghe ə kɛse ndùə sê Zhə̀fè, tsì sə vəynse esaŋnə̂ kəpi zâ.”

Tom èchùŋ kè kə Lûk tè nyaʼ 15:7

M piə sê ghàyn nə, e tə nə̂ ə ze ə nyi kepî za ekwùtwəyn. Saŋnêzè tə nə̂ ə ze ə nyi ekwùtwəyn kûmə̀ wùə èpi emɔ̀ʼ vɛ ə è pə̀ynsə̀ təm ə və, ə kɛsə̂ pə̀ sê Zhə̀fè tsɛ̂ kə ze nyi kûmə̀ ə̀ghɨ m̀ghɨm m̀pɔləmɔ̀ʼ njòse pɔləmɔ̀ʼ ghɛ ə ghe kwàʼtə̀ nə ghe fɨyn kyi va se pə̀ynsè ətəm.”

Tom èchùŋ kè kə Lûk tè nyaʼ 16:30

È və piə sê Aplàghâm nə, ‘Ngâŋngaŋ ə Pɛ, ə wùə pɨl ndò endaʼ ə ghɨchi fâyn ə kɛsə̂ ndùə sê ghənə, ə ghənə kwiyne təm ə ghənə ghe piə.’

Tom èchùŋ kè kə Lûk tè nyaʼ 21:31

E za nyi kepî eghɨ kə ghàyn tə fe ghɛ nə ghɨyn kə ghe kyânə̀. Ə ghàyn fe, ghàyn ə kê nə fɔ̂yn ə Fezhə̀e se paʼsə̂ ndò.

Tom èchùŋ kè kə Lûk tè nyaʼ 24:47

ə fɨyn kyi sè zhə̀tə ə Njèlusalɛ̀m sè tsà eghɛ ə Fezhə̀zè ə vəyn ezə, nə ghɨə kwiyne təmə kə Pɛ Zhə̀fè lɛse fo sèpi sə ghənə̂sè.

Tom èchùŋ kè kə Lûk tè nyaʼ 6:20

È və naynə̂ ndùə sèchùmtè èpàm sə vəynse ə piə sê ghənə nə: “chùŋ nyì sê ghàyn ghɛ ə pɔylə kûmə̀ nə chùŋ ə̀ èfɔ̂yn ə Fezhə̀e kyi ghàyn.

Tom èchùŋ kè kə Lûk tè nyaʼ 9:2

ə tiynsə̂ ghənə nə ə fɨ ndù ndàʼà əghɛ kûmə̀ èfɔ̂yn ə Fezhə̀e ə fɨyn tsuʼ əghɨ ghɛ ə zafə.

Ətefɨ̂aʼ 11:18

Ə pə̀ kə ghɨ Njûsə̀ zɨte ghɛ zɛ ə Pità pì, ghənə tàʼa fɨnə piə pofsê eghɛ kûmə̀ vəyn, ə zhə̀tə̀ tsîtə̀ Fèzhə̀, “Ghənə tè piə nə, ghâsènì ə fe nə Zhə̀fè ə pɔŋ fo kèpi ndom sê ghɨ ghɛ ə̀ vachi ə̀ghɨ ə Njûsghè nə ghənə kwiyne ə za ghɛ epiə ghənə ə kɛse pəyn se Zhə̀fè, ə kyi ndam zɛ ə ze tə mîə va.”

Ətefɨ̂aʼ 17:30

Zhə̀fè ə ndə̀m nə Fe vayn kàʼa Fe fo ngəʼ sê wùə ə mtuʼ mɛ ə wùə tè keva Vəyn, pîza sè kânə̀ nâʼà pi sê ndè nâʼà pi ghayn zôyn nə è kwiyne təmə ə vəynghe piə.

Ətefɨ̂aʼ 2:38

Pità ə pə̀ynsə̀ sê ghənə nə, “Nâʼà ghàyn ə̀kɨ̂m kwiyne təm ghaynghe ə ghɛ ə pi, ə ghàyn fi môm se tyə̀yn nə ghàyn ə pomə sê Njisə̀s Klâys kə Zhə̀fè lɛse fo ə̀ghɛ ə pi ghaynghe, ə È fo ghàyn è fo ə Vəynze, mə za nyi se Zuʼse Ŋwaʼase.

Ətefɨ̂aʼ 20:21

Mə tè fo fɨ̀as sê ghɨə Njûsə̀ è ghɨ ghɛ ə̀ tè vachi ə̀ghɨ ə Njûsghè nə ghənə kwiyne təm ə ghənə̂ ghe piə, ə pəyn sê Zhə̀fè, ə pomə sê Pɛ̂pɛ Njisə̀s.

Ətefɨ̂aʼ 26:20

Se ndò famə, mə nyaʼâ se ndàʼà ə tom èchùŋ, se zhə̀tè endaʼ ə Ndàmaskùsè se nduə fɨ ə Njèlusalɛ̀m, ə fɨnə kəmnə̀ ndûə apàs endaʼ ə Isìlâykè akɨ̂m è pâs endaʼ ə ghɨ̀ gha ə̀ tè vachi ə̀ghɨ ə Njûsghè nâʼà àkɨ̂m.

Ətefɨ̂aʼ 3:19

M pîə sê ghàyn nə, ghàyn kwiyne təm ghanə ə ghàyn əghɛ ə pighe, ə ghàyn kɛse pəyn sê Zhə̀fè, kə Fe shu tsɨ̂sè ə̀ghɛ pi ghaynghe.

2 Kolìŋ 7:10

Ə wùə fe ngəʼ endom vɛ ə Zhə̀fè kyiŋə ətəyn, ə è kwiyne ndam ə vəynze pize, ə è kyi sɔzaze. Ə ze nyi nyî, ə ghɛze ə va kə è və komə̂ èwiynve ətəyn. Pîza ə wùə fe tsôsvè mə ə̀ nəyn mbi, ə ve nəyn nə è pɨl kwu ndô.

Kòlosè 1:13

È və fɨsê ghâsènì etyə̂ àtyaʼ ə alɨma, ə pə̀yn è ghâsènì əfètəyn efɔ̀yn ə Vâ vəyn vɛ ə è kɔ̀ŋə̀.

2 Timotì 2:25

chisə ə̀ghɨ ghɛ ə ghe kəmnə ghɛ zɛ ə è pìə è pɔ̂ynè, ke nə Zhə̀fè nə̀ nə̂ ə ghənə kwiyne ə pəyn se kê səmɔʼ.

Ipilù 6:1

E za tyə̀nə̀ nə ghâsènì kyi se zà ezaʼlê ə shi zɛ ə tè zaʼle sê ghâsènì kûmə̀ Klâys se njiə ndù əfètəyn èzaʼlê e ghəʼnəze. Kə ghâsènì faŋ ke əghɛ ə əshi sə̂ zaʼlə̂ kə nə ghɨ kwiyne təmə ə ghɛ epiə kə ghe pə̂ è kwue ə pomə Zhə̀fè,

2 Pità 3:9

Pɛ̂pɛ zɔlə va se nə̀yn eghɛ zɛ ə è tsɨ̀nə̀ kə ghɨə mɔ̀ʼɔ kwâʼtə̀. È pɨlə kolə kə ndò təmghe è ghàyn, kyiŋə va nə nâʼà wùə emɔ̀ʼ njise, pîza nə nâʼàpî ndè kəmne ə vəyn ə sepi.

Etyə̂yn ə paynsêzè 2:21

Mə tè fo shîŋə̀kè nə è kwiyne təm ə vəynghe ə è za pisə vəynse pîza è ve è kwiynse.

Etyə̂yn ə paynsêzè 2:5

Kwàʼte ndom vɛ ə ò tè nyi ətəyn sə shi tsɔ̀fə kə ò pfɨ ə kə̀mnə̀ ə ghò ə sepi ə kɛsə̂ fɨaʼà kè kə ò tè fɨ̀aʼa səshi. Ə ò tàʼa nə̀yn nyi, ə m pəyn nji tsɨ̂sè kɛke nə àfɨa kɛ ə tomə lâm etuə ə̀təyn elùʼ vɛ ə ke nyi.