Matyò 3:1 - Ŋwàʼlè ə̀ Fèzhə̀ Mkâyn Mə̂ Fèm

¹ Ə shɨŋ nə zɛ, Njɔyn Foə m̀mò ə ndùə elùʼ endaʼ ashəshəze ə Njòndyâ ə zhə̀tə̀ sə̂ ndàʼà ə eghɛ ə Fezhə̀zè. È tè ndàʼa pîə nə,

Matyò 3:1 ပူးပေါင်းရင်းမြစ်များ

Matyò 11:11

M piə sê ghàyn səmɔʼ nə wùə paʼà tyə̂m pə̂ nyi fâ chi tsɛ̂ Njɔyn Fo M̀mò, pîza naʼapi vɛ è tətə kwûŋsə̀ elùʼ efɔ̀yn ə Fezhə̀vè nə̂ tsɛ̂ vəyn.

Matyò 11:7

Kə chùmtè èpàm sə Njɔynse kɛsə ndô, Njisə̀s ə zhə̀tə̀ sə̂ wâmnə̀ sê nɔ̂yn ə ghɨ kɛ kûmə̀ Njɔyn. È və pfɨfə sê ghənə nə, “Kə ghàyn tè ndù sê Njɔyn endaʼ ashəshəze, ghàyn tè kwàʼtə se fe ghe fumə? E sɛ̂ əfekàʼè ə ze nə̂ʼə̀ ashìŋə̀ kɛ ə fofa tsɛ̂ mə?

Matyò 16:14

Ghənə ə pə̀ynsə̀ nə, “Yîghe pîə nə ò nyi Njɔyn Fo M̀mò, yîghe e pîə nə ò nyi fɨ̀aʼtè Èlanjà, yîghe e pîə nə ò nyi fɨ̀aʼtè Njèlìmayà, polə za ə ò nyi kepî wùə èmɔ̀ʼ əfètə̂ sè fɨ̀aʼtè.”

Matyò 21:32

M pîə nyî kûmə̀ nə Njɔyn Fo M̀mò tè pə̀yn sê ghàyn tyə̂nə̀ èndom echûŋ vɛ kə ghàyn chumte, ghàyn ə tàʼa pomə̂ se vəyn, Pîza, ghɨ ghɛ ə ghe tənə tâksè è kwàlàvè ə pomə̂. Pî kə ghàyn tè fe zɨnə mə, ghâ tàʼa kwiynê, ə tàʼa pomə̂ se vəyn.”

Matyò 3:8

Ghàyn nəyn ghɛ ghɛ ə ghe nə̀ chwîtə̀ nə ghàyn ə kə̀mnè ə ghànə sepi.

Ŋwàʼlè ə̀ Mâk 1:15

pîə nə, “Shîŋə̀ kə kwəyn fɔ̂yn ə Fezhə̀ və paʼsê. Ghàyn kwiyne təm ghaynghe piə ə pomə̂ tom èchùŋ zɨ̀yn.”

Ŋwàʼlè ə̀ Mâk 1:2

Tom èchùŋ ə̀ Fèzhə̀ nə zɨnə̀ zhə̀te kè kə Fɨ̀aʼtè Èsayà tè nyàʼ nə: “Zhə̀fè tè pi nə, ‘Fekə, m tə tomə ndùətom vɨm ə è nduə ə ghò shi ə è fɛte ndom vɛve.’

Tom èchùŋ kè kə Lûk tè nyaʼ 1:76

Sê ghò, ə vayn vɨ̂m, ə tə tɔŋtə̂ ghò nə fɨ̀aʼtè èghaʼâ ə̀ Fèzhə̀ fɛ fe ngaŋte kwəyn kûmə̀ nə ò tə nə̂ ə ò ndùə əshi, fɛtə̂ endom, Pɛ̂pɛ e pə̂ ə ghò epàm,

Tom èchùŋ kè kə Lûk tè nyaʼ 7:24

Ndùətom sə Njɔyn nə sɛ ə kɛsə̂ ndô, Njisə̀s ə zhə̀tə̀ sè wàmnə̀ sê nɔ̂yn ə ghɨ nə kɛ kûmə̀ Njɔyn, pfɨfə nə, “Ghàyn tè ndù ə achi ezoma se fe ghe fu ə? Ghàyn tè ndù se fe wùə, è nəʼə̀ kə fesɛtə̂ ezhoghɛ fofa tsɛ̂ mə?