Matyò 24:3 - Ŋwàʼlè ə̀ Fèzhə̀ Mkâyn Mə̂ Fèm

³ Njisə̀s ə kɔʼɔ ə pfɨ̀ynə̀ Sèolìfs ə tsɨsə̂ ə chi. Chùmtè èpàm sə vəynse ə nyaʼtə̂ pə̂ se Vəyn ə pîə nə, “Tsàyn sê ghàs shîŋə̀ kɛ ə ghɛ ghɨ̀nə tə kyânə̀ ətəyn.” “Ə̀ tə nə̂ ə nyi chwìə èkè nə Ò pə̀ ndò è kɨsè nə mbi mîə ndò ə.”

Matyò 24:3 ပူးပေါင်းရင်းမြစ်များ

Matyò 13:36

Kə Njisə̀s tè ndo za ànɔ̂yn ətəynke ə njiə ə ndɛ, chùmtè èpàm sə vəynse ə pə̀ sê vəyn ə pìə nə, “È tsayn sê ghənə ghɛ zɛ ə ngàyn èwə̂yn epive tè tyə̀ynə.”

Matyò 13:49

Ngàyn zɨ̀nə tyə̀ynə kə kwùŋse ə̀ mbi tə pə̂ ə è zə nyi. Tsìsè tə pə̂ ə se chitê fɨsê ə̀ghɨ piə əfètə̂ ghɨə chichighe,

Matyò 15:12

Kə È tè pî zɨnə mə, chùmtè èpàm sə vəynse ə pə̀ ə vəyn etipì ə pìə sê vəyn nə, “Ò vɛ ò ke nə ghɨə Falàsîghə nyɔ̂ʼsè tɔŋe eghɛ zɛ ò wàmnè ə?”

Matyò 16:27

Kûmə̀ nə Va wùə se nyi ke se pə̀yn ə pɨ̀a vəyn epomsê è tsì sə vəynse. Ə nyì fumə ashìŋə̀ ə è nə̀ mâʼtə̀ nâʼà pîndè tɔynə̂ efɨ̀aʼ zɛ è nyi mə è və nə̀yn.

Matyò 16:28

M pîə sê ghàyn səmɔʼ nə, ghɨ yiə nyi fâyn mə tə kwu va, ə̀ tsɛ̂ kə va mə ghənə ə fe Vâ wùə è pə̂ è fɔ̂yn ə vəynze ə chi.”

Matyò 17:19

Chùmtè èpàm sə Njisə̀sè ə nyaʼtə̂ pə̀ se vəyn ə pfɨfə nə, “Kûmə̀ ghè ə ghàs tè vayn kaʼa chum fɨsê tèpamə̂ tə satàyn tə təyn tə?”

Matyò 21:1

Kə Njisə̀s yî chùmtè èpàm sə vəynse tè ndù paʼsə̂ ə Njèlusalɛ̀m, ə pə̀ ə tə̀ʼ ə Petfàs ə pfɨ̀yn ə Sèolìf ə tomə sèchùmtè èpàm sə vəynse sepɛ̀,

Matyò 24:27

kûmə̀ nə pə ə Va ə̀ wùəzè tə nə̂ ə ze ə nyi ke kə eghol emɨayntəze ə ze panə awulə apàs ə mbike se nduə fɨ ə tə kə mɔ̀ʼɔke.

Matyò 24:30

Epàm ətəyn, ə chwìə epə̂ ə Vâ wùəzè fɨ ekwùtwəyn, əghɨ tèndâʼà tə mbite nâʼà tèkɨ̂m ə nuŋnə̂ chîə è fâynzè ashìŋə̀ kɛ ghənə fe Vâ wùə, e tso pə̀ etuə sèmbàʼ ekwùtwəyn, kyi àtyaʼ epomsê eghaʼâzè.

Matyò 24:37

Pə Vâ Wùəzè tə nə̂ ə zə nyi ke kə eghɛ zɛ ə ze tè kyâyn ə Nuwà ashìŋə̀.

Matyò 24:39

Ghənə tè pâʼà ke ghɛ zɛ ə ze kyânə̀ se kɔʼɔ zaʼâ ashìŋə̀ kɛ ə mô mə ègholə̂m tè tso ə lwiynsə̂ mbi ə ndiŋsə̂ maʼà ghənə əkɨ̂m. Ə̀ nyì kepî nyiə mə kə ze tə pə̂ ə zə nyi ezhoghɛ ə Vâ wùə pə̀yn.

Matyò 24:43

Ə pɛ̀ ndɛ ke shîŋə̀ kɛ ə wùə èchɔŋɔ nyi se pə̀yn ətəyn etuʼve, ə è tàʼa pɨəyn, ə è kyaʼ pɨ̂əyn ə è və pfɨ̂tə̀, nə kə è pəyn kəm ndɛ̂ vəyn.

Matyò 28:20

Ghàyn zaʼle kepî ghənə nə ghənə chûmtə̀ nâʼà ə̀ghɛ ə̀kɨ̂m ghɛ m pî nə ghâyn ə nə̂. Ghàyn e ke nə m nə nyi ghasè nyì shîŋə̀ tekɨ̂m, se zaʼâ kə mbi tə mi.”

Tom èchùŋ kè kə Lûk tè nyaʼ 21:7

Ghənə pfɨfə sê vəyn nə, “Tyə̀ynsè, ghɛ nə ghɨnə tə kyànə̀ etuʼ ə ghe? ke tə piə ke zhə̂tə̀ se kyàyn, ə chwiə ə nyi ghè?”

Ətefɨ̂aʼ 1:7

Njisə̀s ə pə̀ynsə̀ sê ghənə nə, “Ghàyn kyi va tyaʼa se kê ashìŋə̀ kɛ ə ghɛ nə ghɨnə tə kyânə̀ ətəyn. Ə̀ nyi Pɨ̀a kə È kyi tyaʼke se pɨaʼtê ashîŋə̀ è tuʼ fɛ ə nâʼàpî èghɛ èkè kàʼaze tə kyayn.

Ipilù 9:26

Ə ze tè nyi za, mə Klâys ə tə zɨ ngəʼ sə teshɨ̀ŋə̀ te tsɨəte se zhə̀tə pə̀yn ashìŋə̀ kɛ ə tè pom mbi. Pîza zôyn kə pìŋ sə ekwuŋsə sə mbi sɨynəse sè paʼsə pə̂, è və pə̀yn shîŋə̀ ze mɔ̀ʼ se nə̀yn nə ə lese fo sèpi sə ghɨ̀sè mə è fo ə ngɨŋə̂ vəyn sə efo.