Matyò 22:3 - Ŋwàʼlè ə̀ Fèzhə̀ Mkâyn Mə̂ Fèm

³ Ə tomə ə̀ghɨ fɨaʼa ə vəynghe nə ghe ndu tsayn se ghɨ ghɛ ə tè tɔŋə fumə ə malə̂, pîza ghɨ ətəynghe ə tə nə ghe pə̂ va.

Matyò 22:3 ပူးပေါင်းရင်းမြစ်များ

Matyò 21:34

Shîŋə̀ ə kwiə ke ə kwəynə, è və tomə ə̀ghɨ vəyn ghe fɨaʼa nə ghənə ndu pi sê ghɨ fɨaʼa ghɛ ə è tè fo fûʼ nə kɛ sê ghənə nə ghe fo və vəyn nə etwɔm.

Matyò 23:37

Njisə̀s ə fɨnə wàmnə̀ ə pìə nə, “Wêy!, ghàyn ghɨə Njèlusalɛ̀mə̀, ghàyn zhwitə̂ sèfɨ̀aʼtè, ghàyn tɨmnə̂ zhwiə ə̀ghɨ ghɛ ə Zhə̀fè tom sê ghàyn è chiə! Mə mɔ̀msè səteshiŋə̀ ə teshìŋə̀ se zùŋtə ghàyn nyiə kə nyìə mbvɨ nə̂ è zɨtə̂ ə̀ghɔyn ə vəynghe etyə̀ tèghɛ̀, pîza ghàyn ghɛ tə ke ndô!

Matyò 3:2

“Ghàyn kəmne ə ghànə sepi, kûmə̀ nə fɔ̂nə Fezhə̀ və paʼsê.”

Matyò 9:15

Njisə̀s ə pə̀ynsə̀ ghənə è ngàyn nə, “Ghɨ ghɛ ghe pə̂yn elùʼ ezhiə nə malə̂vè kàʼa ghə chîə zàyn ndom ə̀ wùzhɔyn e pa nyi yî ghə̀ ghənə? Ze vayn kyàyn! Tuʼve tə pə̂, ə nji tsɨ̂sè ndom ə̀ wùzhɔyn ə̂ ghənə əfètəyn. Ə̀ tə nə̂ ə nyi fumə fetuʼ kə ghənə pam choe.”

Tom èchùŋ kè kə Lûk tè nyaʼ 13:34

Wêy, ghàyn ghɨ Njèlusalɛ̀m ghɨyn ə ghàyn zhwiə fɨ̀aʼtè seghaʼâsè nyi, tɨmnə̂ zhwitə əghɨ ghɛ ə tom sê ghàyn! Mə mɔ̀msè kè səndô səndô se zùŋtè ə ghàyn kə̂ nyiə mbvɨ nə̂ è zùŋtə̀ əghɔ vəynghe etîə tèghɛ̀, pîza ghàyn ghɛ ə tə kendô!

Tom èchùŋ kè kə Lûk tè nyaʼ 15:28

Vayn vɛ ə nyɔʼsə̀ kə ètɔŋ ə tə nə e fɨnə njiə va apɨəyn. Pɨ̀a vəyn ə fɨnə ndùə sè chyatə̂ vəyn.

Tom èchùŋ kè kə Lûk tè nyaʼ 19:27

Sê pàyn sɨmse sɛ ə se kyîə tə nə kə ə fo tyaʼa nə mə saʼa ghənə zâ, ghàyn nji pə̀yn è ghənə, ə zhwite ke ə mìə shi fayn.›”

Njɔyn 5:40

Pîza, ghàyn e kɔ̂ŋə̀ va se pə̀yn se Mi kə ghàyn ə kyî èndam zɛ ə ze tə mîə va.

Ətefɨ̂aʼ 13:45

Pîza ghɨ Njûs yîghe ə fe kə nɔ̂yn ətəynke tè tsɨ̀ə, ghə̀ʼkè ə kyîə ghənə nâʼà sə ŋaŋ. Nâʼàpî èghɛ èkɛ zɛ ə Pɔ̂l tè pìə, ghənə e piə kə nə ə̀ nyi akaŋ, pîə ə̀ghɛ epighe ə vəyn wìyn.

Ŋwàʼlè ə̀ Pɔ̂l sê ghɨə Lûmghè 10:21

Pîza Èsayà tè wàmne kûmə̀ ə̀ghɨ ə Isìlâyghè nə Zhə̀fè pi nə, “Mə nɛ̀sè gho ghɨmə sə fetuʼ fe fɨ̂flèfè ə tɔŋɔ ə̀ghɨ nə ghe pəyn, ghənə tə se zɨə mi. Ghənə ə tɛ ètuke ə kɛsə̂ ə mì epàm.”

Ipilù 12:25

Ghàyn e tɔ̂ʼnə̀ kə wùə sê ghàyn nə tə se zɨtê sê vəyn vɛ ə è wàmnə̀. Ghɔ Isìlây ghè ə tè tə se zɨtê sê wùə vɛ ə è tè pəyn è tom ə̀ Fèzhə̀ fa mbi, zamə ə tàʼa faŋ se tsosə ghənə. E za tyə̀nə̀ nə ə ghâsènì ke tə se zɨə kyə̀ wùə vɛ ə è ndo ekwùtwəyn, ə ghâsènì tə kyî ètsôs ə və tsɨə tsɛ̂ və ghənə̂vè.

Ipilù 9:15

Ə̀ za nyi eghɛ ze ə Klâys nyi wùə vɛ ə è pɨaʼte kâyn me fɛ̂m se nə̀yn nə ghɨ ghɛ ə Zhə̀fè tɔŋɔ kyi pɔsê endamə faŋə zɛ ə fe tsɨ̂nè. E nyi nyî kûmə̀ nə Klâys ə tə kwu se sɔza əghɨ ə sepi sɛ ə ghənə tè nə̂ ə shɨŋ zɛ ə kàyn mə èmɨmè tè pa kyi àtyaʼ.

Etyə̂yn ə paynsêzè 22:17

Zuʼse yî Zhwìə ndom pi nə, “Pə.” Naʼapi ndè vɛ ə è zɨ ghɛ zɨ̂nə̀ kyi kepî ndò se pì nə, “Pə.” Ə pfɨ̀ŋ m̀mò zuʼsə nâʼàpî ndè e kyiŋə se mɨ mmo, è və pə̀ fiə m̀mo mɛ ə m̀ fo ndamze, ə mɨə səndô.