Matyò 2:23 - Ŋwàʼlè ə̀ Fèzhə̀ Mkâyn Mə̂ Fèm

²³ È və ndùə sè ndamə ə tɔ̂ŋ zhîzè e tɔŋtə̂ nə Nazalɛ̀t. Ghɛ zɛ ə Zhə̀fè tè pi tɔynə̂ ə sèfɨ̀aʼtè nə: “Ə tə kê vəyn kə wùə ə Nazalɛ̀t ə pə̀ səmɔʼ.”

Matyò 2:23 ပူးပေါင်းရင်းမြစ်များ

Ŋwàʼlè ə̀ Mâk 1:24

piə nə, “Ò kyiŋə ghè sê ghàs ə Njisə̀s və Nazalɛ̀t, ò pə̀yn se pofsə̂ ghàs mə? M ke ndô ghò nâʼà àchûŋ. Ə̀ nyì ghò wùə vɛ ə Zhə̀fè tom ò nyi èŋwaʼze.”

Matyò 26:71

Kə è wàmnè mɨ̂sè zâ, ə ndò fɨə ndùə endom fumə echo àpɨəyn ə saʼke. Vâyn èzhɔyn èfɨaʼa ə̀mɔ̀ʼɔ̂ ə fɨnə fe vəyn ə pìə sê ghɨ ghɛ ə ghe tè nyì fu nə, “Wùə vɨ̀nə tè nyì yî Njisə̀s vɛ ə è ndò endaʼa Nazalɛ̀tzè.”

Matyò 1:22

Ghɛ nə ghɨ̂yn ə̀kɨ̂m tè kyàynə nyî se lwiynse əghɛ ghɛ ə Zhə̀fè tè tsayn tɔynə̂ ə fɨ̀aʼtè Vəyn nə,

Ətefɨ̂aʼ 24:5

Ghàs ə tè fe nə wùə vɨ̀nə nyi wùə ə̀ ngəʼ, səʼə̀ ngəʼ əghɨə Njûs ghə fètəyn kè mbi èkɨ̂m. Ə̀ nyi vəyn ètuke se nɔ̂yn əghɨ̀ ə Nazalɛ̀tkè

Ətefɨ̂aʼ 2:22

Pità ə pìə kwəynsə̂ nə, “Ghàyn ghɛ ə ghàyn nyi əghɨ ə Isìlây, ghàyn zɨte ghɛ zɛ m kyiŋə se pì. Njisə̀s tè nyi wùə ə Nazalɛ̀t mə Zhə̀fè ə tyə̀yn ə ndayn sê ghàyn nə Fə tom Vəyn. Fe nəyn nyi endom nə Njisə̀s tè nə̂ əghɛ ə kayntəghe, tyə̂nə̀ sèchwìə sə ghɛse se tyə̀nə̀ nə ə̀ nyi Vəyn vɛ ə Zhə̀fè tom. Ghàyn, è ngɨŋ saynse nyîə fɛte ke ə̀ghɛ nə ghɨ̂yn nâʼà ə̀kɨ̂m, kûmə̀ nə ghe tè kyàynə ə ghàyn əfètəyn.

Njɔyn 19:19

Paylɛ̀t ə nyàʼà apàŋ afɨake nə, “Njisə̀s və Nazalɛ̀t, ə fɔ̀yn ə̀ ghɨ̀ə Njûsə̀” ə payntə̂ àpâŋ afɨa ətəynke ə Vəyn etuə awâmnè.

Njɔyn 18:7

Njisə̀s ə fɨnə pfɨfə sê ghənə nə, “Ghàyn kyiŋə ndè?” Ghənə ə pə̀ynsə̀ kə nə, “Njisə̀s və Nazalɛ̀t.”

Njɔyn 18:5

Ghənə pə̀ynsə̀ nə, “Ghàs kyiŋə Njisə̀s və Nazalɛ̀t.” È və pìə sê ghənə nə, “M vɨnə̀.” Njondàs vɛ ə è tè pəʼle Vəyn è tyəm kepî fumə yî ghə̀ ghənə.

Tom èchùŋ kè kə Lûk tè nyaʼ 2:39

Njosɛ̀f yî Mèli ə mɨ̀sè naʼapi ghè kè kə saʼa Pɛ̂pɛze tè tyə̀nə ə kɛsə̂ kwɨlə̂ ə ghənə̂ tɔ̂ŋ ə Nazalɛ̀t ə Ngalìlîe.

Tom èchùŋ kè kə Lûk tè nyaʼ 1:26

Ə̀ tè nyi kə Ɛ̀lisapɛ̀t se nyi èndwɔ̂ sə senjɔŋ se tufə, Zhə̀fè ə fɨnə tomə tsì ə̀ vəyn Ngapɨ̀lɨyà, nə è ndu ə tɔ̂ŋ zhîzè ə Ngalìlîe, e tɔŋtə̂ nə Nazalɛ̀t,

Matyò 21:11

Nɔ̂yn ə ghɨ̀ kɛ ə pə̀ynsə̀ kə nə, “Ə̀ nyi Njisə̀s ə fɨ̀aʼtè vɛ è ndò ə tə̀ʼ ə Nazalɛ̀t apàs endaʼ ə Ngalìlîkè.”

Ŋwàʼlè ə̀ Mâk 1:9

Ə tè nyi kepî mtuʼ nə mɛmə, Njisə̀s ə ndò ə Nazalɛ̀t apàs endaʼa Ngalìlîkè ə ndùə, Njɔyn ə fo m̀mo sê vəyn ə tsô Njondàyn.

Tom èchùŋ kè kə Lûk tè nyaʼ 18:37

Ə piə sê vəyn nə ə tsɛ̀ Njisə̀s, ə vâ wùə Nazalɛ̀t.