Matyò 2:11 - Ŋwàʼlè ə̀ Fèzhə̀ Mkâyn Mə̂ Fèm

¹¹ Ghənə ə njiə ndûə ə ndɛ. Kə ghənə nji, ə fe vayn yî nyìə vəyn Mèli. Ghənə ə tɨmə ə̀ndzɨs ə və shi ə ngɨmnə̂ vəyn. Ghənə zhə̀nə̀ sèshəyn sə ghənə̂sè ə fo èmâʼte, ə ngôlè, è ngwɨl mê lɨ̀mtə̂ mê chùŋə̀m e tɔŋtə̂ nə flaŋkyiŋsèyn, è mâyl, sê vəyn.

Matyò 2:11 ပူးပေါင်းရင်းမြစ်များ

Matyò 1:18

Ə̀ nyiə nyì kə piə Njisə̀s Klâyszè tè nyi. Nyìə vəyn Mèli tè nyi mə Njosɛ̀f ə fo fɨake ə tu se njiə vəyn sə zhwi, pîza tsɔ̀fə kə ghənə malə, Mèli ə pɔŋə vayn atyaʼ ə se Zuʼse Ŋwaʼase.

Matyò 12:46

Kə Njisə̀s tè pa wâmnə̀ sê nɔ̂ynvè, nyìə vəyn è ghɔnyiə vəynghe ndômə̀ ə pə̀ tyəmə̂ ə pɨəyn sè kyiŋə nə yîghə̀ Njisə̀s wamne.

Matyò 14:33

Chùmtè epàm sɛ ə se tè nyi ə ngwùʼ èghaʼâ e sè ngɨmnə̂ Njisə̀s piə nə, “Ò nyì ke nâʼà Va Fèzhə̀ səmɔʼ.”

Matyò 2:2

ghənə ə pfɨfə nə, “Vayn vɛ vàyn ə piə, è nyi sə̂ nyi sə̂ fɔ̀yn ə ghɨ Njûs ghə? Ghàs ə fe lîfè apàs endaʼ kɛ ə zhwize sa ətəyn, mə fe tyə̂nə̀ nə ə piə Vəyn. Ə̀ za nyi eghɛ zɛ ə ghàs pə̀yn se ngɨmnə vəyn.”

Tom èchùŋ kè kə Lûk tè nyaʼ 2:16

Ghənə ə zàŋsə̀ ndùə ə fe Mèli yî Njosɛ̀f è vayn, è nyiŋ ə ngwùʼ.

Tom èchùŋ kè kə Lûk tè nyaʼ 2:38

Ə̀ tè se nyi ashìŋə̀ kɛ ə pə̂yn è Njisə̀s ə ndɛ Fèzhə̀ è və njiə pə̀ ə fo àzɔ̀ŋnè ə vaynke sê Zhə̀fè sè tsâ èghɛ ə vayn nə zɨ̂yn nâʼàpî sê ndè vɛ è tè lɨmtə nə Zhə̀fè pəyn fɨsê əghɨə Njèlusalɛ̀mghè ə ngəʼ.

Njɔyn 19:39

È tè nyì yî Nìkòndemùs vɛ ə è tè ndù môtè Njisə̀s etuʼve zâ. Ghənə ə njìə nduə è ngwɨl me lɨ̀mtə̂m se fɛte ewiyn ə Njisə̀svè ətəyn. Ə tè fɛte mngwɨl mə təynmè è mɨa è kɨsè alòs. Ngwɨl mə təynm̀ tè nyì se zaʼâ ngɔ̀ʼsè mghɨm ta njòse tâyn.

Etyə̂yn ə paynsêzè 19:10

Mə tɨmə ə̀ngwuʼ ə və shi se ngɨmnə vəyn, pîza è zə pìə sê mi nə, “Kə ò mɔm! M fɨaʼà sê Zhə̀fè kèpi kə gho è ghɔnɛghè, è ghɨ ghəkɨ̂m ghɛ ə ghe fɛte kyi səmɔʼ zɛ ə Njisə̀s tè tyə̀yn paynsê. Ngɨmne Zhə̀fè! Kûmə̀ nə ghɛ zɛ ə Njisə̀s tyə̀ynə̀ paynsə̂ nyi zəynze ə ze nə̂ nə fɨ̀aʼtèsè ə nə̂ èfɨaʼ ə ghənə̂zè.”

Etyə̂yn ə paynsêzè 5:8

È və fiə pə̀ pîə ashìŋə̀ àkè, fɨa endamə vɛ è kwàʼ è chəʼ sɛ mghɨm pɛ̀ njòse kyàʼ ə tɨmə ə̀ngwuʼ ə Vâ ndzè ə̀təyn əshi. Naʼapi ndè e kyi ènduŋ è kaŋa mə ə fɛte è ngôl, è endiŋze ə ətəyn mə zə lwiyn. Ndiŋ ətəynze tè nyi tetsə̂m tə ghɨə Fezhə̀.”