Matyò 18:9 - Ŋwàʼlè ə̀ Fèzhə̀ Mkâyn Mə̂ Fèm

⁹ Kèpî endom nə vɨ̂yn ə shi zɛze nə̂yn nə o nəyn pi, o fɔ̀ fɨsə̂ zəynze ə màʼà. E tsɔ̂fə̀ nə ò kyi ndam zɛ ze tə mîə va è shize emɔ̀ʼ tsɛ̂ kə ò kyi ə̀shi ə̀pɛ̀, ə maʼa ghô əfètə̂ èlùʼ ewùs.

Matyò 18:9 ပူးပေါင်းရင်းမြစ်များ

Matyò 16:26

Wùə kàʼa è kyi mâʼte èkwə̀ ezhoghɛ è kyi ghaʼze ekɨ̂m ə mbi pîza ə njìsə̀ ngɨŋə̂ vəyn ə? Mə wùə kàʼa è fo nâʼà ghè se kɛsə̂ kyiə endam ə vəynze ə?

Matyò 18:8

Ə gho kɛke kɨ̀sə aghol kɛke nə̂yn nə ò nəyn pi, o kà mâʼà. E tsɔ̂fə̀ nə ò kyi ndam zɛ ə ze tə mîə va mə ò kyi va ghoke kɨ̀sə aghol tsɛ, kə o kyi ə̀gho ə̀pɛ̀ è gholghe əpɛ̀ ə ò ndu elùʼ ewùs vɛ ve ndɨmə va.

Matyò 19:17

Njisə̀s ə pə̀ynsə̀ sê vəyn nə, “Kûmə̀ ghè ə ò pfɨfə sê Mi ghɛ zɛ ə ze tsɔ̂fə̀ ə? Ə̀ nyì ke wùə èmɔ̀ʼ kə è tsɔ̀fə̀. Ə ò kɔ̀ŋə̀ se kyi endam zɛ ə ze tə mîə va, o ndə̀mə̀ èlwɔ̂ŋ ə Fezhə̀vè.”

Matyò 5:22

Pîza, zôyn m tsâ sê ghàyn nə: ə nyɔ̀ʼsə̀ pi ndè tɔŋ sê ànyìə vəyn, ə tə pəyn è vəyn sê saʼe. Ə tɔŋte pîndè ànyìə vəyn nə, “Ò tsɔ̀fə kə eshi sə ndô!” Ə tə ndu è vəyn ashi əghɨ̀e saʼake. Ə tɔŋtə̂ pî ndè ànyì nə, “Ngô afɨake!” Ə zə pofə nə è nə̀ ndûə elùʼ ewùs.

Matyò 5:29

Ə shi zɛ ze ekɔyn twɔze nə̂yn nə ò nəyn pi, o pɔ̀ʼɔ̀ fɨsə̂ ə màʼà. E tsɔ̂fə̀ nə ò laʼ shi zɛ ze mɔ̀ʼ tsɛ̂ kə ə màʼa wiyn vɛve ekɨ̂m elùʼ ewûse.

Ŋwàʼlè ə̀ Mâk 9:47

Shi zɛze ə nə̀ nə ò nəyn pi, o pɔ̀ʼɔ̀ fɨsə̂. E tsɔ̂fə̀ nə ò nji efɔ̂yn ə Fezhə̀vè è shize emɔ̀ʼ tsɛ̂ kə ə maʼa ghô elùʼ ewùs è shighə pɛ̀,

Ətefɨ̂aʼ 14:22

Nâʼà pi elùʼ èkè vɛ ə ghənə tè nduə fɨə, ghənə ə nə̀ nə ghɨ poməghe tɔʼ kyî èpomə̂ ə ghənə̂zè ə fɨyn ndəm ətəm ə ghənə̂ eghɛ zɛ ə ghənə pomə. Ghənə tè zaʼlə nə, “Ghâsènì kyi se tsɛ tɔynê əfètəyn tètsòs te tsɨ̂ə kə nyi tsɔ̀fə ə se nji elùʼ efɔ̀yn ə Fezhə̀vè.”

Ipilù 4:11

Ə ghâsènì mɔmse nâʼà è tyaʼa se nji elùʼ ezɨtə nə vɨ̂yn. Kə wùə se ghâsènì tə faŋ se nji kə ghənə tè shwìe kyiŋ se nji kûmə̀ nə ghənə tè kyi va kyî epomə̂zè.

Etyə̂yn ə paynsêzè 21:27

Pîza fɨake tə njiə va əfètə̂ tɔ̂ŋ èghaʼâ nə zɨ̂yn, mə ke zo va. Wùə vɛ è nə̂ ghɛ eliŋə kɨ̀sə wùə àkaŋ tə njiə va ətəyn. Ə̀ tə njiə kə ə̀ghɨ ghɛ ə nyâʼ zə ə ghənə̂ghè ə ŋwàʼlè èndamə ə̀ Va Ndzè famə ə tɔ̂ŋ èghaʼâ.