Matyò 17:9 - Ŋwàʼlè ə̀ Fèzhə̀ Mkâyn Mə̂ Fèm

⁹ Kə ghənə tè kɛsə tso pə̂ fumə ə pfɨyn, Njisə̀s ə fo fɨ̀as sê ghənə nə, “Kə ghàyn tsayn ghɛ zɛ ə ghàyn fe sê wùə se zaʼâ kə Zhə̀fè zomse Vâ wùə.”

Matyò 17:9 ပူးပေါင်းရင်းမြစ်များ

Matyò 12:16

ə fo fɨ̀as sê ghənə nə kə wùə nə tsayn èghɛ sê wùə kûmə̀ èkyì ə wûə vɛ Zhi nyi və̂ynvè.

Matyò 17:12

Pîza M piə sê ghàyn səmɔʼ nə Èlanjà se nyi mə è və tè kàynè pəyn pîza ghɨghə tàʼa fe kê vəyn, pîza nə̂ se vəyn nâʼà pi èghɛ èkè ə ghənə tè kɔ̀ŋə. Ə̀ nyi kepî èghɨ kə Va Wùə tə fe tsôsè ə ghənə ə gho.”

Matyò 17:20

Njisə̀s ə pə̀ynsə̀ nə, “Ə̀ nyi kûmə̀ nə pomə zayn nyiə ndɛnə. M piə sê ghàyn səmɔʼ nə ə ghàyn kyi pomə̂zè, ze ndɛnə pi kə eshi ə ngwàʼ ə mostàzè, ghàyn kàʼa ghàyn pi sê pfɨ̀yn zɨ̂yn nə è ndò fa elùʼ ə è ndu ndom fɛ̂, ə è nəyn ke za. Ə ghɛ zhîze ə tɛ ghaʼa va ghàyn.

Matyò 17:22

Njisə̀s yî chùmtè èpàm sə vəynse tè zùŋte elùʼ emɔ̀ʼ apàs endaʼ ə Ngalìlîkè, È və pìə sê ghənə nə, “Ə nə̀ fo Va wùə ə ghɨghə gho,

Matyò 17:23

ə ghe zhwi vəyn, pîza epàm ə mtuʼ mta, ə Zhə̀fè zomse Vəyn.” Chùmtè èpàm sə vəynse zɨə zɨnə mə saŋnə̂ va.

Matyò 17:8

Ghənə ndwìsə̀ ètu ə ghənə̂vè ə tàʼa fe wùə ə̀ tsɛ̂ kə va Njisə̀s.

Matyò 8:20

Njisə̀s ə pə̀ynsə̀ nə, “Sɔ̀ŋɔ̀m nyîə kyi èpûʼ ə ghənə̂vè, nɨ̂ŋmè e kyi sendɛ, pîza Vâ Wùə e kyi va luʼu se nyɨ̀ŋsè atu ə vəynke ətəyn se zɨ̀tè.”

Matyò 8:4

Njisə̀s ə ke pi sê vəyn nə, “Zɨte kə! kə ò nə tsayn èghɛ zɛ e kyàyn sê wùə vîvè, Pîza nduə chwìte wiyn vɛ ve sê wùə èkɔʼsə nə̂ èshyə̀ kə è fɛte kyaʼtè ghò. Ə fo kə pî èfo kè kə lâŋə Mosîskè kyiŋə se chwìtè sê ghɨ nə o zo.”

Ŋwàʼlè ə̀ Mâk 8:30

Njisə̀s ə kàynə̀ nə kə ghənə nə̂ tsayn èkyì ə wûə vɛ Zhi nyi və̂yn.

Tom èchùŋ kè kə Lûk tè nyaʼ 8:56

Choze ə zomə pɨ̀a vayn nə vɛ yî nyiə vəyn, pîza Njisə̀s ə fo fɨ̀as nə kə ghənə nə̂ tsayn ghɛ zɛ ə ze kyàyn sê wùə.

Tom èchùŋ kè kə Lûk tè nyaʼ 9:36

Kə kyə̀ nə zɛ wàmnè mɨ̂sè, ghənə ə fe mə Njisə̀s se nyi ke fu vəyn ènɨŋ. Ghənə kɨmə̂ kə mɔŋ ə tàʼa tsàyn eghɛ zɛ ə ghənə fe nâʼà sê wùə èmɔ̀ʼ ə mtuʼ nə mɛ.