Matyò 17:4 - Ŋwàʼlè ə̀ Fèzhə̀ Mkâyn Mə̂ Fèm

⁴ Pità ə ke pì sê Njisə̀s nə, “Pɛ̂pɛ e tsɔ̂fə̀ ndò kə ghâsènì nyì fâyn. Ə ò kɔ̀ŋə̀ ə m pɛ pfɨ̀mè m̀ta fâyn, ə̀ o kyi fèmɔ̀ʼ, Mosîs e kyi fèmɔ̀ʼ, Èlanjà e kyi fə̀mɔ̀ʼ.”

Matyò 17:4 ပူးပေါင်းရင်းမြစ်များ

Matyò 17:3

Kè nyî, Mosîs yî Èlanjà ə fɨ ə ghənə ekyàʼ sè wàmnə̀ sê Njisə̀s.

Tom èchùŋ kè kə Lûk tè nyaʼ 9:33

Ghɨ ətəynghe ə pə̀ kə ndô, Pità ə se pi sê Njisə̀s nə, “Ze ə tsɔ̀f ə Pɛ̀ apɨəyn kə ghàs nyi fâyn. Ghàs nə̀ pɛ m̀pfɨ̀ə m̀ta, ə ò kyi fèmɔ̀ʼ, Mosîs e kyi fèmɔ̀ʼ, Èlanjà e kyi fə mɔ̀ʼɔfe.” È tè wàmnə̀ za, ke pi va ghɛ zɛ ə è piə.

Njɔyn 17:24

Pɨa Vɨm! M kyiŋə nə ghɨ ghɛ ə Ò fo sê Mi tə nəyn ə nyi ghasè ghənə elùʼ vɛ ə M nyi ətəyn, kə ə fe pomsê ekayntə zɨme, ə zɛ ə Ò tè fo sê Mi kûmə̀ nə Ò tè kɔ̀ŋɔ Mi, tsɔ̀fə kə pom mbi.

Njɔyn 7:2

Shîŋə zhiə nə Mpfɨ̀ə əghɨ̀ Njûskè tè se paʼsə̂ pə ndò.

Filìpây 1:23

M zhiynə kə ndò əfètəyn ə̀ghɛ nə ghɨ̂yn, kyiŋə nâʼà sə ŋaŋ se za achi kɨ̀yn se ndù sə̂ nyi ghasè Klâys, ə nyi èghɛ zɛ ə ze tsɔ̂fə̀ kwənə,

1 Njɔyn 3:2

Soyn ghɨm ghe kɔ̀ŋə̀, ghâsènì kàyne nyi ə̀ghɔ Fezhə̀ghè, pîza Fe paʼà nyìəm chwitè nə ghâsènì tə pə̂ ə nyi zàyn shîŋə̀ kɛ ə Klâys tə kɛsə pə̂. Pîza ghâsènì ke ndô nə shîŋə̀ kɛ ə Klâys tə pə̂ ətəyn, ghâsènì tə nə̂ ə nyi ke kə Vəyn, kûmə̀ nə ghâsènì tə fe vəyn kè kə è nyi.

Etyə̂yn ə paynsêzè 21:23

Ə̀ tè fo chîə va chwì kɨ̀sə njɔŋ paynze fumə ə tɔ̂ŋ èghaʼâ, kûmə̀ nə ə̀ tè panə epomsê ə Fezhə̀zè ətəyn, Vâ Ndzè e panə kəpî ətəyn kəpiə ə̀ nyi lâm.