Matyò 16:3 - Ŋwàʼlè ə̀ Fèzhə̀ Mkâyn Mə̂ Fèm

³ Tuʼve ə pɨsə̂ zo nâʼà è pɨ̂sə̀pɨ̂sə̀, gha pìə nə, ‘Ghole nə̀ tso, kûmə̀ nə wuləke pâŋə̀ ndò fɨnə fɨ̂mə̀.’ Ghàyn kàʼa ə ghàyn sɨŋ kə tuʼe nə̀ nə̂ ə və nyi mə ghàyn naynə̂ àwulə, pîza ghàyn vayn kaʼa ghàyn fe kê ə̀ghɛ ghɛ ə ghe kyânə̀ ndâyn.

Matyò 16:3 ပူးပေါင်းရင်းမြစ်များ

Matyò 11:5

Tsàyn sê vəyn nə, fòfvè kàʼa ve fe, m̀ngə̂s e kwîə, ghɨ akwùsghè e tɛ. Ghɨ ghɛ ə tè nyi mə ə kwùʼ e zɨə ə̀ghɛ, ghɨ ghɛ ə tè nyi mə ə kwutê è kɛsə̂ ndwîə, e ndàʼà tom èchùŋ sê ghɨ afɨfə.

Matyò 15:7

Ghàyn ghɨ ekaŋkaŋa nə ghɨ̂yn! Fɨ̀aʼtè Èsayà tè nyi achûŋ kə è tè pì ghɛ zɛ ə Zhə̀fè tè tom vəyn nə,

Matyò 22:18

Njisə̀s ə kê èghɛ epi zɛ ə ghənə tè pɨaʼtə ə ke pì sê ghənə nə, “Ghàyn ghe kaŋkaŋə nə ghɨ̂yn! Kûmə̀ ghè ə ghàyn mɔ̀msə̀ se mɔ̀m ə mi ə?

Matyò 23:13

Njisə̀s ə pìə sê tyə̀ynsè sə alàŋsè è ghɨə Falàsîə nə, “Ghàyn ghɨnə ə ghàyn kaŋkaŋa nə̂ nyî, ngəʼ èghaʼâ nyi sê ghàyn! Ghàyn fìnə̀ èchondɛ elùʼ efɔ̀yn ekwùtwəynve nə kə ghɨə nji. Mə ghàyn è ngɨŋ saynse vayn kaʼa nji, za va nə ghɨ mɔ̀ʼɔ ghɛ ə kyiŋə se nji nə nji.

Matyò 4:23

Njisə̀s ə ndò kwîə ka tè ndaʼà tèkɨ̂m endaʼa Ngalìlîzè zaʼlə̂ èghɛ ə Fezhə̀zè ə se ndɛ sə atsɨ̀yntese, kɛsə̂ ndâʼà tom èchùŋ kûmə̀ èfɔ̂yn nə Fezhə̀vè. È tè tsuʼə əghɨ ezafə əkɨ̂m è kɨsè kyì tə tezaf tɛ ə te tè nyi ə ghənə fètəyn.

Matyò 7:5

Ghɨ ekaŋkaŋə nə ghɨ̂yn! Fɨse chì kôm ə fekàʼ kɛ ə ghò eshi, ə o nyi kàʼa ò fɛte fe se njiə fɨsê esaʼ ə fe kàʼ zə ànɛ̂ eshi.

Tom èchùŋ kè kə Lûk tè nyaʼ 11:44

Ngəʼ èghaʼâ nyi sê ghàyn ghɛ ə ghàyn nyi kə teshyə̂ tɛ ə pfɨ̂mə̀ ghɨghe ətəyn, ə tàʼa ndə̀mə chwiə, ghɨghe ekwiə tsɛ̂ etu ətəyn, ke va.”

Tom èchùŋ kè kə Lûk tè nyaʼ 12:56

Ghàyn ghɨ ghɨ̀nə̀ ə ghàyn kaŋkaŋa nə̂ ghɛ nyi! Ghàyn ke sə̂ fɨə tyəmə naynə̂ kə àpɨəyn, ghà tsà eghɛ zɛ ə ze nyi se kyàyn, ze ə kyànə̀ kə zâ. Kûmə̀ ghè ə ghàyn fe kê va ghɛ ghɛ ə Zhə̀fè nə̀ zo ə?

Tom èchùŋ kè kə Lûk tè nyaʼ 13:15

Pɛ̂pɛ ə pə̀ynsə̀ nə, “Yey, ghɨə kaŋkaŋa nə̂ ghɨ̂yn! Nâʼà wùə vɛ ə è nyiə ghàyn əfètəyn ə è ndwìə kɔʼɔ etuʼ endaʼ, è və za nyàm ə vəyn se zhə̀yn ə mbàyn se ndùə è zə̂yn elùʼ nə è mɨ môm ə?

Ipilù 5:14

Pîza, wùə vɛ ə è zhiə fɨazhiə e twɔve ə̀ nyi wùə mə è və zaʼlê, ə ghəʼnə̂ sè ke ə̀ghɛ echûŋə̀, ke ghe pighe.