Matyò 12:3 - Ŋwàʼlè ə̀ Fèzhə̀ Mkâyn Mə̂ Fèm

³ Njisə̀s ə pfɨfə sê ghənə nə, “Ghàyn pâʼà tɔŋɔ zɨ ə ŋwàʼlè ə Fèzhə̀ ghɛ zɛ ə Fɔ̀yn Ndàfît tè nəyn kə chɨ̀ŋ tè zafə vəyn yî ghɨə vəynghe ə?

Matyò 12:3 ပူးပေါင်းရင်းမြစ်များ

Matyò 12:2

Kə ghɨə Falàsîə tè fe zɨnə mə, ə pìə sê Njisə̀s nə, “Fe ghɛ zɛ ə chùmtè èpàm sɛse nə̂ etuʼ endaʼ, Saʼze pomə̂ va ə!”

Matyò 12:4

Ə nyaʼ nə è və nji ə ndɛ̂ Fèzhə̀, ə vəyn è ghɨə vəynghe ə zhiə àpayn ə kwaŋke mə ə̀ nyi efo sê Zhə̀fè, pî kə saʼze tè tyə̀nə nə ghənə kyi va se zhiə kəynke mə Zhə̀fè paʼà fo tyaʼa nə ghənə zhi ə̀ tsɛ̂ kə va ghɨə kɔʼsə nə eshyə̀.

Matyò 12:5

Mə ghàyn pâʼà tɔŋɔ zɨ kèpi esaʼ ə Mosîszè nə nâʼàpî etuʼ endaʼ èkè ghɨ kɔʼsə nə eshyə̀ ə Ndɛ Ètsə̀mə tè kəmə alâŋ etuʼ endaʼke, kûmə̀ àfɨ̂aʼ kɛ ə ghənə nə̂ pîza ə̀ zɛ mə va pi ə Zhə̀fè shi ə̀?

Matyò 19:4

Njisə̀s ə pə̀ynsə̀ sê ghənə nə, “Ghàyn paʼà tɔŋɔ̂ ə Ŋwàʼlè ə̀ Fèzhə̀ nə, ə̀ tè nyi ə zhə̀te ə̀ mbi, Zhə̀fè ə pomə wùndômə̀ è wùzhɔyn ə?”

Matyò 21:16

Ghənə ə pfɨfə sê Njisə̀s nə, “Ò zɨə ndò ghɛ zɛ ə mɨə̀tə̀m mîə pì ə?” Njisə̀s ə pə̀ynsə̀ sê ghənə nə, “Ghàyn pâʼà tɔŋɔ luʼ ə Ŋwàʼlè ə̀ Fèzhə̀ zɛ ə nyâʼ ətəyn nə, ‹Zhə̀fè pɨaʼte mmɨ̂ətə̀m è ghɔyn epɔ nə ə tsìtə̀ zhi nâʼà àchûŋ.›”

Matyò 22:31

Ghàyn pâʼà tɔŋɔ̂ ghɛ zɛ ə Zhə̀fè pì sê ghàyn kûmə̀ èzômə̀ ə? Zhə̀fè tè pi kûmə̀ ghə̀ pɨ̀a ghasènìghə shiə nə,

Ŋwàʼlè ə̀ Mâk 12:10

Ghàyn pâʼà tyə̂m tɔŋɔ ghɛ zɨ̂nə̀ ə Ŋwàʼlè ə̀ Fèzhə̀ nə: ‘Chi zɛ ə ghɨfɨaʼa tè tə ə kɛsê sə echi epòlə̀ ə ndɛze.

Ŋwàʼlè ə̀ Mâk 12:26

Zôyn, eghɛ kûmə̀ èzômə̀ ə ghɨ kwuze: ghàyn pâʼà tyə̂m tɔŋɔ ə Ŋwàʼlè ə̀ Mosîs ndiŋ kɛ ke wâmnə̀ kûmə̀ fèkaʼtə̀ fɛ ə wusve tè pɛ ə tə? Ə nyaʼ fumə nə, Zhə̀fè tè pi sê Mosîs nə, ‘M nyi Fezhə̀ fə Aplàghâmfè, nyi Fezhə̀ fə Azɨkfè, nyi Fezhə̀ fə Njàkɔ̂pfè.’

Tom èchùŋ kè kə Lûk tè nyaʼ 10:26

Njisə̀s ə pə̀ynsə̀ pfɨfə sê vəyn nə, “Ə nyaʼ nə ghe ə ŋwàʼlè Èsaʼ ə Mosîszè ə? Ò tɔŋɔ zɨ nə ghe ətə ə?”

Tom èchùŋ kè kə Lûk tè nyaʼ 6:3

Njisə̀s ə pfɨfə sê ghənə nə, “Ghàyn pâʼà tɔŋɔ zɨ ghɛ zɛ ə Ndàfît tè nə̀yn kə chɨ̀ŋ tè zafə vəyn yî ghɨ vəyn ghə̂?