Matyò 12:2 - Ŋwàʼlè ə̀ Fèzhə̀ Mkâyn Mə̂ Fèm

² Kə ghɨə Falàsîə tè fe zɨnə mə, ə pìə sê Njisə̀s nə, “Fe ghɛ zɛ ə chùmtè èpàm sɛse nə̂ etuʼ endaʼ, Saʼze pomə̂ va ə!”

Matyò 12:2 ပူးပေါင်းရင်းမြစ်များ

Matyò 12:10

Wùə vîvè e nyi fu mə kɔyn ə vəynke ə kwu. Ghɨ yîghe nyi fumə kyiŋə se ghâmə̀ Njisə̀s nə È və nə̀yn pi, ghənə ə ke pfɨf sê vəyn nə, “Saʼ e pomə̂ ndò nə ə tsuʼ wùə etuʼ endaʼà?”

Matyò 12:3

Njisə̀s ə pfɨfə sê ghənə nə, “Ghàyn pâʼà tɔŋɔ zɨ ə ŋwàʼlè ə Fèzhə̀ ghɛ zɛ ə Fɔ̀yn Ndàfît tè nəyn kə chɨ̀ŋ tè zafə vəyn yî ghɨə vəynghe ə?

Ŋwàʼlè ə̀ Mâk 2:24

Ghɨə Falàsîə ə ke pfɨf sê Njisə̀s nə, “Kûmə̀ ghè ə chùmtè èpàm sɛse nə̂ kyì eghɛ zɨ̂nə̀ etuʼ endaʼ, Saʼze pomə̂ va ə?”

Tom èchùŋ kè kə Lûk tè nyaʼ 14:3

Njisə̀s ə se pfɨf sê tyə̀ynsè sə alàŋsè paʼsə̂ kə è ghɨə Falàsîə nə, “Saʼe pomə̂ ndò nə ə tsuʼ wùə etuʼ endaʼ mə, mə ze kwiynsə̂ ndò ə?”

Tom èchùŋ kè kə Lûk tè nyaʼ 23:56

Ghənə kɛse pə ə pɨaʼtə mngwɨl mɛ lɨ̀mtə̂ tsɔfə̂m se ndùə kɨmnə və ətəyn. Etuʼ endaʼ ə ghənə və pə̀, ghənə zɨtə ke kə saʼe tè tyə̂nə̀.

Tom èchùŋ kè kə Lûk tè nyaʼ 6:2

Ghɨ Falàsî yîghe ə pfɨfə sê ghənə nə, “Kûmə̀ ghè ə ghàyn nə̀ ghɛze etuʼ endaʼ, Saʼze e pomə̂ va ə?”