Matyò 11:5 - Ŋwàʼlè ə̀ Fèzhə̀ Mkâyn Mə̂ Fèm

⁵ Tsàyn sê vəyn nə, fòfvè kàʼa ve fe, m̀ngə̂s e kwîə, ghɨ akwùsghè e tɛ. Ghɨ ghɛ ə tè nyi mə ə kwùʼ e zɨə ə̀ghɛ, ghɨ ghɛ ə tè nyi mə ə kwutê è kɛsə̂ ndwîə, e ndàʼà tom èchùŋ sê ghɨ afɨfə.

Matyò 11:5 ပူးပေါင်းရင်းမြစ်များ

Tom èchùŋ kè kə Lûk tè nyaʼ 4:18

“Zuʼ sə Pɛsè nyi ə mìə tu kûmə̀ nə è chɔʼ mi nə mə tsâ tom èchùŋ sê ghɨ ghɛ ə nyi mə pɔ. È və tom mi nə m tɔŋɔ ndâʼà sê ghɨ ghɛ ə tè nyi mə kyitê, nə tuʼve ə kwəyn kə za ghənə, ə fɨnə tomə mi nə m ndaʼa sê ghɨ fofə nə tuʼve ə kwəyn kə ghənə fe luʼte, se fɨnə fɨsê əghɨ ghɛ ə nyâplə̀ ə̀ ghənə ə ngəʼ,

Njə̂m 2:5

Ghàyn zɨte ə ghɔnyì ghɨm ghe chûŋə̀! Piə ghàyn ke ndô nə Zhə̀fè ə tə chɔʼ ghɨ ghɛ ə ghɨ ə mbighe njîə nə nyi əghɨ afɨfə, ə nə̀ nə ghənə ə kyi èkyî èpomə̂ eghaʼâzè, ə ghənə kyi luʼ efɔ̀yn vɛ ə Zhə̀fè tè tsɨ̀nè sê ghɨ ghɛ ə ghe kɔ̂ŋə̀ vəyn.

Matyò 21:14

Ghɨ fofə, è m̀ngə̂s ə pə̀ sê vəyn fu, È və tsuʼə ghənə.

Njɔyn 10:38

Pîza, ə M nə̂ fɨ̂aʼ ətəyn, ghàyn ə tàʼa pomə pì sê Mi, ghàyn ə pomə̂ ə̀ghɛ ghɨm ghe nəghe, endom kə ghàyn ke kwəynsê sə eshìŋə̀ ekwuŋsəze nə Pɨ̀a nyì ghasè Vəyn, M nyi ghasè Pɨ̀a kə ghè tə ghayn.”

Njɔyn 10:25

Njisə̀s ə pə̀ynsə̀ nə, “M nyi mə mə kàynè tsayn sê ghàyn pîza ghàyn ghe tàʼa pomə̂. Ghɛ ə kayntə ghɛ ə M nə̂ ə Pɨ̀a Vɨm və ezə, nyi ghəynghe ə ghe tsâ kûmə̀ Mi.

Njɔyn 5:36

Pîza, M kyi ndô tsɛ̀ èsaʼ è tsɨ̂ə tsɛ vɛ Njɔyn tè kyi. Fɨ̂aʼ tɛ M nə̂, mə nyi tefɨaʼ tɛ ə Pɨ̀a Vɨ̂mvè tè fo nə Mə nə̂, fɨ̂aʼ tə təynte wâmnə̀ ndò ə Mì azhəm chwîtə̀ nə ə̀ Mi tè tom Pɨ̀a.

Njɔyn 3:2

Tuʼ fîfe è tuʼve, è və ndùə sê Njisə̀s ə pìə se Vəyn nə, “Tyə̀ynsè, ghàs ke ndô nə ò nyi tyə̀ynsè mə ə̀ tom Fezhə̀. Wùə vîvè vayn kàʼa è nəyn ghɛ ə kayntə ghɛ ə Ò nə̀ ə̀ tsɛ̂ kə va mə Zhə̀fè nyì yî vəyn.”

Njɔyn 2:23

Ə tè nyi kə Njisə̀s nyi ə Njèlusalɛ̀m ashìŋə̀ azhi ə zaʼatsɛke, ghɨ etsɨəghe ə pomə̂ sê Vəyn, kûmə̀ ə̀ghɛ ə kayntə ghɛ ə ghənə fe kə è nə̀yn.

Ŋwàʼlè ə̀ Mâk 9:25

Ə pə̀ kə Njisə̀s fe kə ghɨə se nyɨŋə pə̀ se tsɨ̀, è və kàyntə̀ ə̀ghɛ sê zuʼse pi nə sɛ ə pìə nə, “Tsɛ fɨ. Ə̀ pi mi sê ghò ə zuʼse pi sɨ̂nə̀, sê ghò vɨ̂nə ò nə̂ nə kə vayn vɨ̂yn ə wâmnə̀, fɨnə nə̂ nə kə è və zɨə ə̀ghɛ. Ə ò fɨ za kə ò tə fɨyn nji.”

Ŋwàʼlè ə̀ Mâk 7:37

Ə̀ zɨə nâʼàpî ndè, zhasə̂ kə ècho. Ghənə e pîə nə, “È nə̀ ə̀ghɛ kè nâʼà èghɨ. È nə̀ nâʼàpî ə̀ghɨ ghɛ ghe zɨə va, ghe zɨə, pi ghɛ ghe wamnə̀ va, ghe wâmnə.”

Matyò 10:8

Ghàyn tsuʼ ghɨə zafə, ə zòmsə̀ ghɛ ə nyi mə kwu, ə tsuʼ ghɨ ghɛ ə ghe kyi kwùsà, ə chûmə̀ fɨsə̂ tèpamə̂ tə satàyntè. Mə fo ghàyn è tyaʼa nə ghàyn nəyn ghɛ ghɨ̀nə̀ ə̀kɨ̂m pîza kyiŋə va ndâʼ zhîze sê ghàyn. Ghàyn pɔŋ nəyn ə̀ghɛ nə ghɨ̂yn mə ghàyn pfɨfə va ndaʼè sê ghɨə.

Matyò 9:30

Shiə ghənə̂ ghə kɛsə̂ fe tèluʼ. Njisə̀s ə ke fo fɨ̀as sê ghənə pîə se ghənə nə, “Kə ghàyn tsayn sê wùə ghɛ zɛ ze kyâyn.”

Matyò 5:3

Pɔsê nyì sê ghɨ ghɛ ə fɨfə ə sezuʼ, kûmə̀ nə fɔ̂yn ekwùtwəynve nyi sê ghənə.

Ətefɨ̂aʼ 2:22

Pità ə pìə kwəynsə̂ nə, “Ghàyn ghɛ ə ghàyn nyi əghɨ ə Isìlây, ghàyn zɨte ghɛ zɛ m kyiŋə se pì. Njisə̀s tè nyi wùə ə Nazalɛ̀t mə Zhə̀fè ə tyə̀yn ə ndayn sê ghàyn nə Fə tom Vəyn. Fe nəyn nyi endom nə Njisə̀s tè nə̂ əghɛ ə kayntəghe, tyə̂nə̀ sèchwìə sə ghɛse se tyə̀nə̀ nə ə̀ nyi Vəyn vɛ ə Zhə̀fè tom. Ghàyn, è ngɨŋ saynse nyîə fɛte ke ə̀ghɛ nə ghɨ̂yn nâʼà ə̀kɨ̂m, kûmə̀ nə ghe tè kyàynə ə ghàyn əfètəyn.

Matyò 11:4

Njisə̀s ə pìə sê ghənə nə, “Ghàyn kɛse ndu tsayn sê Njɔyn ghɛ ghɛ ə ghàyn zɨ ə fɨnə fe è shi ghaynghe.

Matyò 12:13

Njisə̀s ə ke pì sê wùə nə vɛ ə kɔynke tè nyi mə kə kwu nə, “Nɛ̀se kɔyn kɛke.” Wùə ətəyn ə nɛ̀sə̀, kè sə ashìŋə̀, kɔyn ətəynke ə tɛ nyi kepî àchûŋ kə kə mɔ̀ʼɔke.

Njɔyn 9:7

ə pìə sê vəyn nə, “Nduə shù kyâʼ zɛze andɨ̀l ə Silùomə̀.” (Silùom nə zɨ̀yn tè nyi ewàmnè endaʼze nə, “Tom.”) Wùə ə̀təyn ə ndùə, ə shùə èkyaʼa vəyn ə kɛsə̂ pə̂ mə è fe ndò.