Matyò 11:1 - Ŋwàʼlè ə̀ Fèzhə̀ Mkâyn Mə̂ Fèm

¹ Kə Njisə̀s tè zaʼle mɨ̂sè chùmtè èpàm sə vəynse njò sepɛ̀, è və ndò fumə elùʼ sè ndàʼà sè fɨnə zaʼlə̂ èghɛ ə Fezhə̀zè ə setɔ̂ŋ sɛ ə se tè nyì paʼsê fumə.

Matyò 11:1 ပူးပေါင်းရင်းမြစ်များ

Matyò 28:20

Ghàyn zaʼle kepî ghənə nə ghənə chûmtə̀ nâʼà ə̀ghɛ ə̀kɨ̂m ghɛ m pî nə ghâyn ə nə̂. Ghàyn e ke nə m nə nyi ghasè nyì shîŋə̀ tekɨ̂m, se zaʼâ kə mbi tə mi.”

Matyò 4:23

Njisə̀s ə ndò kwîə ka tè ndaʼà tèkɨ̂m endaʼa Ngalìlîzè zaʼlə̂ èghɛ ə Fezhə̀zè ə se ndɛ sə atsɨ̀yntese, kɛsə̂ ndâʼà tom èchùŋ kûmə̀ èfɔ̂yn nə Fezhə̀vè. È tè tsuʼə əghɨ ezafə əkɨ̂m è kɨsè kyì tə tezaf tɛ ə te tè nyi ə ghənə fètəyn.

Matyò 7:28

Kə Njisə̀s tè zaʼle mɨ̂sè ə̀ghɛ nə ghɨ̂nə̀, choze ə zomə anɔ̂yn ə ghɨ̀ kɛ endom vɛ È zaʼle ətəyn.

Matyò 9:35

Njisə̀s e kwîə ka môtə̀ sètɔ̂ŋ sèkɨ̂m è tə̀ʼse, zaʼlə̂ èghɛ Fezhə̀zè ə se ndɛ sə atsɨ̀yntese, ndaʼà tom èchùŋ kûmə̀ èfɔ̂yn ə Fezhə̀vè, tsuʼə ə̀ghɨ zafə ghəkɨ̂m è kyì tə tezaf tekɨ̂m.

Ŋwàʼlè ə̀ Mâk 6:12

Ghənə ə fɨə, zaʼlə̂ nə ghɨə kwiyne ə ghənə ə sepi.

Tom èchùŋ kè kə Lûk tè nyaʼ 23:5

Ghənə e sè kayntə̂ kə əghɛ piə nə, “Zaʼlə ə vəynze pə̂ eno zə əfètəyn endaʼ ə ghɨə Njûszè ke ekɨ̂m, È tè zhə̀te ə Ngalìlî, sè nyi zôyn mə è və pə̀yn fayn.

Tom èchùŋ kè kə Lûk tè nyaʼ 8:1

Epàm ətəyn Njisə̀s ə ndò kwiə ndàʼà tom èchùŋ kûmə̀ èfɔ̂yn ə Fezhə̀vè ə setɔ̂ŋ è tə̀ʼse. Ə nyi za, chùmtè èpàm sə vəynse njò sepɛ̀ e nyi yî vəyn,

Njɔyn 15:10

Ə ghàyn ndə̀mə̀ lwɔ̂ŋ vɨmve, M mə pa kɔ̂ŋɔ̀ kə ndò ghàyn. E nyi kepî èghɨ kə M ndəmə̀ lwɔ̂ŋ ə Pɨ̀a vɨ̂mvè, è pa kɔ̂ŋɔ̀ kə ndò Mi.

Njɔyn 15:14

Ə ghàyn ə nyi sèsoyn sɨmse ə ghàyn nə̀ ghɛ ghɛ m tsâ sê ghàyn.

Ətefɨ̂aʼ 1:2

se zaʼâ kə Zhə̀fè tè nji Vəyn ekwùtwəyn. Tsɔ̀fə kə ə nji Vəyn ekwùtwəyn, Zuʼse Ŋwaʼase ə fo àtyaʼ, È və zaʼlə̂ ə̀ghɛ se ghɨ ghɛ ə È chɔʼte kə sechùmtè èpàm sə tom sə Vəynse kə ghənə nə̂.

Ətefɨ̂aʼ 10:38

Ghàyn kyi sə̂ ke nə Zhə̀fè ə tə kɨmnê Njisə̀s, ə wùə Nazalɛ̀t, ə fo Sezuʼ se Ŋwaʼase sê Vəyn è tyaʼa. Njisə̀s tè kwiə ka kə luʼ tekɨ̂m, nə̂ əghɛ echûŋə̀. Kə Zhə̀fè tè nyì yî Vəyn, È tè tsuʼə nâʼà pîndè vɛ ə è tè nyi ə ndə̂plè etyə̂ àtyaʼ.

Ətefɨ̂aʼ 10:42

È və fo sə alàŋ nə ghàs tsayn tom èchùŋ nə zɨ̂yn se tyə̀n səmɔʼ nə È nyi ke nâʼà wùə vɛ ə Zhə̀fè chɔʼ ndə̂m nə È və saʼa ə̀ghɨ ghɛ ə pa ndamə è ghɛ nyi mə kwutê.

1 Tèsàlonikà 4:2

Ghàs chyatə̂ nyî kûmə̀ nə ghàyn se ke ndô ghɛ ghɛ ə ghàyn tè zaʼle sê ghàs. Ghàs tè nəyn zɨnə mə tɔynə̂ ə Pɛ̂pɛ Njisə̀s atyaʼ.

2 Tèsàlonikà 3:10

Ə̀ tè nyi nâʼà pî kə ghâsènì pa nyi əmɔʼ, ghàs e pîə se ghàyn nə, “Ə̂ tə nâʼàpî ndè nə zhi fɨaʼà va, kə wùə sê ghàyn fo fɨa nə è zhi.”

2 Tèsàlonikà 3:6

Ghàs pìə èghɛ ə ghɔnyì mə ghàyn kyi se nə zəynze nə, ezə ə Pɛ̂pɛ ə ghâsènì Njisə̀s Klâys nə, ghàyn fɨl tsə̀m saynse sê ghɨə pomə ghɛ ghe ndamə ndam ezɔləze, ndə̂mə̀ va chwîtè zɛ ə ghàs chwìtə̀ ghənə.

1 Timotì 6:14

Ò ndə̂mə̀ alâŋ nə kɨ̂nə̀ ə m tsɛsə̀ nyiə sê ghò kè səmɔʼ se zaʼâ kə Pɛ̂pɛ ə̀ ghâsènì Njisə̀s Klâys tə kɛse pəyn.