Matyò 10:6 - Ŋwàʼlè ə̀ Fèzhə̀ Mkâyn Mə̂ Fèm

⁶ Ghàyn pɨl ndu ke sê ghɨə Isìlây ghɛ ə ghe nyi nyiə kə sendzè senjisəse.

Matyò 10:6 ပူးပေါင်းရင်းမြစ်များ

Matyò 18:10

Ghàyn tɔ̀ʼnə̀ nə kə wùə lɛ wâ kûmə̀ nə è kɔʼnə̂ va. M pîə sê ghàyn səmɔʼ nə ekwùtwəyn, tsì sɛ ə se naynə ghɔyn nə ghɨ̂yn nyì yî Pɨ̀a vɨm.

Tom èchùŋ kè kə Lûk tè nyaʼ 24:47

ə fɨyn kyi sè zhə̀tə ə Njèlusalɛ̀m sè tsà eghɛ ə Fezhə̀zè ə vəyn ezə, nə ghɨə kwiyne təmə kə Pɛ Zhə̀fè lɛse fo sèpi sə ghənə̂sè.

Ətefɨ̂aʼ 13:46

Pîza Pɔ̂l yî Pànapàs ə pɨlə wàmnə̀ ndùə kə èshike fanə̀ va ghɛ zhîze. Ghənə tè piə nə, “Ghàyn ghɨ Njûsə̀, e tè tsɔ̀fə nə ghàs tsayn chi èghɛ ə Fezhə̀zè sê ghàyn sə shi. Pîza kə ghàyn kwiynse zəynze, ə tàʼa njiə sengɨŋ saynse kə əghɨ ghɛ ə ghe nyi kwəynê se kyi endam zɛ ə ze tə mîə va, e za nyi nə, ghàs nə̀ zâ ghàyn ə ghàs ndu sê ghɨ ghɛ ə̀ vachi ə̀ghɨ ə Njûsghè.

Ətefɨ̂aʼ 18:6

Ə pə̀ kə ghənə kwiynse ghɛ zɛ ə è pìə, è və pə̀ynsə̀ tsɨ̀m sê ghənə ə pìə nə, “Ə ghàyn njìsè, ə nyi ke ghàyn se ghàm ə sengɨŋ saynse! Gho kɨmke va ətəyn. Se zhə̀tè zôyn se ndù əshi, m nə̀ ndûə se ghɨ ghɛ ə̀ vachi ə̀ghɨ ə Njûsghè.”

Ətefɨ̂aʼ 26:20

Se ndò famə, mə nyaʼâ se ndàʼà ə tom èchùŋ, se zhə̀tè endaʼ ə Ndàmaskùsè se nduə fɨ ə Njèlusalɛ̀m, ə fɨnə kəmnə̀ ndûə apàs endaʼ ə Isìlâykè akɨ̂m è pâs endaʼ ə ghɨ̀ gha ə̀ tè vachi ə̀ghɨ ə Njûsghè nâʼà àkɨ̂m.

Ətefɨ̂aʼ 3:26

Zhə̀fè ə ke chɔʼə Wufɨ̀aʼa ə̀ Vəyn ə tomə sê ghàyn sə shi, nə È nəyn kə nâʼàpî ndè ə ghàyn əfètəyn za ndomte pite ə è kyi pɔsê nə zɨ̂nə̀.”

1 Pità 2:25

kûmə̀ nə ghàyn tè tsɨ̀nə kwîə kə kə se ndzè sɛ ə se nyi mə sə njìsè, pîza zôyn Zhə̀fè ə kɛse nji pəyn ghàyn sê ngyəyn, mə za nyi wùə vɛ ə è naynə ghàyn.