Matyò 10:5 - Ŋwàʼlè ə̀ Fèzhə̀ Mkâyn Mə̂ Fèm

⁵ Ə̀ tè tom fɨsê Njisə̀s è chùmtè èpàm sɨ̂nə̀ njò sepɛ̀ ə fo ghənə è lwɔ̂ŋvè nə, “Kə ghàyn ndu sê wùə endaʼ àtum; kə ghàyn ndu sê wùə ə̀ tɔ̂ŋ ə Sàmalìtâyn nâʼà èmɔ̀ʼ.

Matyò 10:5 ပူးပေါင်းရင်းမြစ်များ

Matyò 22:3

Ə tomə ə̀ghɨ fɨaʼa ə vəynghe nə ghe ndu tsayn se ghɨ ghɛ ə tè tɔŋə fumə ə malə̂, pîza ghɨ ətəynghe ə tə nə ghe pə̂ va.

Matyò 4:15

“Ndaʼa ə Zepulùnzè è ndaʼa ə Naftalìzè, endom se ndù enjwì ə fengwaŋve, apàs e engyinə̂ ə tsò Njondàynkè, Ngalìlî, apàs endaʼ kɛ ghɨ etumə ndamə ətəyn.

Ŋwàʼlè ə̀ Mâk 6:7

È və tɔŋɔ chùmtè èpàm sə vəynse njòse pɛ̀ ə tomə ghənə, kè ə pɛ̀ ə pɛ̀, ə fɨnə fo àtyaʼ sê ghənə nə ghənə ə chumə̀ fɨsə̂ sèzuʼ sepise ə ghɨghə mwìyn.

Tom èchùŋ kè kə Lûk tè nyaʼ 10:1

Ə̀ tè nyi epàm əghɛ nə ghɨyn, Pɛ̂pɛ ə chɔʼtə̂ ə̀ghɨ mɔ̀ʼɔ m̀ghɨ̂m sɛ̀mbɛ njò sepɛ̀ ə tomə ghənə, ə pɛ̀ ə pɛ̀ nə ghənə ndù əshi ə setɔ̂ŋ sekɨ̂m è luʼ tɛ nâʼà vəyn tè nyì se ndù ətəyn,

Tom èchùŋ kè kə Lûk tè nyaʼ 10:33

Pîza wùə endaʼ ə Sàmalyà viu tè ndùə ekwî ə pi è tsɛ̂ kəpi fumə endom ə kɔʼɔ kə və tu, səyn ze e sè ko vəyn sê vəyn.

Tom èchùŋ kè kə Lûk tè nyaʼ 17:16

ə ndùə, fe pə̀ kə Njisə̀s nyi ə pfɨ̀ə ə və shi èkyâʼè ə fo àzɔ̀ŋnè sê vəyn.

Tom èchùŋ kè kə Lûk tè nyaʼ 9:1

Ə̀ tè nyi tuʼfîfe Njisə̀s ə tɔŋɔ ə̀ghɨtom ə vəynghe njò sepɛ̀ ə zùŋtə̀ ghənə lùʼ emɔ̀ʼ ə fo atyaʼ àkɨ̂m sê ghənə kə ghənə ə chûmə̀ fɨsə tèpamə̂ tə satàyntè nâʼà tèkɨ̂m fɨnə tsuʼə tèzaf,

Tom èchùŋ kè kə Lûk tè nyaʼ 9:2

ə tiynsə̂ ghənə nə ə fɨ ndù ndàʼà əghɛ kûmə̀ èfɔ̂yn ə Fezhə̀e ə fɨyn tsuʼ əghɨ ghɛ ə zafə.

Njɔyn 17:18

Mə tom ndzɨsê ghənə ə mbi, kè èghɨ kə ò tè tom ndzɨsê mi ə mbi.

Njɔyn 20:21

Njisə̀s ə pìə kwəynsə̂ sê ghənə nə, “Ə pɔ̂ynè ə nyi sê ghàyn! M tomə ghàyn kèpî kə Pɨ̀a Vɨ̂mvè tè tom Mi.”

Njɔyn 4:20

Pɨ̀a ghɨm ghə shiə ə Sàmalyà tè ngɨmnə Fezhə̀ fa pfɨyn, pîza ghàyn ghɨə Njûsə̀ ghɛ ə pî nə, Njèlusalɛ̀m nyi eluʼ vɛ ə nə ngɨmnə Zhə̀fè ətəyn.”

Njɔyn 4:5

Ə Sàmalyà, È və pə̀ ə tɔ̂ŋ e tɔŋtə̂ nə Sikà, mə ndaʼ ətəyn tè kwùʼte nyi paʼsê eluʼ vɛ ə Njàkɔ̂p tè fo sê vâ vəyn Njosɛ̀f.

Njɔyn 4:9

Wùzhɔyn ə̀təyn ə pə̀ynsə̀ sê Njisə̀s nə, “Ò nyi wùə ə Njû, m nyi wùə zhɔyn ə̀ Sàmalyà, Ò kwì zayn sə̂ ndɔnə m̀mo sê mi ə?” (Wùə Njûs tè vayn kàʼa è tomne wà kɨ̀sə tɔ̀yn yî wùə Sàmalyà.)

Njɔyn 7:35

Ghɨ Njûs eghaʼâ e sè pîə se ngɨŋ sə ghənə̂sè nə, “È kyiŋə se ndù nâʼà ghayn nə ghâsènì nə̂ tàʼa fɨnə fe və ə? È kyiŋə se ndù endaʼ ə ghɨ ə Nglêk zɛ ə ghɨ ghasènìghe ndamə ətəyn se zaʼlê ə ghɨə Nglekghè mə?

Njɔyn 8:48

Ghɨ Njûs ghè ə ke pì sê Njisə̀s nə, “Ghàs tè paʼà nə̀yn àchûŋ se pì nə Ò nyi wùə Sàmalyà, kyi èpamə̂ ə satàynzè ə?”

Ətefɨ̂aʼ 1:8

Pîza ghàyn e ke nə ghàyn nə̀ kyiə àtyaʼ ezhoghɛ Zuʼse Ŋwaʼase pə̂yn sê ghàyn, ə ghàyn ə nyi sètsɛ̀ èsaʼ Sɨmse endaʼ ə Njèlusalɛ̀mzè, è pâs endaʼa Njòndyâkè è kə Sàmalyàkè akɨ̂m, se nduə tàyn tâŋ tə mbi tekɨ̂m.”

Ətefɨ̂aʼ 10:45

Ghɨ Njûs ə pomə ghɛ ə yîghə̀ Pità tè ndò pə̀yn ə Njopà əmɔʼ e sè nyi èkaynze kə Zhə̀fè fo Zuʼse Ŋwaʼase sê ghɨ ghɛ ə̀ tè va ə ghɨ ə Njûsghè.

Ətefɨ̂aʼ 8:1

Ə tè nyàple è Shìtifɨ̀yn zâ, Sɔ̂l e nyi fu ə lotə̂ piə kə nâʼà vəyn nə ə zhwi vəyn. Se zhə̀tə pə̀yn fu fetuʼ, ghɨə ndɛ ə̀ Fèzhə̀ ghɛ ə ghe tè nyi Njèlusalɛ̀m ə zhə̀tə̀ se fe ngəʼ zhizè, è kwûəmə kə nyi. Ghɨə poməghe əkɨ̂m ə tə chyasə̀ ndûə epɨ̀as endaʼ ə Njòndyâvè è və Sàmalyàvè. Pîza ə̀ tè faŋ ke ə̀ghɨtomə Njisə̀sghè fu.

1 Tèsàlonikà 2:16

Endom nə vɨ̂yn ghənə tè mɔ̀msə se tàsè nə kə ghàs wamne sê ghɨ ghɛ ə tè vachi ə̀ghɨ ə Njûsghè kə Zhə̀fè sɔza ghənə. Kûmə̀ zɨnə mə, ghənə ə nə̀yn ke pise nyiə se sɛ se kɔʼ kwəyn. Zhə̀fè nyîə nyɔʼsə̀ ètɔŋ sê ghənə zôyn, shîŋə̀kè kɛ ke kwəyn se fo etsôs sê ghənə!