Matyò 10:41 - Ŋwàʼlè ə̀ Fèzhə̀ Mkâyn Mə̂ Fèm

⁴¹ Ə̂ fi pi ndè fɨ̀aʼtè kûmə̀ nə è nyi fɨ̀aʼtè ə̀ Fèzhə̀, ə è və kyi èmâʼte kèpi kə̂ fɨaʼtə̀ Fèzhə̀, ə fi ndzɨse pindè wùə kûmə̀ nə wùə ə̀təyn nyi chichi ə Zhə̀fè əshi, ə è və kyi emâʼte ə wùə chichize.

Matyò 10:41 ပူးပေါင်းရင်းမြစ်များ

Ipilù 6:10

Zhə̀fè nə̀ va m̀nàŋ endom vɛ ə è saʼa ətəyn. Fe vayn kàʼa fe lɛse kɔ̂ŋ zɛ ə ghàyn tyə̀yn sê ghɨ vəynghe è fɨ̂aʼ zɛ ə ghàyn nə̀ se tsàmtè ə ghənə. Ə̀ nyi nâʼà pî zôyn, ghàyn pa fɨ̂aʼà kə za.

2 Njɔyn 1:8

Ghàyn e tɔ̂ʼnə̀ kə ghàyn tə njìsè àfɨa kɛ ə ghàyn nyi mə ə kàynè fɨ̂aʼ se kyî. Ghàyn e pɨlə kyiŋə endom se kyiə emâʼte fumə ətə̂ èfɨ̀aʼ ə kwùŋse.

1 Kɔlìŋ 9:17

Ə m nə̂ fɨ̂aʼ zɨmze mə ə̀ kɔŋ mi sə̂ nə̂, ə nyi nə ə kyi sə̂ ndàʼà mi; pîza m nə̀ nə̂ kə kûmə̀ nə ə̀ nyi eghɛ, m kyi ke se nə̀yn, mə ə̀ fo Fezhə̀ èfɨaʼ ətəynze nə mə nə̂.

Matyò 16:27

Kûmə̀ nə Va wùə se nyi ke se pə̀yn ə pɨ̀a vəyn epomsê è tsì sə vəynse. Ə nyì fumə ashìŋə̀ ə è nə̀ mâʼtə̀ nâʼà pîndè tɔynə̂ efɨ̀aʼ zɛ è nyi mə è və nə̀yn.

Matyò 6:18

Ghàyn nəyn zɨnə mə kə ghɨghe ə keva nə ghàyn pamə ècho, ə̀ tsɛ̂ kə va Zhə̀fè pɨ̀a vâyn vɛ ə fe va vəyn ke nə ghàyn pamə ècho. È fe ə̀ghɛ ghɛ ə ghe nyi andə̀te, mə nyi Vəyn vɛ ə È tə mâʼtə̀ ghàyn.”

Ŋwàʼlè ə̀ Pɔ̂l sê ghɨə Lûmghè 16:23

Ngayùs vɛ ə m ndamə ə və ndɛ, ndɛ ə̀ Fezhə̀ e njiə kəpi fu, pi nə m tɔŋtê kəpi ghàyn. Èlasɨtùs vɛ ə è ndə̀mə̀ kɛ endaʼve, è ànyì ə̀ ghâsènì Katùs tomə ètɔŋtê ə ghənə̂zè sê ghàyn.

Matyò 6:6

Ə ò nyì se tsə̀m, ndù ə ndɛ fètəyn, kyɨ̀ŋ pâʼà ndɛke, ə tsə̂mə̀ sê pɨ̀a ve vɛ ə fe va vəyn. Ə pɨ̀a ve vɛ È zɨə ghɛ ghɛ ò tsə̀mə̀ andə̀te, tə mâʼtè gho.

Ətefɨ̂aʼ 16:15

Ə pə̀ kə fo môm sê vəyn è ghɨə vəyn ghe sas ə ndɛghe, è və ke ndàmnè ə ghàs ə və ndɛ. È tè piə nə, “Ghàyn pəyn pɨəyn ə mìə ndɛ, ezhoghɛ ə ghàyn nyi mə ə chɔʼnê nə m nyi wùə èpomə ə̀ Pɛ̂pɛ səmɔʼ.” È və chyatə̂ tsɛsə̀ ghàs, ghàs ə ndùə.

Matyò 6:4

Zɨnə mə nə̀ nə̂ ə wùə vîvè tàʼa ke afɨa kɛ ò fo sê veyn. Zhə̀fè pɨ̀a vâyn vɛ ə è fe nâʼà pî ghè andə̀te nə̂ maʼte ghô.”

Matyò 6:1

Ghàyn e tɔ̂ʼnə̀! Sə̂ nə̂ va ghɛ Fezhə̀ ghaynghe chûŋə̀ kè nə ghɨ fe. Ə ghàyn nə̀ ghɛ nə ghɨ ghə fe, ə ghàyn tə tàʼa kyiə emâʼte sê Pɨ̀a vâynvè ekwùtwəyn.

Matyò 7:8

Kûmə̀ nə ə̀ pfɨfə pîndè sê Zhə̀fè ə è nə̂ kyi, ə kyiŋə pîndè ə è nə̂ fe. Nâʼà pîndè vɛ ə è ngɔʼte chondɛve, ə Zhə̀fè nə̂ chwie sè vəyn.

Matyò 25:44

Ə ghənə ke pì sê vəyn nə, ‘Pɛ̂pɛ, ə̀ nyì zɨ̂yn ə ghàs tyəm fe ghô, chɨ̀ŋ e zafə ghò, pi kə zafə pfɨ̀ŋ m̀mò è ghò, pi kə wùə èmòtəpə, pi mə o kyi va ndzɨse, pi mə ò zafə ndò, pî ə ndɛ ə̀chaʼ, ghàs ə tàʼa tsàmtə gho ə?’

Matyò 25:45

Ə fɔ̀yn pəynse nə, ‘M pîə sê ghàyn səmɔʼ nə, nâʼàpi zɨ̂yn ə ghàyn tè tə se tsàmtə wùə èmɔ̀ʼ vɛ è chùmtə̀ mi mə è kɔʼnə̂ va, ghàyn tè tə se tsàmtə Mi.’