Matyò 10:4 - Ŋwàʼlè ə̀ Fèzhə̀ Mkâyn Mə̂ Fèm

⁴ ə fɨyn nyi Shimùyn ə wùə vɛ ə è kyi ndaʼə vəynze ətəm (àlwù), è Njondàs Èskalɔ̀t vɛ ə è tè kɛse pəʼle Njisə̀s.

Matyò 10:4 ပူးပေါင်းရင်းမြစ်များ

Matyò 26:14

Wùə èmɔ̀ʼ əfètə̂ sèchùmtè èpàm njò sepɛ̀, ə vɛ ə tè tɔŋtə nə Njondàs Èskalɔ̀t ə ndùə fe ə̀ghɨ kɔʼsə nə eshyə̀ engaŋtəghe

Matyò 26:15

ə pfɨfə sê ghənə nə, “Ghàyn nə̀ fo ghè sê mi ezhoghɛ m fo Njisə̀s ə ghàyn ə gho?” Ghənə taŋtə̂ fo èkɛ ə silvàvè sê vəyn, m̀ghɨm ta.

Matyò 26:2

“Ghàyn kyi sə̂ ke nə epàm mtuʼ mpɛ̀ nə̀ nə̂ nyi è zhi efɨazhi ezaʼa tsɛve. Ə̀ nyì fumə fetuʼ kə nə̀ fo tsɛsə̀ Vâ wùə ə ghɨghe əgho nə ə paynte awâmnè.”

Matyò 26:47

Njisə̀s e sè pa wàmnə̀ kə ndò, Njondàs vɛ ə è tè nyì kepî wùə èmɔ̀ʼ əfètə̂ sèchùmtè èpàm sə vəynse njò sepɛ̀, ə kɔʼɔ pə̂ yî nɔ̂yn ə ghɨ̀kè, ke tsɨ̀ə kə nyi, kyi tefɛ̂ è mbàŋsè. Ə̀ ghənə tè tom ə ghɨ kɔʼsə nə eshyə̀ engaŋtə è chəʼse ndaʼse,

Matyò 27:3

Kə Njondàs vɛ ə è tè pəʼle Njisə̀s zɨ nə ə tsɛ̀sè saʼze nə ə zhwi Njisə̀s è və kwiynə̂ ə kɛsə̂ njîə ndûə èkɛ ə silvàvè m̀ghɨm ta sê ghɨ èkɔʼsə nə eshyə̀ engaŋtəghe, è chəʼse.

Ŋwàʼlè ə̀ Mâk 14:10

Njondàs Èskalɔ̀t, ə wùə èmɔ̀ʼ əfètə̂ sèchùmtè èpàm sə Njisə̀sè njò sepɛ̀ ə ndò ə ndùə fe ə̀ghɨ kɔʼsə nə eshyə̀ ngaŋtəghe, se pəʼlê ə Njisə̀s sê ghənə.

Ŋwàʼlè ə̀ Mâk 14:43

Njisə̀s tè pa wâmnə̀ ndò. Njondàs vɛ è tè nyì kepî wùə èmɔ̀ʼ əfètə̂ sèchùmtè èpàm sə vəynse njò sepɛ̀, ə pə̀. È tè nyì yighə̀ nɔ̂yn ə ghɨ̀kè ke kyi tefɛ̂ è mbàŋsè, mə tom əghɨ kɔʼsə nə eshyə̀ ə ngaŋtəghe, è tyə̀ynsè sə alàŋsè, è ghɨ ghaʼlê ə Njûsə̀.

Tom èchùŋ kè kə Lûk tè nyaʼ 22:3

Satàyn ə njiə ə Njondàs ewìyn vɛ ə ghɨə te tɔŋtə kəpiə nə Èskalɔ̀t, ə̀ nyi kepî wùə èmɔ̀ʼ əfètə̂ se chùmtè èpam sə Njisə̀sè njò sepɛ̀.

Tom èchùŋ kè kə Lûk tè nyaʼ 22:47

Njisə̀s e pa wâmnə̀ kə ndò, nɔ̂nə ə ghɨ kə e pə̀, əsi e nyi Njondàs, kəpi wùə emɔ̀ʼ ə fetə̂ sechùmtè pàm sə vəynse njò sepɛ̀. È və kɨŋtə pə̀ sè kyiŋə se paŋnə Njisə̀s.

Njɔyn 13:2

Ə nə̀ kwɨlə̂ sè zhiə ashìŋə̀ ezhwikwɨləke, ə̀ nyi zâ mə ndə̂plè ə fo kwâʼtè epize sê Njondàs Èskalɔ̀t, ə va Shimùyn, nə è pəʼle Njisə̀s.

Njɔyn 6:64

Pîza ghàyn yîghe pomə̂ va.” (Njisə̀s tè piə È zhə̀tè se zaʼlê mə È ke ndô ghɨ ghɛ ə nə̀ pomə va sê Vəyn, è wùə vɛ ə è nə̀ pəʼlə Vəyn.)

Njɔyn 6:71

È tè wàmnə̀ kûmə̀ Njondàs, ə va Shimùyn Èskalɔ̀t. Njondàs, pi kə è tè nyi wùə èmɔ̀ʼ əfètə̂ sèchùmtè èpàm njòsepɛ̀, nyi vəyn vɛ ə è tè pəʼle Njisə̀s.

Ətefɨ̂aʼ 1:13

Ghənə pə̀ tâ ə Njèlusalɛ̀m ə njiə kɔʼɔ ndùə ə lûm ə̀ ndɛ èkwùtwəyn zɛ ə ghənə tè ndamə ətəyn. Ghɨ ə tom nə ghɨnə tè nyi Pità, è Njɔyn, è Njə̂m, è Andɨ̀lò, ə nyi Filìp, è Tɔ̀mɔ̂s, ə nyi Pàtòlòmiyà, è Matyò è Njə̂m ə va Àfeyùs, è Shimùyn vɛ ə è tè kàʼa è kwu kûmə̀ èndaʼ ə vəynze, ə̀ fɨyn nyi Njondàs ə va Njə̂m.

Ətefɨ̂aʼ 1:25

nə è nji luʼə wùətom vɛve Njondàs kə è tè za ə ndùə elùʼ vɛ ə è kyi sə̂ nyi ətəyn.”