Matyò 10:2 - Ŋwàʼlè ə̀ Fèzhə̀ Mkâyn Mə̂ Fèm

² Ə̀ ghɨnə nyi əzə əghɨ̀tomə njò sepɛ̀: Wùə shi tè nyi Shimùyn vɛ ə tè tɔŋtə kəpî nə Pità, è ànyìə vəyn Andɨ̀lò. È Njə̂m yî ànyìə vəyn Njɔyn, ə ghɔ Zepɛ̀ndîə;

Matyò 10:2 ပူးပေါင်းရင်းမြစ်များ

Matyò 17:1

Epàm ə mtuʼ mtufə, Njisə̀s ə njiə Pità è Njə̂m yî ànyìə vəyn Njɔyn ə kɔʼɔ è ghənə etûə pfɨ̀yn è ngaŋtə kə nyi, mə nyì ke ghənə fu.

Matyò 20:20

Epàm ətəyn, zhwìə Zepɛndì ə ke pə̀yn sê Njisə̀s è ghɔ vəyn ghendômə̀ ghəpɛ̀, ə pə̀ ə tɨmə ə̀ndzɨs ə vəyn əshi ə chyatə̂ vəyn nə, È nəyn zhi èghɛ echûŋzè.

Matyò 26:37

È və njìə Pità yî ghɔ Zepɛndì ghə pɛ̀. Kə è ndùə tsôsvè, è kosê esəynze ə lwinə ə vəyn ə təm.

Matyò 4:18

Njisə̀s tè kwìə tsɛ̂ etipì enjwì ə Ngalìlîvè tuʼ fife, ə fe Shimùyn yî ànyìə vəyn Andɨ̀lò, ghənə e maʼà fèlàm ə tsô se ko embwɔ̀, ə nyi efɨ̀aʼ ə ghənə̂zè.

Matyò 4:21

Kə ghənə tè kɨŋte ndu se chə, Njisə̀s ə fe kwəynsə̂ ə̀ ndômnè ə̀ pɛ̀, ə Njə̂m yî Njɔyn mə nyi əghɔ Zepɛ̀ndîə. Ghənə tè nyi ə ngwùʼ èghaʼâ yîghə̀ pɨ̀a, pɨaʼtə̂ m̀làm mə ghənə̂m. Njisə̀s ə tɔŋɔ̂ ə̀ghɔ nyì ghɛ ə̀pɛ̀ nə ghənə chumte Vəyn.

Ŋwàʼlè ə̀ Mâk 1:29

Njisə̀s yî Njə̂m è Njɔyn ə fɨə ə ndɛ atsɨ̀ynte kè sə ashìŋə̀, ə nàynə̀ ndùə kə ə Shimùyn è Andɨ̀lò ə ndɛ.

Ŋwàʼlè ə̀ Mâk 13:3

Njisə̀s tè tsɨs etûə pfɨ̀yn ə̀ Sèolìf. Pfɨ̀yn ə̀təyn tè kyàʼnə tyâŋsə̀ Ndɛ Ètsə̀mə. Pità yî Njə̂m, è Njɔyn, è Andɨ̀lò ə nyaʼtə̂ pə̂ fe vəyn ə pfɨfə nə,

Ŋwàʼlè ə̀ Mâk 6:30

Ghɨətom ghɛ ə Njisə̀s tè tom ə kɛsə̂ pə̂ sê vəyn ə tsâ ə̀ghɛ ə̀kɨ̂m ghɛ ə ghənə kwîə nə̂, fɨnə zaʼlə̂.

Tom èchùŋ kè kə Lûk tè nyaʼ 11:49

Kûmə̀ nyi, zɛ ə tɔŋtə nə, ‹Tɔf eghaʼâ ə Fezhə̀zè› pi nə, ‹M nə̀ tomə sèfɨ̀aʼtè seghaʼâsè è ndùətomse sê ghənə, ə ghənə zhwite ghəmɔ̀ʼɔ, ə fo ngəʼ sê ghəmɔ̀ʼɔ.›

Tom èchùŋ kè kə Lûk tè nyaʼ 22:14

Shiŋə kə kwəynə, Njisə̀s e sè zhiə yî ghɨətom ə vəyn ghe

Tom èchùŋ kè kə Lûk tè nyaʼ 22:8

Njisə̀s ə tomə pità yî Njɔyn ə piə nə, “Ghàyn ndu fetê efɨazhiə ezaʼa tsɛve kə ghâsènì zhi.”

Tom èchùŋ kè kə Lûk tè nyaʼ 5:10

Ghɔ Zepɛndì ghɛ ə yî Shimùyn tè fɨ̀aʼa əmɔʼ, mə za nyi Njə̂m è Njɔyn, tè nyi kepî è kayn. Njisə̀s ə ke pi sê Shimùyn nə, “Kə ò fɨyn fayn, se zhə̀tè zôyn se ndù əshi, ò nə ko əghɨ.”

Tom èchùŋ kè kə Lûk tè nyaʼ 9:10

Ə tè nyi kə ghɨətom ə Njisə̀sə̀ kɛse kwɨlə pə̀yn sê vəyn ə tsà naʼapi ghè vɛ ə ghənə nə̀yn, è və njìə ghənə, yî ghə̀ ghənə ə zà əghɨ ə ndùə njiə ə tɔ̂ŋ zhîzè, e tɔŋtə̂ nə Pètsayndà.

Njɔyn 12:22

Filìp ə ndùə tsâ sê Andɨ̀lò, ghənə ə pɛ̀ ə ndùə tsâ sê Njisə̀s.

Njɔyn 13:23

Chùmtè èpàm ə̀ Njisə̀s zhîzè emɔ̀ʼ vɛ ə è tè kɔ̂ŋɔ̀ sə nɨŋ e tsɨs paʼsê sê vəyn.

Njɔyn 20:2

È və ndò pə̀ è nyɨŋe ə pə̀ fe Shimuyn Pità è chùmtè èpàm ə̀ mɔ̀ʼɔ̂ vɛ ə Njisə̀s tè kɔ̀ŋɔ. Mèli ə tsà se ghənə nə, “Ə fɨsê pfɨyn ə Pɛ̂pɛze eshyə̀ eghaʼâzè, ghàse ke va nə ə ndəm ghayn və!”

Njɔyn 21:2

Tuʼ fîfe, Shimuyn Pità, Tɔ̀mɔ̂s vɛ ə tè tɔŋtə̂ nə, (Apɨaʼsè), è Nàtanyèl (ə vɛ ə è tè ndô ə Kanà apàs endaʼ ə Ngalìlîkè), è ghɔ ə Zepɛ̀ndîə, è chùmtè èpàm sə Njisə̀s shîse sepɛ̀, ə zùŋtə̀ luʼve emɔ̀ʼ.

Njɔyn 21:20

Pità ə kə̀mnə̀ naynə̂ ə fe chùmtè zɛ ə Njisə̀s tè ngəsə̂ kɔ̂ŋɔ̀ zâ, è pə̂ ə ghənə epàm, ə nyi kepî vɛ è tè zaʼnə ndùə ə Njisə̀s ewìyn elùʼ ə ezhiəve zâ ə pfɨfə sê vəyn nə, “Pɛ̂, ə̀ nə̀ pəʼlə̂ ndè ghò ə?”

Njɔyn 21:24

Chùmtè èpàm ə̀ Njisə̀s nə zɨ̂yn ə nyi zɛ ə è tsâ ghɛ nə ghɨ̂yn, ə nyì kepî zə̂yn zɛ ə è tè nyàʼ ghɛ ətəynghe. Ghàs tè ke ndô nə ghɛ zɛ ə è pìə nyì ke səmɔʼ.

Njɔyn 6:67

Njisə̀s ə ke pfɨf se chùmtè èpàmse njòse pɛ nə, “Ghàyn pɔŋɔ kyiŋə kəpî se kɛse mə?”

Njɔyn 6:70

Njisə̀s ə pə̀ynsə̀ sê ghənə nə, “Ə̀ tè chɔʼ mi ghàyn njòse pɛ̀, mə va zamə? Pîza wùə èmɔ̀ʼ ə ghàyn ə fètəyn nyi ndə̂plè.”

Njɔyn 6:71

È tè wàmnə̀ kûmə̀ Njondàs, ə va Shimùyn Èskalɔ̀t. Njondàs, pi kə è tè nyi wùə èmɔ̀ʼ əfètə̂ sèchùmtè èpàm njòsepɛ̀, nyi vəyn vɛ ə è tè pəʼle Njisə̀s.

Njɔyn 6:8

Chùmtè èpam ə̀ Vəyn və mɔ̀ʼɔ, e tɔŋtə̂ nə Andɨ̀lò, mə ə̀ tè nyi ànyìə Shimùyn Pità ə ke pì nə,

Ətefɨ̂aʼ 1:13

Ghənə pə̀ tâ ə Njèlusalɛ̀m ə njiə kɔʼɔ ndùə ə lûm ə̀ ndɛ èkwùtwəyn zɛ ə ghənə tè ndamə ətəyn. Ghɨ ə tom nə ghɨnə tè nyi Pità, è Njɔyn, è Njə̂m, è Andɨ̀lò, ə nyi Filìp, è Tɔ̀mɔ̂s, ə nyi Pàtòlòmiyà, è Matyò è Njə̂m ə va Àfeyùs, è Shimùyn vɛ ə è tè kàʼa è kwu kûmə̀ èndaʼ ə vəynze, ə̀ fɨyn nyi Njondàs ə va Njə̂m.

Ətefɨ̂aʼ 1:26

Ghənə ə tɨmə pə̀ʼ, zə ə Màtyâs zə fɨə pə, ə ke paʼsə̂ vəyn anɔ̀yn ə ghɨətom ghɛ njò èmɔ̀ʼ.

Ətefɨ̂aʼ 12:2

È və nə̀ ə ko Njə̂m, ə̀ nyi ànyìə Njɔyn, ə zhwiə vəyn è nyife tyâfè.

Ətefɨ̂aʼ 3:1

Ə̀ tè nyi tuʼ fîfe, Pità yî Njɔyn ə ndùə ə ndɛ̂ ètsə̀mə ə sechwìə sèta mə zhwize ə pɔ, ashìŋə̀ kɛ ə ghɨ tsə̂mə̀ tsɛ̂ ətəyn.

1 Kɔlìŋ 15:7

È və tyə̀ynə̀ ngɨŋə̂ vəyn sê Njə̂m ə fɨnə tyə̂nə̀ se ghɨətomə nâʼà ə̀kɨ̂m.

Ɛfesùs 4:11

Ə̀ nyi vəyn vɛ ə è tè chɔʼ ghɨ mɔʼɔghe ə ndə̀mə̀ sə ghɨətomə, ə chɔʼɔ ghəmɔ̀ʼɔ ə ndə̀mə̀ sə sèfɨ̀aʼtè se ghaʼâsè, ə chɔʼɔ ghəmɔ̀ʼɔ ə ndə̀mə̀ nə ə nə ndâʼà èghɛ ə Fezhə̀ ətelùʼ ətelùʼ ə fɨnə chɔʼɔ ghəmɔ̀ʼɔ nə nə nyi sèfɨ̀aʼtè, ə chɔʼɔ ghəmɔ̀ʼɔ sə setyə̀ynsè.

Ipilù 3:1

E za nyi nə ghàyn kyi se fɛtə̂ ndə̀mə ekwâʼtè zaynze sê Njisə̀s ə ghɔnyìə ghɨm ghe Ŋwaʼa ghɛ ə Zhə̀fè pɔŋ tɔŋɔ nə ghàyn ə nyi ə̀ghɨ vəynghe. Ə̀ nyi vəyn vɛ ə ghâsènì njì kə wùətom ə̀ ghâsènì è wùə èkɔʼsə nə èshyə̀ èngaŋtə kwəynə.

1 Pità 1:1

Ə̀ nyaʼ mi Pità ŋwàʼlè zɨ̀nə̀, ə wùətom ə̀ Njisə̀s Klâys sê ghàyn ghɨə Fezhə̀ ghɛ ə fe chɔʼte, mə ə sàŋ fɨse ghàyn, ghàyn ghɛ ə waŋ nga ndaʼ ə Lûm, epɨ̂as endaʼ ə Pontùsvè, è Ngàleshyà, è Kàpàndoshyà, è Esiyà, è Pìtinyà.

2 Pità 1:1

Ə̀ nyâʼà mi Shimùyn Pità ŋwàʼlè zɨ̀yn. M nyi wufɨ̀aʼa ə Njisə̀s Klâys fɨyn nyi kepî wùətom ə̀ vəyn. M nyâʼà ŋwàʼlè nə zɨ̂yn sê ghàyn ghɛ ə ghàyn pomə sê Njisə̀s Klâys kèpi kə ghàs. Njisə̀s Klâys nəyn nə ghâsènì kyi kyî epomə̂ nə zɨ̂nə̀ kûmə̀ nə è nyi chichi kə Fezhə̀, ə nyi vəyn vɛ ə ghâsènì kɔʼsə, è nyi sɔ̀zà ə̀ ghâsènì.

2 Njɔyn 1:1

Ə̀ nyàʼà mi chəʼ ə ndɛ ə̀ Fèzhə̀, sê wùzhɔyn vɛ Zhə̀fè chɔʼ yî ghɔ vəyn ghe. M kɔ̂ŋə̀ ghàyn è təm ghɨm ghe əkɨ̂m, ə̀ kɔ̂ŋɔ̀ kə va mi ghàyn, pîza ghɨ əkɨ̂m ghɛ ə ghe ke ghɛ zɛ ə ze nyi səmɔʼ kɔ̂ŋɔ̀ kəpi ndò ghàyn.

3 Njɔyn 1:1

Ə nyâʼ mi chəʼ ə ndɛ̂ Fèzhə̀, sê soyn vɨ̂m Ngayùs vɛ m kɔ̂ŋɔ̀ səmɔʼ.

Etyə̂yn ə paynsêzè 1:1

Ə̀ fâ ŋwàʼlè nyi əghɛ ghɛ ə Njisə̀s Klâys tè tyə̀yn paynsê se Njɔyn. Zhə̀fè tè fo əghɛ ə tyə̂nə̀ paynsə̂ nə ghɨnə̀ sê vəyn nə è tyəyn sê ghɨ ə fɨaʼa vəynghe kə ghənə nə ke ə̀ghɛ ghɛ ə ghe nyi se nə kwùʼə kyàyn. Ə̀ tè nyi kə è kyiŋə nə ə ke ə̀ghɛ nə ghɨ̂nə̀, è və tomə tsì ə̀ vəyn sê Njɔyn, ə̀ nyi kepî wùə è fɨ̀aʼa ə vəyn vîvè.

Etyə̂yn ə paynsêzè 1:9

M nyi Njɔyn ànyì vâynvè, ə vɛ ə è fe kəpî tsôsvè kə ghàyn kûmə̀ nə ghâsènì ə pomə̂ sê Njisə̀s. Ghâsènì kolə ə̀təm əfètə̂ temɔ̀m kûmə̀ nə ghâsènì ə pomə̂ sê Njisə̀s. Ə tè tsə̀fse mi mə chum ndû mi elùʼ vɛ ə tsò nyi mə è zə kyìŋ ka, e tɔŋtə̂ nə Patmòs kûmə̀ nə m tè ndàʼa tom ə̀ Fèzhə̀ tsâ se ghɨə kûmə̀ Njisə̀s.

Etyə̂yn ə paynsêzè 18:20

“Ghàyn ghɛ ə ghàyn ndamə ekwùtwəyn, ghàyn e saŋnə̂. Ghàyn e saŋnə̂ ə ghɨə Fezhə̀ è ghɨətomə, è fɨ̀aʼtèsè kûmə̀ nə Zhə̀fè ə kà saʼ ə̀ Papilɔ̀yn pɔynsə̂ vəyn əghɛ ghɛ ə è tè nə̀yn sê ghàyn!”

Etyə̂yn ə paynsêzè 22:8

Ə mi Njɔyn ə tə zɨ ə fe ə̀ghɛ ghɨ̀yn nâʼà ə̀kɨ̂m. Ə pə̀ kə m zɨ, ə fe mɨ̂sə̀ ghəynghe, ə tɨmə ə̀ngwuʼ ə tsì zɛ əshi ə è fə tyəyn ghəynghe sê mi se ngɨmnê ə zə̂ynzè.