Matyò 10:1 - Ŋwàʼlè ə̀ Fèzhə̀ Mkâyn Mə̂ Fèm

¹ Njisə̀s ə tɔŋə̂ chùmtè èpàm sə vəynse njòse pɛ̀, ə fo atyaʼ nə ghənə ə chûmə̀ fɨsə sezuʼ se pise fɨnə tsuʼə tèkyì tə tezafte tekɨ̂m.

Matyò 10:1 ပူးပေါင်းရင်းမြစ်များ

Matyò 19:28

Njisə̀s ə pìə sê ghənə nə, “M pîə sê ghàyn səmɔʼ nə, nyì se tə pə̀yn, kə Va Wùə tə nə̂ ə è və tsɨs əfekyə̀ fə efɔ̀ynfè ə Vəyn mkɔʼnè, ə ghàyn njòse pɛ̀ ghɛ ə ghàyn chûmtə̀ mi pɔŋ tsɨsə ə mkyə̀ mə̂ efɔ̀ynə̀m ə saʼa tètâŋ tə Isìlây tɨ̂nə̀ njòse pɛ̀.

Matyò 26:20

Kə ə̀ tè nyi ezhwikwɨlə, Njisə̀s è chùmtè èpàmse njò sepɛ̀ ə tsɨsə̂ se zhi efɨa zhiə vɛ.

Matyò 26:47

Njisə̀s e sè pa wàmnə̀ kə ndò, Njondàs vɛ ə è tè nyì kepî wùə èmɔ̀ʼ əfètə̂ sèchùmtè èpàm sə vəynse njò sepɛ̀, ə kɔʼɔ pə̂ yî nɔ̂yn ə ghɨ̀kè, ke tsɨ̀ə kə nyi, kyi tefɛ̂ è mbàŋsè. Ə̀ ghənə tè tom ə ghɨ kɔʼsə nə eshyə̀ engaŋtə è chəʼse ndaʼse,

Matyò 4:23

Njisə̀s ə ndò kwîə ka tè ndaʼà tèkɨ̂m endaʼa Ngalìlîzè zaʼlə̂ èghɛ ə Fezhə̀zè ə se ndɛ sə atsɨ̀yntese, kɛsə̂ ndâʼà tom èchùŋ kûmə̀ èfɔ̂yn nə Fezhə̀vè. È tè tsuʼə əghɨ ezafə əkɨ̂m è kɨsè kyì tə tezaf tɛ ə te tè nyi ə ghənə fètəyn.

Matyò 6:13

Kə ò zâ nə ghàs pfɨə nji emɔ̀m pîza kɨ̀ŋte ghàs sê satàyn.

Matyò 9:35

Njisə̀s e kwîə ka môtə̀ sètɔ̂ŋ sèkɨ̂m è tə̀ʼse, zaʼlə̂ èghɛ Fezhə̀zè ə se ndɛ sə atsɨ̀yntese, ndaʼà tom èchùŋ kûmə̀ èfɔ̂yn ə Fezhə̀vè, tsuʼə ə̀ghɨ zafə ghəkɨ̂m è kyì tə tezaf tekɨ̂m.

Matyò 9:38

Ghàyn tsə̂m nə pɛ̀ àfùʼ tom ghɨə əkwiəghe.”

Tom èchùŋ kè kə Lûk tè nyaʼ 10:19

Ghàyn e ke nə mə fo tyaʼa sê ghàyn nə ghàyn kàʼa ə ghàyn tsəle mbam sepise è kwəm ekwue ə fɨnə fo atyaʼ nə ghàyn tɛ tsɛ̂ pàyn, kè ndom tekɨ̂m. Nâʼà àfɨa kyia tə fo va ngəʼ sê ghàyn.

Tom èchùŋ kè kə Lûk tè nyaʼ 21:15

kûmə̀ nə nâʼà mi tə fo ewâmnè è tɔf eghaʼâzè sê ghàyn, ə wùə tàʼa kyàyn se kɔ̀psè əghɛ nə ghɛ ə ghàyn piə.

Tom èchùŋ kè kə Lûk tè nyaʼ 24:49

Ghàyn ə kɛ nə, m nyi tom efe zɛ Pɨ̀a vɨm te tsɨ̀ne sê ghàyn. Pîza ghàyn tsɨsə kə fayn endaʼ sè zaʼâ kə tyaʼ nə ke ndo ekwùtwəyn, ə ke tso ə ghàyn ə tu.”

Tom èchùŋ kè kə Lûk tè nyaʼ 6:13

Tuʼve ə kwənə, è və tɔŋɔ sechùmtè èpàm sə vəynse ə chɔʼtə̂ ghɨ njò sepɛ̀ ə ndə̀mə̀ kəpi ghənə sə ghɨətom ə vəynghe.

Njɔyn 17:2

kè kə Ò nyi mə O fo tyaʼa sê Vəyn e tùə ghɨ ə̀kɨ̂m kə È nəyn, ə ghɨ ghɛ ə O fo sê Vəyn kyi ndam zɛ ə ze tə mîə va.

Njɔyn 3:27

Njɔyn ə pə̀ynsə̀ sê ghənə nə, “Wùə vîvè vayn kyi afɨa mə ə̀ paʼà fo Zhə̀fè.

Njɔyn 3:35

Ə pɨ̀a vayn kɔ̂ŋɔ̀ vayn, è və ndə̀mə̀ ə̀ghɛ ə̀kɨ̂m ə vəyn əgho.

Njɔyn 6:70

Njisə̀s ə pə̀ynsə̀ sê ghənə nə, “Ə̀ tè chɔʼ mi ghàyn njòse pɛ̀, mə va zamə? Pîza wùə èmɔ̀ʼ ə ghàyn ə fètəyn nyi ndə̂plè.”

Ətefɨ̂aʼ 1:8

Pîza ghàyn e ke nə ghàyn nə̀ kyiə àtyaʼ ezhoghɛ Zuʼse Ŋwaʼase pə̂yn sê ghàyn, ə ghàyn ə nyi sètsɛ̀ èsaʼ Sɨmse endaʼ ə Njèlusalɛ̀mzè, è pâs endaʼa Njòndyâkè è kə Sàmalyàkè akɨ̂m, se nduə tàyn tâŋ tə mbi tekɨ̂m.”

Ətefɨ̂aʼ 19:15

Pîza zuʼ sepi sə təynse ə pìə se ghənə nə, “M nyîə ke Njisə̀s, ke kepî kûmə̀ Pɔ̂l, pîza se ghàyn, ghàyn nyi ghə̀ nde ə?”

Etyə̂yn ə paynsêzè 12:1

Chwìə èkayntə zhizè ə fɨə awulə, ə̀ nyi wùzhɔyn mə è və màʼ zhwize sə sendzɨs, njɔŋ e nyi ə vəyn etyə̂ ə̀ghòl, fɔ əte fɔ̀ynkè e nyi ə vəyn atu kyi m̀lî m̀ghɨm njò sepɛ̀.