Matyò 1:1 - Ŋwàʼlè ə̀ Fèzhə̀ Mkâyn Mə̂ Fèm

¹ Ə̀ ghɨnə nyi əzə ghə̀pɨ̀a ə pɨ̂a Njisə̀s Klâysə̀. Njisə̀s tè ndò e tɔ̀ŋ ə ndɛ fɔ̀yn Ndàfîtzè, mə Ndàfît ndò e tɔ̀ŋ ə ndɛ Aplàghâmzè.

Matyò 1:1 ပူးပေါင်းရင်းမြစ်များ

Matyò 1:18

Ə̀ nyiə nyì kə piə Njisə̀s Klâyszè tè nyi. Nyìə vəyn Mèli tè nyi mə Njosɛ̀f ə fo fɨake ə tu se njiə vəyn sə zhwi, pîza tsɔ̀fə kə ghənə malə, Mèli ə pɔŋə vayn atyaʼ ə se Zuʼse Ŋwaʼase.

Matyò 1:2

Aplàghâm tè nyi pɨ̀a Azɨ̀k. Azɨ̀k e nyi pɨ̀a Njàkɔ̂p, Njàkɔ̂p e nyi pɨ̀a Njondà yî ghɔnyìə.

Matyò 15:22

Wùzhɔyn emɔ̀ʼ endaʼ ə Kanànâtzè mə è tè ndamə fu endaʼ ə fɨə pə̂ sê Njisə̀s chîə, puʼə àpɔ̂ŋ pîə nə, “Kose səyn sê mi ə Pɛ̂pɛ, Va fèghàŋ ə ndɛ Fɔ̀yn Ndàfîtfè! Vayn vɨ̂m vê èzhɔyn nyîə zɨə ngəʼ nâʼà sə ŋaŋ kûmə̀ nə pamə̂ ə satàynzè nyi ə vəyn wìyn.”

Matyò 3:16

Njisə̀s tè fi mɨsè m̀mo, ə fɨə pə̂ ə tsô. Kwutwəynve ə chwìə, È və fe Sèzuʼ sə Fezhə̀sè se tso pə̂ nyi ke kə akwɨ̀l ə masə̂ ə və atu.

Matyò 9:27

Njisə̀s ə ndò fumə sè kwîə ndûə, ghɨ e fofə ghə pɛ̀ ə chùmtə̀ vəyn, pɨ̀a tɔŋɔ piə nə, “Kose səyn sê ghàs ə Va fèghàŋ ə ndɛ Ndàfîtfè!”

Tom èchùŋ kè kə Lûk tè nyaʼ 1:33

E za tyə̂nə̀ nə è kɔʼɔ sə fɔ̀yn ə ndɛ ə Njàkɔ̂p ə è faŋ ke ndo, ə fɔ̂yn ə vəyn tə tàʼa mì.”

Njɔyn 7:42

Ŋwàʼlè ə̀ Fèzhə̀ pi nə vɛ ə chɔʼ ndə̂m tə fɨə ndom və esas ə ndɛ Fɔ̀yn Ndàfîtzè, mə ə tə piə Vəyn ə Petlɛ̀ghêm ə tɔ̂ŋ zɛ ə Ndàfît tè ndamə ətəyn”

Ətefɨ̂aʼ 2:30

Ndàfît tè nyi fɨ̀aʼtè ə̀ Fèzhə̀, ke àfɨa kɛ ə Zhə̀fè tè tsɨ̀ne se fo se vəyn. Zhə̀fè tè nji mkâyn nə È tə njiə vayn ə feghàŋ fə ndɛfə Ndàfîtfè sə fɔ̀yn kè eghɨ kə Ndàfît tè nyi fɔ̀yn.

Ŋwàʼlè ə̀ Pɔ̂l sê ghɨə Lûmghè 1:3

Tom èchùŋ nə zɨ̂yn wàmnə̀ kûmə̀ Vâ Fèzhə̀, ə Pɛ̂pɛ ə̀ ghâsènì Njisə̀s Klâys. È tè piə è pə̀ ə chi sə wûə m̀sɔ̀ŋ, ə pîə Vəyn esas ə ndɛ ə Ndàfîtzè.

Ŋwàʼlè ə̀ Pɔ̂l sê ghɨə Lûmghè 4:13

Ghɛ mɔ̀ʼɔ zɛ ə ghâsènì ke nyi nə sə mɨ, Zhə̀fè ə tə tsɨ̀nè se Aplàghâm è ghâŋ fə vəynfe nə Zhi tə fo mbi ə ghənə gho. Zhə̀fè tè paʼà wàmnè chi zamə kûmə̀ nə Aplàghâm tè nyiə chumtə̀ elwɔ̂ŋ ə Vəynve. Zhə̀fè tè pi nyiəmə kûmə̀ nə Aplàghâm ə tə pomə̂ vəyn, Zhə̀fè ə njìə vəyn kə wùə chichi ə və shi.

Ŋwàʼlè ə̀ Pɔ̂l sê ghɨə Lûmghè 9:5

Ghənə nyi əghɔ ghɔynə pɨa pɨa ghasènìghe. Kə tè piə Klâys kə wùə m̀sɔ̀ŋ, È tè fɨ pə̂yn ə ghənə etàŋ. Tsîtèzè nyì sê Zhə̀fè sə teshìŋə̀ tèkɨ̂m, ə Vəyn vɛ fɨave ekɨ̂m nyi ə vəyn etyə̂ àtyaʼ. Ə ze ə nyi ke zamə.

Ngàleshyà 3:16

Ke nə Zhə̀fè tè fo etsɨ̂nè sê Aplàghâm yî ghâŋfə vəynfe mɔ̀ʼ. Ŋwàʼlè ə Fèzhə̀ pâʼà pì nə, ‘Ghàŋə̀m’ ze tyə̂ nə ghɨə se tsɨ̀, è pɨl pî nə, ‘Ghâŋfè’ ze tyə̂nə̀ nə ə̀ nyì ke wùə èmɔ̀ʼ mə tɔŋtə̂ nə Klâys.

1 Timotì 2:5

Kûmə̀ nə ə̀ nyì ke Fèzhə̀ fèmɔ̀ʼ, ə̀ fɨyn nyi ke wùə èmɔ̀ʼ vɛ è njìə pə̂ Zhə̀fè yî ghɨ kaʼke amɔ̀ʼ, wùə nə vɛ nyi Klâys Njisə̀s,

2 Timotì 2:8

Pɨ̀əyte Njisə̀s Klâys kə È tè zòmə ekwu, mə È tè fɨ ə esas ə ndɛ ə Ndàfîtzè, kè kə ə zaʼlə ə tom èchùŋ zɛ m ndaʼà.

Etyə̂yn ə paynsêzè 22:16

“Mi Njisə̀s ə tom tsì zɨ̂mzè nə è ndaʼa ghɛ ghɨ̀nə sê ndɛ sə Fezhə̀sè. M nyi wùə ètɔ̀ŋ ə ndɛ ə Ndàfîtzè, nyi fèlî fe panə fə pɨ̂sə̀ pɨ̂sə̀fè.”