Tom èchùŋ kè kə Lûk tè nyaʼ 9:51 - Ŋwàʼlè ə̀ Fèzhə̀ Mkâyn Mə̂ Fèm

⁵¹ Njisə̀s ə tə ndə̀m nə è kɔʼɔ ə Njèlusalɛ̀m kûmə̀ nə shîŋə̀kè tè se paʼsə̂ pə̀ kə ə nji kɔʼ è vəyn ekwùtwəyn.

Tom èchùŋ kè kə Lûk tè nyaʼ 9:51 ပူးပေါင်းရင်းမြစ်များ

Ŋwàʼlè ə̀ Mâk 16:19

Ə pə̀ kə Pɛ̂pɛ Njisə̀s wàmnè mɨ̂sè sê chùmtè èpàm sə vəynse, Zhə̀fè ə nə̀ è və kɔʼɔ ekwùtwəyn, ə tsɨsə̂ ə Fəynfe ekɔyntwɔve.

Tom èchùŋ kè kə Lûk tè nyaʼ 12:50

M kyi se kyiə mtsəfle sə shi. Ghɛ ətəynze e fo ngəʼ sê mi nâʼà sə ŋaŋ, m tsə̂mə̀ nə m̀ pə̀yn tsɛ!

Tom èchùŋ kè kə Lûk tè nyaʼ 13:22

Njisə̀s ə tsɛ̀ sè kwîə ndùə ə Njèlusalɛ̀m, tɔynə̂ ə setɔ̂ŋ è tə̀ʼse, zaʼlə̂ ə̀ghɨ.

Tom èchùŋ kè kə Lûk tè nyaʼ 17:11

Njisə̀s ə ndo se fɨnə ndùə ə Njèlusalɛ̀m ə fɨ ə njiə endom vɛ ə ve tɔynə ekwàŋ ə Sàmalyà yî Ngalìlî,

Tom èchùŋ kè kə Lûk tè nyaʼ 18:31

Njisə̀s ə njiə ndò è chùmtè epàm sə vəynse, njò sepɛ̀ ə piə sê ghənə nə, “Ghàyn ke nə ghâsènì kɔʼɔ ndùə ə Njèlusalɛ̀m zôyn nyì, naʼapi ghè kə fɨ̀aʼtè seghaʼâsè se nyi mə se ə nyàʼ kûmə̀ Vawùə nyi se kwəyn.

Tom èchùŋ kè kə Lûk tè nyaʼ 19:11

Ghɨ tè pa zɨtə̂ kə èwâmnè ə Njisə̀s nə zɛ, è və mɛ̀ ngàyn sê ghənə kûmə̀ nə è tè se paʼsə̂ ndùə ə Njèlusalɛ̀m, ghənə tè kwâʼtə̀ kə nə Zhə̀fè nə̂ zhə̂tə̀ se saʼ efɔ̂yn ə fəynfe kè sə ashìŋə̀ nə kɛ.

Tom èchùŋ kè kə Lûk tè nyaʼ 19:28

Njisə̀s ə wàmnə̀ nyi ə tsɛ̀ ghɨghe əshi sè kɔʼɔ ndùə ə Njèlusalɛ̀m,

Tom èchùŋ kè kə Lûk tè nyaʼ 24:51

Kə e te pa pɔsə̂ ghənə, ə njìə kɔʼsə̂ vəyn ekwùtwəyn. È və ndò zâ ghənə

Tom èchùŋ kè kə Lûk tè nyaʼ 9:57

Kə̂ Njisə̀s yî chùmtè èpàm sə vəynse tè kwìə ndùə endom, wùndômə̀ viu ə pə̀ piə sê Njisə̀s nə, “M chùmtə̀ gho m ndù naʼapi ghayn kə ò ndùə.”

Njɔyn 13:1

Ə̀ tè faŋ fetuʼ kə ə zhi Zaʼatsɛze, mə Njisə̀s se ke ndò nə shîŋə̀kè ə kwəyn kə È ndo fâ mbi ə È ndu sê Pɨ̀a Vəyn. È tè nyîə kɔ̂ŋɔ̀ ə̀ghɨ ə mbi ghɛ ə ghe tè pomə sê Vəyn, È və tyə̀ynə̀ èkɔ̂ŋ ə vəyn sê ghənə se nduə fɨ ə kwùŋse.

Njɔyn 16:28

M tè ndò sê Pɨ̀a Vɨ̂m ə pə̀ ə mbi, zôyn M zâ mbi kɛsə̂ ndûə se Pɨ̀a Vɨm.”

Njɔyn 16:5

Pîza zôyn, M kɛsə ndûə se vɛ ə è tom Mi, pîza wùə se ghàyn e pfɨfə va sê Mi nə, ‘Ò ndûə ghayn zə?’

Njɔyn 17:11

M nə̀ fɨnə faŋə va ə mbi pîza ghənə pa nyi ə mbi, M pə se ghò zôyn. Pɨ̀a vɨ̂mve èŋwaʼa tɔ̀ʼne è ghənə è tyaʼ Kɛke zəke, ezə zɛ ə ò tè fo sê Mi, kə ghənə nyi sə eghɛ èmɔ̀ʼ kè kə ghâsè ghò nyì sə eghɛ èmɔ̀ʼ.

Njɔyn 6:62

Ə ghàyn fe, Vâ wùə è kɛsə ndô ndùə ekwùtwəyn, elùʼ vɛ ə è tè nyi ətəyn sə shi, ə ghàyn ghayn ghe?

Ətefɨ̂aʼ 1:2

se zaʼâ kə Zhə̀fè tè nji Vəyn ekwùtwəyn. Tsɔ̀fə kə ə nji Vəyn ekwùtwəyn, Zuʼse Ŋwaʼase ə fo àtyaʼ, È və zaʼlə̂ ə̀ghɛ se ghɨ ghɛ ə È chɔʼte kə sechùmtè èpàm sə tom sə Vəynse kə ghənə nə̂.

Ətefɨ̂aʼ 1:9

Kə Njisə̀s wàmnè mɨ̂sè ghɛ nə ghɨ̂yn, Zhə̀fè ə nə̀ È və kɔʼɔ ekwùtwəyn. Kə ghənə tè pa naynə̂ kɔʼsə̂ ndûə Vəyn, È və kɔʼɔ kə nyi mbàʼsè ə kɨlə fɨ̂nə̀ Vəyn, ghənə ə tàʼa kɛsə fe Vəyn.

Ɛfesùs 1:20

se nə̀yn nə Klâys kɛse zômə̀. Klâys ə zòmə̀ za, è və ndə̀mə̀ vəyn ə Vəyn ekɔyn twɔve ekwùtwəyn.

Filìpây 3:14

M pa mɔ̂msə̀ kə se ndùə əshi se nduə fɨ elùʼ vɛ m ndûə, kə m kaʼa m kyi fɨa vɛ ə Zhə̀fè nyi mə Fə ndə̀m se mi ekwùtwəyn. È və tɔŋɔ̂ mi nə m ndu awulə tɔynə̂ ə Njisə̀s Klâys.

1 Timotì 3:16

Wùə vîvè vayn kwiynsê nə pomə ə ghasènìze nyîə kyi èghɛ e ndətəze, ze ghaʼa kə nyi: Klâys ə tə pə̀yn sə wûə m̀sɔ̀ŋ, Zuʼse Ŋwaʼase ə tyə̀nə̀ nə è nyi va Fèzhə̀, tsìsè ə fe vəyn, ə tə ndàʼà tom kûmə̀ vəyn ə tèndâʼà tèkɨ̂m, ghɨghe ə pomə se vəyn ə telùʼ tekɨ̂m ə mbi, Zhə̀fè ə njìə kɔʼsə̂ vəyn ekwùtwəyn.

Ipilù 12:2

Ə ghâsènì ə naynə̂ ndûə kə sê Njisə̀s. Ə̀ nyi vəyn vɛ ə è pùʼ ndom ekyî epomə̂ ə ghasènìze, ə fɨyn nyi ke vəyn ə è chisə pomə ətəynze se ndùə tânə̀ əkwùŋse. È və tə pomə̂ se kwu awâmnè ə tàʼa njì eghomə zɛ ə ze tè nyi e kyì ekwu nə zɨ̂nə̀ sə eghɛ kûmə̀ nə è tè nyiə ke nə ə̀ tə nyi epàm ətəyn, ə è və saŋnə̂. È nyi zôyn, tsɨs ekɔyn e twɔ ə fekyə̀ efɔ̀yn ə Fezhə̀vè.

Ipilù 6:20

Kûmə̀ ghâsènì, Njisə̀s ə tə nji fumə elùʼ sə shi sê ghâsènì, ə ke pə̀yn sə nyi wùə èkɔʼsə nə̂ èshyə̀ èngaŋtə kwəynə sə teshìŋə̀ tèkɨ̂m kèpi endom vɛ ə Mèlkisendèk tè nyi ətəyn.

1 Pità 3:22

È və zòmə̀ ə kɛsə kɔʼɔ ekwùtwəyn, sè tsɨs zôyn ə Zhə̀fè ekɔyntwɔve, saʼa sètsì sèkɨ̂m, fɨnə saʼa sèzuʼ sèkɨ̂m sɛ ə se kyi twɔʼve.