Tom èchùŋ kè kə Lûk tè nyaʼ 9:47 - Ŋwàʼlè ə̀ Fèzhə̀ Mkâyn Mə̂ Fèm

⁴⁷ Njisə̀s ə kê eghɛ zɛ ə ghənə kwâʼtə̀ ə njiə vayn ə tɔmə paʼsə̂ ə və ngwùŋ

Tom èchùŋ kè kə Lûk tè nyaʼ 9:47 ပူးပေါင်းရင်းမြစ်များ

Matyò 12:15

Kə Njisə̀s tè zɨ nə ə pɨaʼtə̂ se zhwiə vəyn, È və ndò fumə elùʼ. Kə È tè ndò fumə elùʼ nɔ̂yn ə ghɨ̀kè e chûmtə̀ vəyn. È və tsuʼə ə̀ghɨ zafə ghəkɨ̂m

Matyò 9:4

Njisə̀s ə kê èghɛ zɛ ə ghənə kwâʼtə̀, ə pìə sê ghənə nə, “Kûmə̀ ghè ə ghàyn kwàʼtə̀ ghɛ epiə nyiə.?

Tom èchùŋ kè kə Lûk tè nyaʼ 5:22

Njisə̀s ə kê eghɛ zɛ ghənə kwâʼtə̀ ə se pfɨf sê ghənə nə, “Ghàyn kayntə̂ nâʼà əghɛ nə ghɨnəmə nyi kûmə̀ ghè?

Njɔyn 16:30

Ghàs ke ndô zôyn nə Ò nyîə ke ə̀ghɛ əkɨ̂m, mə Ò fɨnə kyiŋə va nə wùə pfɨf ndô ghɛze se ghò. Zɨnə mə nə̂ nə ghàs pomə nə ò ndò sê Zhə̀fè.”

Njɔyn 2:25

Wùə tè va sə̂ fɨnə tsâ ndò fɨa kɛ ə wùə nyi kəynke sê vəyn kûmə̀ nə è tè se ke ndô kwâʼtè tə̂ ghɨ̀tè.

Njɔyn 21:17

Njisə̀s ə fɨnə tɔŋtə̂ vəyn, nə ə sè nyi tèshiŋə̀ tèta, ə pìə nə, “Shimùyn, Va Njɔyn, ò kɔ̀ŋɔ̀ ndò Mi ə?” Ghɛ ətəynze e sè fo ngəʼ sê Pità kə Njisə̀s pfɨf nə ndu shîŋə̀ teta nə, “Ò kɔ̀ŋɔ̀ ndò mi ə?” È və ke pì sê Njisə̀s nə, “Ò nyîə ke ə̀ghɛ ə̀kɨ̂m ə Pɛ̂. Ò ke ndô nə m nyîə kɔ̂ŋɔ̀ ghò.” Njisə̀s ə pìə sê vəyn nə, “O tɔ̂ʼnə̀ è ndzè sɨmse.

1 Kɔlìŋ 14:20

Ghɔnyì ghɨmə, kə ghàyn fɨyn kwâʼtè kə mmɨ̂ətə̀. Ghàyn nyi mmɨ̂ətə̀ apàs se nə̀yn ə pi, pîza nyi ə̀ghɨ mə ndəmə̂ endom vɛ ə ghàyn kwàʼtə̀ ghɛghe ətəyn.

Ipilù 4:13

Nâʼàpî ghè vɛ Zhə̀fè fɛte nyîə panə kə ə ndayn sê vəyn. Fɨa kyîke va ə ke ndə̂tə̀ sê vəyn, ghâsènì e nyi se tə tyə̂m ə və shi se taŋə ə njo ə ghâsènì kûmə̀ nâʼà pî ghè kə tè nə̂.

Etyə̂yn ə paynsêzè 2:23

M nə̀ zhwiə kəpî əghɔ vəynghe, ə ndɛ sə Fezhə̀ sekɨ̂m ke nə m nyi wùə vɛ ə m ke kwâʼtè tə ghɨ̀ tekɨ̂m è kɨsè ghɛ zɛ ə ghənə kyiŋə. M nə̀ ndaʼà nâʼàpî ndè kè eghɨ endom vɛ ə è tè fɨ̀aʼa.