Tom èchùŋ kè kə Lûk tè nyaʼ 9:44 - Ŋwàʼlè ə̀ Fèzhə̀ Mkâyn Mə̂ Fèm

⁴⁴ “Ghàyn tɔʼ zɨ eghɛ zɛ m kyiŋə sê pi sê ghàyn. Ə nə̀ fo Va Wùə sê ghɨə.”

Tom èchùŋ kè kə Lûk tè nyaʼ 9:44 ပူးပေါင်းရင်းမြစ်များ

Matyò 16:21

Se zhə̀tè fumə ashìŋə̀ se ndù əshi, Njisə̀s ə zhə̀tə̀ se tsàyn sê chùmtè èpàm sə vəynse nə, “M kyi se ndù ə Njèlusalɛ̀m. Ə̀ nyì fumə kə m nə̀ zɨə ngəʼ ètsɨə ə chəʼse əgho, è ghɨ kɔʼsə nə eshyə̀ engaŋtə, è tyə̀ynsè sə alàŋsè. È və pìə nə ə nə̀ zhwiə Mi, epàm mə̂ m̀tuʼ mta, ə m kɛse zômə̀.”

Matyò 26:2

“Ghàyn kyi sə̂ ke nə epàm mtuʼ mpɛ̀ nə̀ nə̂ nyi è zhi efɨazhi ezaʼa tsɛve. Ə̀ nyì fumə fetuʼ kə nə̀ fo tsɛsə̀ Vâ wùə ə ghɨghe əgho nə ə paynte awâmnè.”

Ŋwàʼlè ə̀ Mâk 8:31

Njisə̀s ə zhə̀tə̀ sè zaʼlə̂ ə sechùmtè èpàm sə vəynse nə, “Va wùə kyi se fe ngəʼ èghaʼâ. Ə chəʼse yî ghɨ kɔʼsə nə eshyə̀ ndɛ̂ Fèzhə̀ghe ghaʼâghè, è tyə̀ynsè sə alàŋsè tə vəyn. Ə zhwi vəyn, ə ə̀ nyi ə mtuʼ mta ə è kɛse zômə̀.”

Ŋwàʼlè ə̀ Mâk 9:31

kûmə̀ nə ə̀ tè nyi zâ, è ve zaʼlə̂ sèchùmtè èpàm sə vəynse pîə sê ghənə nə, “Ə nə̀ fo Vâ Wùə sê ghɨə, ə zhwi vəyn, ə epàm ə mtuʼ mta, ə è kɛse zômə̀.”

Tom èchùŋ kè kə Lûk tè nyaʼ 1:66

Ə̀ tè zɨə pî ndè saʼghe nə zɨ̂yn, nyi ke ekayntəze, pfɨfə nə, “Vayn nə vɨnə nə kɔʼɔ nâʼà sə ghe?” Ghənə tè nyî mə ə fe səmɔʼ nə Zhə̀fè nyi ə̂ vayn nə vɛ ətu.

Tom èchùŋ kè kə Lûk tè nyaʼ 18:31

Njisə̀s ə njiə ndò è chùmtè epàm sə vəynse, njò sepɛ̀ ə piə sê ghənə nə, “Ghàyn ke nə ghâsènì kɔʼɔ ndùə ə Njèlusalɛ̀m zôyn nyì, naʼapi ghè kə fɨ̀aʼtè seghaʼâsè se nyi mə se ə nyàʼ kûmə̀ Vawùə nyi se kwəyn.

Tom èchùŋ kè kə Lûk tè nyaʼ 2:19

Pîza Mèli ə ndəmə̀ ə̀ghɛ nə ghɨyn ə vəyn ekwâʼtè, ghə faŋa kəndò.

Tom èchùŋ kè kə Lûk tè nyaʼ 2:51

È və ndò ashìŋə̀ nə kɛ ə kɛsə̂ tso ə Nazalɛ̀t yî ghənə sè zɨə sê ghənə. Nyiə vəyn ə ndə̀mə̀ əghɛ nə ghɨyn nâʼà əkɨ̂m ə vəyn ekwâʼtè, ghə faŋa kəndò.

Tom èchùŋ kè kə Lûk tè nyaʼ 24:44

Epam ətəyn, è və piə sê ghənə nə, “Ghɛ ghɨnə ə ghàyn fe nyi ə nyi əghɛ ghɨm ghɛ ə m tè tsàyn sê ghàyn kə ghâsènì te pa nyi əmɔʼ nə, naʼapi ghè kə nyi mə nyaʼ kûmə̀ mi ə ŋwàʼlè esaʼ ə Mosîsè e ŋwàʼlè sə fɨ̀aʼtè sè ghaʼasè e ŋwàʼlè se Njàŋ kyi sè nə kwəyn nâʼà ə kɨm.”

Tom èchùŋ kè kə Lûk tè nyaʼ 9:22

ə fɨnə piə nə, “Va Wùə kyi ke nâʼà se fe ngəʼ èghaʼâ, nə chəʼse yî ghɨkɔʼsə nə eshyə̀ engaŋtəghe è tyə̀ynsè sə alàŋsè tə vəyn, ə zhwi vəyn, ə sè nyi sə mtuʼ mta, ə è kɛse zômə̀.”

Njɔyn 16:31

Njisə̀s ə pə̀ynsə̀ sê ghənə nə, “Ghàyn pomə̂ ndò zo?

Njɔyn 16:4

M tsâ ə̀ghɛ nə ghɨ̂yn sê ghàyn kə ə ghe tə kyâyn, ə ghàyn kwaʼte nə mə tè tsàyn sê ghàyn. M tè paʼà tsàyn ghɛ ghɨ̀nə se ghàyn ə zhə̀te, kûmə̀ nə M tè nyì ghâsènì.

Njɔyn 19:11

Njisə̀s ə pə̀ynsə̀ nə, “Ò kyi va tyaʼ kyîke ə Mì ə tu ə̀ tsɛ̂ kə va mə ə̀ fo Fezhə̀ kəynke sê ghò. Wùə vɛ ə è fo tsɛsè Mi se ghò ə nə̀yn kàyntè ə̀ pi.”

Ətefɨ̂aʼ 2:23

Ə fo Njisə̀s nə vɨ̂yn ə gho se pàynghè, ghənə ə payntə̂ Vəyn awâmnè, kè eghɨ kə Zhə̀fè tè pɨaʼte ndəm.

Ipilù 2:1

Ghɛ nə ghɨnə tyə̀nə̀ nə ghâsènì kyi se fɛtə̂ kyiə tom èchùŋ nə zɨ̂yn ə ghâsènì zɨ nyi kə ghâsènì nə tàʼa njìsè endom.