Tom èchùŋ kè kə Lûk tè nyaʼ 9:42 - Ŋwàʼlè ə̀ Fèzhə̀ Mkâyn Mə̂ Fèm

⁴² È və pi fɨə se ndù è vəyn, pamə̂ ə satàyn zɛ ə màʼà va ətəyn ə chi, è ve sè shiŋə. Pîza Njisə̀s ə kàyntə̀ ə̀ghɛ sê zuʼ se pi nə sɛ, se ə fɨə, va ətəyn ə tɛ. È və kɛse fo vəyn sê pɨ̀a vəyn.

Tom èchùŋ kè kə Lûk tè nyaʼ 9:42 ပူးပေါင်းရင်းမြစ်များ

Ŋwàʼlè ə̀ Mâk 9:20

Ghənə ə nji pə̀ è vâ ətəyn sê Njisə̀s. Zuʼse epi nə sɛ ə fe pə̀ kə Njisə̀s nyî, ə kyîə vâ ə̀təyn, ə tɨmə vəyn ə chi, è ve pɨŋnə̂, pfɨpfɨke e fɨə ə vəyn echo.

Tom èchùŋ kè kə Lûk tè nyaʼ 7:15

Wùə èkwuə nə vɛ ə ndwìə tsɨsə ə zhə̀tə̀ sè wàmnə̀. Njisə̀s ə kyiə vəyn ə kɛsə fo vəyn sê nyiə vəyn.

Tom èchùŋ kè kə Lûk tè nyaʼ 9:39

Zuʼse pise faŋa va se ko vəyn nə è shɨŋ pɨa è chie ə è pfɨə ə chi, pfɨpfɨke e fɨə ə vəyn echo. Ke nə̂ ke nə̂ za, fo ngəʼ sê vəyn, zâ kə vəyn mə è və pɔ nâʼà sə ŋaŋ.

Tom èchùŋ kè kə Lûk tè nyaʼ 9:41

Njisə̀s ə pə̀ynsə̀ piə nə, “Ə̀ nyi anɔ̂yn a pi àkè kɨ̂yn ə ke ke va se pomə nyiə, m ndamə tânə̀ zàyn ghâsènì tsɔ̀fə kə ghàyn pomə ə?” È və wàmnə̀ za ə se pi sê wùə təyn nə, “Pə̀yn è vayn vɛ nə vɛ fayn.”

Tom èchùŋ kè kə Lûk tè nyaʼ 9:43

Nâʼà ghɨ əkɨ̂m fu e sè nyi è kayn kûmə̀ atyaʼ ə Fezhə̀a. Ghɨə tè pa kayntə̂ kə ndò ghɛghe əkɨ̂m ghɛ ə Njisə̀s tè nə, Njisə̀s ə piə sê chùmtè èpàm sə vəynse nə,

Njɔyn 6:19

Ə̀ tè se nyi mə chùmtè èpàm sə təynse ə kwì zaʼâ mâyl seta zaʼâ ndûə sèkyàʼ, ə ke fe Njisə̀s È kwîə etuə m̀mò, pə̂ paʼsə̂ etipìə ngwùʼ èghaʼâ. Fâyn zə ko ghənə nâʼà sə ŋaŋ.

Ətefɨ̂aʼ 9:41

Pità ə kyîə ndwisə̀ vəyn ə tɔŋnə̂ ə̀ghɨ poməghe è zhwiə kwu ghɛ ə ghe tè nyì fumə, ə tyə̀ynə̀ sê ghənə nə Tàpità nyi ètwɔ.

Etyə̂yn ə paynsêzè 12:12

Nyiəmə, nâʼà ghàyn əkɨ̂m ghɛ ə ghàyn ndamə ekwùtwəyn, ghàyn e saŋnə̂! Pîza, e nyîə kwûəmnə̀ sê ghàyn ghɛ ə ghàyn ndamə ə chi è ghàyn ghɛ ə ghàyn ndamə ə enjwì ə fengwaŋve kûmə̀ nə ndə̂plè ə tso pəyn sê ghàyn, tɔŋ əvəyn ve zafə nâʼà sə ŋaŋ kûmə̀ nə è ke ndô nə shîŋə̀ ə vəynke kɛsə̂ tsɨ̂ə va.”