Tom èchùŋ kè kə Lûk tè nyaʼ 9:29 - Ŋwàʼlè ə̀ Fèzhə̀ Mkâyn Mə̂ Fèm

²⁹ Kə Njisə̀s tè tsə̂mə̀, kyâʼ ə vəynze ə pfɨ̀ŋə̀ kwiynə̂, ndzɨs sə vəynse e sè fɨfə kə nyi, ŋwâŋtə̀.

Tom èchùŋ kè kə Lûk tè nyaʼ 9:29 ပူးပေါင်းရင်းမြစ်များ

Matyò 17:2

Ghənə ə naynə̂, ə fe kə wiynə Njisə̀sè kwiyne, kyaʼ ə vəynze nyaynə̂ kə ezhwi. Ndzɨs sə vəynse ə kɛsə̂ sè fɨfə kə nyi fɨnə nyaynə̂.

Ŋwàʼlè ə̀ Mâk 16:12

Njisə̀s ə nə̀ fɨnə tyə̂nə̀ ngɨŋə̂ vəyn sê ghɨə Vəyn ghe əpɛ̀ mə ghənə ndô fɨə pə̂ endaʼ. Pîza famə ashìŋə̀, È və chwìtə̀ ngɨŋə̂ Vəyn endom sə nɨŋ.

Tom èchùŋ kè kə Lûk tè nyaʼ 3:21

Ghɛ nə ghɨnə tè piə kyànə za, mə Njɔyn tè nyi mə è və fo mɨ̀sè môm sê ghɨə, tuʼfîfe, Njisə̀s ə pə̀, è və pɔŋɔ fo m̀mo sê vəyn. È ve sè tsə̂mə̀, ke nyi, kwùtwəynve ə chwìə.

Tom èchùŋ kè kə Lûk tè nyaʼ 5:16

Pîza è tè faŋa va se za ghənə se ndù elùʼ, kè vəyn ènɨŋ se tsə̀m.”

Tom èchùŋ kè kə Lûk tè nyaʼ 6:12

Njisə̀s ə kwɨlə̂ ə kɔʼɔ ə pfɨ̀yn tuʼfîfe ə pɨənə tsə̂mə̀ kə sê Zhə̀fè nyiə, tuʼve ə zo.

Tom èchùŋ kè kə Lûk tè nyaʼ 9:18

Ə̀ tè nyi tuʼfîfe, Njisə̀s e tsə̂mə̀ elùʼ kè yî chùmtè èpàm sə vəynse ə ke pfɨf sê ghənə nə, “Ghɨ piə nə m nyi ndè?”

Tom èchùŋ kè kə Lûk tè nyaʼ 9:30

Kè nyi, ghɨghe ə pɛ̀ ə tyəmə sè kâtə̀ əghɛ è vəyn. Ə̀ tè nyi Mosîs yî Èlanjà.

Njɔyn 1:14

Kyə̀ ə̀təyn ə kɛsə̂ sə wûə èwàmnə, ə ndamə ə ghâsènì ə fètəyn. È tè nyi mə È və lwiyn è fùʼkè, ə tyə̀nə̀ kə səmɔʼ nyi kûmə̀ Fezhə̀. Ghâsènì ə fe èpomsê ə vəynze, epomsê zɛ ə è fi kə vayn vɛ ə̂ tè nyì ke vəyn sê pɨ̀a.

Ətefɨ̂aʼ 6:15

Nâʼà ə̀ghɨ ə̀kɨ̂m ghɛ ə ghe tè nyi elùʼ e saʼ nə vɛ ə naynə̂ ndùə Shìtifɨ̀yn ə fe èkyâʼ ə vəynze ze nyanə̂ kə kə ekyâʼ ə tsìzè.

Etyə̂yn ə paynsêzè 20:11

Mə ke fe fekyə̀ fə efɔ̀yn fe eghâʼafè, fe fɨfə ndò è wùə vɛ ə è tsɨs ətəyn. Kwutwəyn e chike ə saŋə ə və shi, wùə vîvè ə tàʼa kɛsə tyəmə fe ghənə.