Tom èchùŋ kè kə Lûk tè nyaʼ 9:26 - Ŋwàʼlè ə̀ Fèzhə̀ Mkâyn Mə̂ Fèm

²⁶ Naʼapi ndè vɛ ə è ghomə kûmə̀ mi è zaʼlê zɨme, ə è və ke nə Vâ wùə tə pɔŋɔ ghomə kûmə̀ vəyn ezhoghɛ ə è kɛse pə̀yn əfètə̂ èpomsê zɛ ə è kyi, ə̀ nyi èpomsê ə Pɨ̀aze è tsi sə vəyn sə eŋwaʼase.

Tom èchùŋ kè kə Lûk tè nyaʼ 9:26 ပူးပေါင်းရင်းမြစ်များ

Matyò 16:27

Kûmə̀ nə Va wùə se nyi ke se pə̀yn ə pɨ̀a vəyn epomsê è tsì sə vəynse. Ə nyì fumə ashìŋə̀ ə è nə̀ mâʼtə̀ nâʼà pîndè tɔynə̂ efɨ̀aʼ zɛ è nyi mə è və nə̀yn.

Matyò 25:31

Njisə̀s ə pìə kwəynsə̂ nə, “Vâ wùə tə pə̂ kə fɔ̀yn è tsì sekɨ̂m yî vəyn, ə è tsɨsə ə fèkyə̂ fə efɔ̀ynfè se saʼa əghɨ.

Matyò 26:64

Njisə̀s ə pə̀ynsə̀ vəyn nə, “Kè kə ò pì, pîza m tsâ sê ghàyn əkɨ̂m nə, se zhə̀tə ndù zôyn se ndù əshi, ghàyn tə fe Vâ Wùə ə è və tsɨs ə ekɔyn etwɔ ə pɛ̀ ètwɔʼ ekɨ̂mvè. Ə ghàyn fe ə è və tsɨs tso pə̂ etûə sèmbàʼ se kwùtwəynse.”

Ŋwàʼlè ə̀ Mâk 8:38

Ə nâʼà pîndè vɛ è ghomə kûmə̀ mi è zaʼlê zɨme əghɨ mbighe əshi ghɛ ə pomə va Zhə̀fè, ə Vâ wùə tə pɔŋ ghomə̂ kûmə̀ vəyn ezhoghɛ è kɛse pə̂yn əfètə̂ èpomsê ə Pɨ̀a vəynze yî tsì sə vəynse ŋwaʼase.”

Njɔyn 12:43

Ghənə tè nyîə kɔ̂ŋɔ̀ nə ghɨ ghə tsɨ̂tə̀ ghənə tsɛ̂ kə ə tsɨ̂tə̀ Zhə̀fè.

Njɔyn 5:44

Ghàyn kɔ̂ŋɔ̀ sə̂ fiə ètsîtè sê ngɨŋ saynse, pîza kɔŋə̀ va se fiə etsîtè sê Vɛ È nyì və̂yn mɔ̀ʼ, nyi Fèzhə̀, ə ghàyn ə nyi kàʼa pomə zayn sê Mi ə?

Ətefɨ̂aʼ 10:22

Ghɨ ə təynghe ə pìə nə, “Ghàs nyi mə ə̀ tom Kɔ̀nilùs, àtuə sesokə̀ʼa. È nyì ke nâʼà wùə chichi, fɨaʼà se Zhə̀fè, ghɨ Njûsghè əkɨ̂m nyîə ngɨmnə̂ vəyn. Tsì ə̀ Fèzhə̀ zhîzè pì sê vəyn nə, è tom tɔŋɔ ghò ə ò pəyn ə və ə ndɛ kə è zɨ ghɛ zɛ ə ò kyi se tsàyn se vəyn.”

Ŋwàʼlè ə̀ Pɔ̂l sê ghɨə Lûmghè 1:16

M ghomə̂ va se ndàʼa tom èchùŋ kûmə̀ nə è nyi atyaʼ ə Fezhə̀ kɛ ə ke nyi mə kə pə̀yn èsɔzaze sê ghɨ ghɛ ə ghe pomə sê vəyn, se zhə̀tə pə̀yn se ghɨə Njûsə̀ se nduə fɨ sê ghɨ ghɛ ə̀ va əghɨ ə Njûsghè.

2 Kolìŋ 12:10

Kûmə̀ Klâys, m saŋnə̂ tsɛ̂ kə ndò ashìŋə̀ kɛ m pɔlə̂, ashìŋə̀ kɛ ə sôylə̀ mi, ashìŋə̀ kɛ ghɛ ghe tɛ sê mi, ashìŋə̀ kɛ ə tsə̂fsə̀ mi, è ghɛ mɔ̀ʼɔghe, ghe tsɨ̂ə tsɛ̂ àtyaʼ kɨmke. E nyi nyî kûmə̀ nə ə pə̂ ashìŋə̀ kɛ m pɔlə̂, m pɨl kyi àtyaʼ.

Ngàleshyà 6:14

Pîza sê mi, m nə̀ wâmnə̀ ə ndayn kûmə̀ Pɛ̂pɛ ə̀ ghâsènì Njisə̀s Klâys vɛ ə è tè kwu awâmnè, kûmə̀ nə tɔynə̂ ə vəyn awâmnè, fɨa mbive nyi ke kə efɨa ekwutəve, m nyi ke kə afɨa ə kwuəke se fɨa ə mbive.

1 Timotì 5:21

M tyəm fâyn ə Zhə̀fè əshi yî Klâys Njisə̀s, è tsì sə vəynse se tsàyn sê ghàyn nə, ghàyn ə ndə̂mə̀ ə̀ghɛ ghɨ̂yn mə ghàyn kɔ̀ŋə̀ va wùə vîvè tsɛ və mɔʼɔ, fɨnə nə̂ va ghɛze se wùə kûmə̀ nə è nyi wùə vɛ̂vè.

2 Timotì 1:12

Ə̀ za nyi eghɛ zɛ ə m zɨə ngəʼ endom nə vɨ̂yn. Pîza m pa ke kendò səmɔʼ nə, kûmə̀ nə m ke ndô wùə vɛ m samsə̂ vəyn, ke kendò səmɔʼ nə è nyi kàʼa e fɛte ndəm tom zɛ ə è tè fo sê mi se zaʼâ etuʼ ekwuŋsəve.

2 Timotì 2:12

Ə ghâsènì ndù ke eshike sə̂ kolə ə̀təm, ə ghâsènì ghə̀ vəyn tə nəyn ə saʼə mbi. Ə ghâsènì kwiynse nə ghâsènì ke va vəyn, ə è tə pɔŋ kwiynsê nə zhi ke va ghâsènì.

Ipilù 11:26

È və fe nə e pɨlə tsɔ̂fə̀ nâʼà sə ŋaŋ kə ə sôylə̀ zhi kûmə̀ Klâys tsɛ̂ kə e kyi ghaʼze endaʼ ə Enjìpè. È tè taŋtə̂ nyiəmə kûmə̀ nə è tè naynə ndûə èmaʼte vɛ ə Zhə̀fè tə fo sê vəyn ə shi.

Ipilù 13:13

Ə ghâsènì pɔŋ fɨ ndo elùʼ vɛ ə ghɨə ndamə, ə ndu kotê vəyn ə pɨaʼa kəpî èghomə̂ kə vəyn.

Njût 1:14

Enɔ̀k vɛ ə è tè nyi feghâŋ fèsɛ̀mbɛ ə Andàm epàm, ə tə tsàyn kûmə̀ èghɛ zɛ ə ze tə kyânə̀ kûmə̀ ghənə nə, “Ghàyn zɨte! Pɛ̂pɛ tə pə̂ è tsì sə vəyn se Ŋwaʼase kamse se tsɨ̂ə kə nyî,

Etyə̂yn ə paynsêzè 1:7

Ghàyn fe kə, è vɛ è pə̂ əfètəyn sembàʼ, nâʼàpî ndè e nyi se fe vəyn, paʼsə̂ è ghɨghe əkɨ̂m ghɛ ə ghe tè so vəyn èghɔŋ. Nâʼà ə̀ghɨ ə̀kɨ̂m ə chi tə nə̂ ə chìə kûmə̀ vəyn. E nyi ke nâʼà səmɔʼ! ə zə nyi ke zamə.

Etyə̂yn ə paynsêzè 20:11

Mə ke fe fekyə̀ fə efɔ̀yn fe eghâʼafè, fe fɨfə ndò è wùə vɛ ə è tsɨs ətəyn. Kwutwəyn e chike ə saŋə ə və shi, wùə vîvè ə tàʼa kɛsə tyəmə fe ghənə.

Etyə̂yn ə paynsêzè 21:8

Pîza sê ghɨ ghɛ ə ghe fànə è ghɨ ghɛ ə ghe tàʼa pomə sê mi, è ghɨ ghɛ ə ghe nə̂ ghɛ ə kwənəghe, è ghɨ ghɛ ə ghe zhwiə ghɨghe, è ghɛ ə ghe nə̂ ghɛ ə nyələghe, è ghɨ ghɛ ə nə̂ ghɛ pfɨtəghe, è ghɛ ə ghe ngɨmnə fɨ̂aʼsèvè, è ghɨ ə wamə nâʼà ə̀kɨ̂m, ə tə ndə̂mə̀ ghənə elùʼ vɛ ə wusve pɛ ətəyn è fɨa kɛ ə ke lɛ̂ pâŋə̀ za e tɔŋtə̂ nə sɔlfɔ̀. Kwu nə zɨnə mə nyi zɛ ə ze tə nə̂ nə te ndu tepɛ̀.”

Etyə̂yn ə paynsêzè 3:5

Ghɨ ghɛ ə ghe nò zhi tə lafə kəpî famə endom è ndzɨs se fɨfə̂sè. M tə kəʼsə̂ va zə ə ghənə̂ghè ə ŋwàʼlè zɛ ə ghɨ ghɛ ə ghe kyi ndam zɛ ə ze tə mîə va nyi ətəyn. M tə tyəmə̂ pìə kə nâʼà ə ndayn nə m ke ndô ghənə ə Pɨ̀a vɨm və shi yî tsì sə vəynse.