Tom èchùŋ kè kə Lûk tè nyaʼ 9:24 - Ŋwàʼlè ə̀ Fèzhə̀ Mkâyn Mə̂ Fèm

²⁴ Ə̂ mɔ̀msə̀ piə ndè se sɔ̀ ngɨŋ ə vəyn ə è kwu, mə ə̂ kwu pi ndè kûmə̀ mi, ə è ndam faŋ.

Tom èchùŋ kè kə Lûk tè nyaʼ 9:24 ပူးပေါင်းရင်းမြစ်များ

Matyò 10:39

Ə̂ mɔ̀msè pîndè se sɔ̀ ə ngɨŋə̂ vəyn, ə è njise zə̂ynzè; ə njìsə̀ pîndè ngɨŋə̂ vəyn kûmə̀ Mi, ə è tə kyî èndam zɛ ə ze tə mîə va.

Tom èchùŋ kè kə Lûk tè nyaʼ 17:33

Ə za mɔ̀msə̀ pi ndè se ndamə faŋ, ə è kwu, ə màʼà pi ndè ngɨŋ ə vəyn, ə è ndam faŋ.

Njɔyn 12:25

Ghɨ ghɛ ə kɔ̂ŋɔ̀ ndam ə ghənə̂zè nə Njîsə̀ zəynze, ghɨ ghɛ ə pânə̀ zə ghənə̂zè nə endam fa mbi, ə tə ndam èndam zɛ ə ze tə mîə va.

Ipilù 11:35

Tɔynə̂ ekyî epomə̂zè, Zəynghe ə tə kɛse kyi ghɨ ə ghənə ghɛ ə ghe tè nyi mə ghə kwu kə zômsè. Ə tè fo tsôsè sê ghɨə mɔ̀ʼɔ nâʼà sə ŋaŋ kûmə̀ nə ghənə ə tə tə nə ghənə fiə va sɔ̂sèzè, ghənə ə tə pomə̂ se kwu se kyi endam echûŋzè ezhoghɛ ə kɛse zômə̀.

Etyə̂yn ə paynsêzè 12:11

Ghɔnyì ə ghâsènì nə ghɨ̀nə̀ ə nò ə zhiə vəyn tɔynə̂ m̀ndəm mə Va Ndzèm, tɔynə̂ ə səmɔʼ zɛ ə ghənə tè tsâ, è kɨsè nə ghənə tè nyîə nyi èpɨaʼtêzè se kwu ezhoghɛ ə kwuze pə̂yn.

Etyə̂yn ə paynsêzè 2:10

Fekə! Kə ò nə fayn ètsôs vɛ ə ò njiə ndùə ətəyn. Ndə̂plè nə̂ nə ə kyi ghàyn yîghe ə ndəm ə ndɛ̂ chaʼ, ə̀ nyì ke emɔ̂m kə ze pə̂ sê ghàyn. Ghàyn nə fe ètsôs fu sə mtuʼ mghɨm. Mə ə nyi pî se zhwi ə ghàyn, ghàyn e samsə̂ kə ndò mi, ə m tə fo èndam zɛ ə ze tə mîə va sê ghàyn, ə̀ nyi àfɔ kayn kə tefɔ̀ynkè ə ke tyə̂ynə̀ nə ghàyn ə nò ə zhiə.