Tom èchùŋ kè kə Lûk tè nyaʼ 9:20 - Ŋwàʼlè ə̀ Fèzhə̀ Mkâyn Mə̂ Fèm

²⁰ Njisə̀s ə pfɨfə se ghənə nə, “Nâʼà ghàyn piə nə m nyi ndè?” Pità ə piə nə, “Ə̀ nyi gho Klâys, ə vɛ ə Zhə̀fè tom.”

Tom èchùŋ kè kə Lûk tè nyaʼ 9:20 ပူးပေါင်းရင်းမြစ်များ

Matyò 22:42

“Ghàyn kwàʼtə̀ nə ghe kûmə̀ vɛ ə chɔʼ ndəm ə? È ndò ə ndè fèghàŋfə nde fə?” Ghənə ə pə̀ynsə̀ nə, “È ndò pə̂yn ə feghàŋfə ndɛ fə fɔ̀yn Ndàfîtfè.”

Matyò 26:63

Pîza, Njisə̀s ə kɨmə̂ kə mɔŋ. Wùə èkɔʼsə nə èshyə̀ èngaŋtə kwəynə ə wàmnə̀ kwəynsə̂ se vəyn nə, “Ezə Fezhə̀ fɛ ə fe ndamə, m pîə sê ghò tsàyn səmɔʼ sê ghàs nə ò nyi vɛ ə chɔʼ ndə̂m ə, ə Vâ Fèzhə̀ ə?”

Matyò 5:47

Mə ghàyn tɔŋtə kə soyn saynse, ə nyi mə ghàyn nə̀ èghɛ zɛ ə nâʼà tsɨ̀yntsɨ̀ynə̀ wùə kàʼa è nəyn. Pî ə̀ghɨ ghɛ ə ghe keva Zhə̀fè nə̀ kəpî za?

Ŋwàʼlè ə̀ Mâk 14:61

Njisə̀s ə kɨmə̂ kə mɔŋ. Wùə èkɔʼsə nə èshyə̀ èngaŋtə kwəynə ə fɨnə pfɨfə sê vəyn nə, “Ə̀ nyi ghô vɛ ə Zhə̀fè chɔʼ ndə̂m mə, ə Va Fèzhə̀ fɛ ghɨə ngɨmnə ə?”

Ŋwàʼlè ə̀ Mâk 8:29

Njisə̀s ə pfɨfə sê ghənə nə, “Nâʼà ghàyn pîə nə m nyi nde?” Pità ə pìə sê vəyn nə, “Ə̀ nyì Ghò Vɛ ə Zhə̀fè chɔʼ ndə̂m.”

Tom èchùŋ kè kə Lûk tè nyaʼ 22:67

ghənə piə sê vəyn nə, “Ò nyi ke nâʼà Klâys, o tsà pə̂ se ghàs.” È və pə̀ynsə̀ nə, “M tsàyn pi ndò, ghàyn vâyn pomə,

Tom èchùŋ kè kə Lûk tè nyaʼ 9:19

Ghənə ə piə nə, “Yî ghe piə nə ò nyi Njɔyn Foə M̀mò, yî ghe piə nə ò nyi fɨ̀aʼtè Èlanjà, yî ghe e piə nə ò nyi fɨ̀aʼtè èghaʼâ vîvè kə è kɛse zômə̀.”

Njɔyn 1:41

Kè sə ashìŋə̀, è və kyiŋə ànyì ə̀ vəyn ə pìə sê vəyn nə, “Ghàs ə fe sɔ̀zà mə za nyi vɛ ə nyi mə ə chɔʼ.’” (Mə za nyi Klâys)

Njɔyn 1:49

Nàtanyèl ə pə̀ynsə̀ nə, “Tyə̀ynsè Ò nyì ke nâʼà Vâ ə̀ Fèzhə̀! Ò nyi fɔ̀yn ə̀ Isìlây!”

Njɔyn 11:27

Maltà ə pomə ə pìə nə, “M pomə̂ ndò ə Pɛ̂ nə ò nyi vɛ ə chɔʼ ndə̂m, mə za nyi Va Fèzhə̀ vɛ ə Zhə̀fè tè tsɨ̀ne nə È tə pə̂ ə mbi.”

Njɔyn 20:31

Pîza ə tè nyàʼ ghɨ̂nə̀ kə ò pomə nə Njisə̀s nyi vɛ ə chɔʼ ndə̂m, ə Vâ Fèzhə̀. Ə ghàyn pomə sê Vəyn, ə ghàyn tə kyî èndam zɛ ə ze tə mîə va ə Vəyn ezə.

Njɔyn 4:29

“Ghàyn pəyn fe wùə vɛ ə è tsàyn nâʼàpî ghè kə m tyəm nə̂yn. È kàʼa è və nyi vɛ ə chɔʼ ndə̂m ə lɨmtə mə?”

Njɔyn 4:42

Ghənə ə pìə sê wùzhɔyn nə vɛ nə, “Ghasə pomə se Njisə̀s zôyn, ə va chi kûmə̀ èghɛ zɛ ə ò pì, kûmə̀ nə ghàs è ngɨŋ sas se ə zɨ zaʼlə ə Vəyn, ə kê səmɔʼ nə È lote nyi Sɔ̀zà ə̀ mbi.”

Njɔyn 7:41

Yîghe pîə nə, “È nyi vɛ ə chɔʼ ndə̂m.” Pîza Yîghe pîə nə, “Vɛ ə chɔʼ ndə̂m vayn kaʼa è pəyn ə Ngalìlî!

Ətefɨ̂aʼ 17:3

È tè tsâ paynsə̂ ə̀ghɛ, tyə̂nə̀ əndayn, piə nə, vɛ ə kɨmne ndə̂m nyîə kyi se fe ngəʼ, se kwu se fɨnə zòmə̀, “Njisə̀s vɨ̂yn ə m wâmnə̀ sê ghàyn kûmə̀ vəyn, ə nyi vəyn vɛ ə chɔʼ ndə̂m.”

Ətefɨ̂aʼ 8:36

Ghənə e sè kwîə ndûə ə ndùə zaʼâ elùʼ vîve, ə fe m̀mo, wùə nə vɛ ə pìə sê Filìp nə, “Fe kə mômə. Ò vayn kàʼa ò fo mi èmôm zôyn kûmə̀ ghè?”

Ətefɨ̂aʼ 9:22

Pîza Sɔ̂l ə pɨlə ndaʼà nduə kə tom èchùŋ ə̀ Njisə̀s eshike è tyaʼke. Ghɛ zɛ ə è tè nə̂ se tyə̀yn nə Njisə̀s nyi vɛ ə chɔʼ ndə̂m tè panə kə ndayn, zə nə̀ ghɨə Njûs ghɛ ə ghe tè ndamə ə Ndàmaskùs e fɨyn kyi va nâʼà èghɛ zhîze se pì.

1 Njɔyn 5:1

Naʼapi ndè vɛ ə è pomə nə Njisə̀s nyi vɛ ə Zhə̀fè chɔʼ ndə̂m nyi va Fèzhə̀. Ə̂ kɔ̀ŋɔ̀ pîndè Pɨ̀a, ə è və pɔŋɔ kɔ̂ŋɔ̀ kəpi vayn vɛ ə Pɨ̀a kyi.