Tom èchùŋ kè kə Lûk tè nyaʼ 9:19 - Ŋwàʼlè ə̀ Fèzhə̀ Mkâyn Mə̂ Fèm

¹⁹ Ghənə ə piə nə, “Yî ghe piə nə ò nyi Njɔyn Foə M̀mò, yî ghe piə nə ò nyi fɨ̀aʼtè Èlanjà, yî ghe e piə nə ò nyi fɨ̀aʼtè èghaʼâ vîvè kə è kɛse zômə̀.”

Tom èchùŋ kè kə Lûk tè nyaʼ 9:19 ပူးပေါင်းရင်းမြစ်များ

Matyò 14:2

Ɛlɔ̀t ə ke pì sê ghɨ efɨaʼa vəynghe nə, “Ə̀ vɨ̀nə nyì ke nâʼà Njɔyn Fo M̀mò kə è kɛse zômə̀. Ə̀ za nyi eghɛ zɛ ə è kyi tyaʼa sə̂ nə̂ ə̀ghɛ kayntə.”

Matyò 3:1

Ə shɨŋ nə zɛ, Njɔyn Foə m̀mò ə ndùə elùʼ endaʼ ashəshəze ə Njòndyâ ə zhə̀tə̀ sə̂ ndàʼà ə eghɛ ə Fezhə̀zè. È tè ndàʼa pîə nə,

Ŋwàʼlè ə̀ Mâk 6:14

Ghɨghe ə zɨə ə̀ghɛ ghɛ ə Njisə̀s tè nə̂ luʼte tekɨ̂m, fɔ̀yn Ɛlɔ̀t ə pɔŋɔ zɨə. Ə tè nyi za, ghɨghe kwîə pîə nə ə nyi Njɔyn Fo M̀mò kə è kɛse zômə̀, nə za nyi eghɛ zɛ ə è kyi tyaʼa sə̂ nə̂ ə̀ghɛ nə ghɨnə̀ nyi.

Ŋwàʼlè ə̀ Mâk 6:15

Ghɨ nə ghɛ ə pìə za, yîghe pîə nə, ə nyi fɨ̀aʼtè Èlanjà kə è kɛse pə̀yn. Yîghe tè piə nə ə̀ nyi fɨ̀aʼtè zhîzè ə è tè nyi etuʼ əshi.

Tom èchùŋ kè kə Lûk tè nyaʼ 9:18

Ə̀ tè nyi tuʼfîfe, Njisə̀s e tsə̂mə̀ elùʼ kè yî chùmtè èpàm sə vəynse ə ke pfɨf sê ghənə nə, “Ghɨ piə nə m nyi ndè?”

Tom èchùŋ kè kə Lûk tè nyaʼ 9:20

Njisə̀s ə pfɨfə se ghənə nə, “Nâʼà ghàyn piə nə m nyi ndè?” Pità ə piə nə, “Ə̀ nyi gho Klâys, ə vɛ ə Zhə̀fè tom.”

Njɔyn 1:21

Ghənə ə fɨnə pfɨfə kwəynsə̂ sê vəyn nə, “Ò se nyi nâʼà ndè? Ə̀ nyì gho Èlanjà mə?” Njɔyn ə pə̀ynsə̀ sê ghənə nə, “Ngaŋ.” Ghənə ə fɨnə pfɨfə sê vəyn nə, “Ò nyi Fɨ̀aʼtè zɛ ə ghàs lɨmtə mə?” Njɔyn ə pìə nə, “Ngaŋ.”

Njɔyn 1:25

Ghənə ə pfɨfə kwəynsə̂ sê Njɔyn nə, “Ə ò se va vɛ ə chɔʼ ndə̂m, va Èlanjà, va fɨ̀aʼtè, ò sè fo m̀mo mə ghè mə?”

Njɔyn 7:40

Ghɨ yîghe əfètəyn ànɔ̀yn ə zɨə ə̀ghɛ ghɛ ə Njisə̀s pì ə pìə nə, “Wùə vɨ̂nə lote nyi ke nâʼà Fɨ̀aʼtè vɛ ə È nə̀ pə̂.”

Njɔyn 9:17

Ə môtə̀ kə nyi, ghənə ə kɛsə̂ pfɨfə sê wùə vɛ ə Njisə̀s fè tsuʼ za nə, “Ò pi nə È fe tsuʼ ghô ə gho efòf, nâʼà ghò ò kwâʼtə̀ nə ghe kûmə̀ və?” Wùə ə̀təyn ə pə̀ynsə̀ kə nə, “È nyi fɨ̀aʼtè.”